Serm. 58.
De confirmatione.
ann. 1780

Accipietis virtutem supervenientis Spiritûs Sancti
in vos, et eritis mihi testes. Act. 1.

        1. Explikaturik ia bataioaren sakramentua, eldu da orai explikaziora bigarren sakramentua, baita konfirmazioa, zein deizen baitu San Dionisio Areopajitak bataioaren perfekzionea, ta San Ziprianok konsumazioa, Rabanok, Terulianok, San Anbrosiok ta berze Aita Sanduek bataioaren konplementoa. Desuerte ezi San Klemente, San Pedroren diszipuloak omen zio, aitu ziola erraten bere maestruari, estela kristio perfektoa estagona konfirmaturik. Ta San Urbanok exortazen gaitu errezibitzera konfirmazioa, izateko osoki kristioak. (Parra hic plat.1.) Nola dateke ori, Jauna, delarik zierto, ezi bataioaren medios barkazenzaizkigula bekatu guziak, ematenzaigula grazia ta birtuteak, iten garela Jangoikoaren humeak ta zeruko herederoak, ta andik deizen garela ia kristioak, ta berla ilzen dena bataiatu ondoan, naiz konfirmatu gabe, doaiela zuzen zerura? Guziau da egi eta fedea, baña guziareki geldizen da egia ezi konfirmazioak ematen diola kristioai perfekzionea. Explikatuko naiz konparazio goneki. Erorzen da akaso aurtto bat balsa loizu batean, golpazen ta zikinzen da, dabila atra naies ta ezin atra, ia indarrak joanik, erdi itorik dagolaik, ellegazen da bere ama, ikusten du, doaie lastimaturik laixterka, atrazen du pobrettoa, darama etxera, garbizen du loi gartaik, aldazentio tresenak oñetik bururaño, ta ia pasaturik sustoa, erraten du ta ongi, kontu egun jaio dela aur gau. Baña oneki kontentazen da? Ez. Baizik nola aurra erorze gartaik, golpe ta osasunetik gelditu baita lastimaturik, eriturik ta indar usturik, ama onak kuidazen du emateas medizinak, erreparoak ta fomentoak bizkorzeko guzis aurtto gura. Pintatu dut nolapait gureki gertazen dena. Erori ze gizonen jenerazioa Adanenbaitan bekatuaren loiean; gure Amak Eliza Sandak garbituginduza, ta jaioaraziginduza graziaren bizitzara, baña guziareki nola baikara frajilak, bekatura inklinatuak ta indar gutitakoak, orgatik konfirmazioaren medios bizkorzen gaitu. Bataioan izan ze gure bigarren jaiotzea, espirituala; konfirmazioan da gure atzizea ta indar arzea bekala.

        2. Da, bada, konfirmazioaren sakramentua gu konfirmazeko bataioan errezibitu ginduen fedean. Bataioan eman zizaigu fedea ta grazia; konfirmazioan aien defendazeko indarra. Esta preziso, salbazeko bat izatea konfirmatua, ta ezpada usten desprezios, ura gabe sal badaike; baña ainberze etsaien ertean peligro andia da izan gaizen garaituak, ezpagaude konfirmatuak. Orgatik lengo kristioek prokurazen zute errezibitzea sakramentu gau gogo guzias, armazeko soldado balienteak bekala tiranoen kontra. Ta gure Jaunak agerzen zue klaroki sakramentu gonen efektoa, jausten zelaik Espiritu Sandua aien gañera, betezera indarres ta arimos. Nork estu erreparazen apostoluak ain beldurti Kristoren pasioan? Baña gero beira zein balerosoak! erran ziote Kristok erresuzitatu ondoan: Zauste ziudadean, aliketa eman dakizien artaño zerutik birtute, zerengatik errezibitu beauzie Espiritu Sandu etorko zaizenaren birtutea, ta izanbeauzie neretako testigo Jerusalenen, Judea guzian ta munduaren azken basterreraño. Ala izan ze, errezibiturik Espiritu Sandua ta konfirmaturik arren birtuteas, ia nioren beldurrik gabe exponizen zire trabaju ta eriotzeetara animoso Jesu Kristoren fedeagatik; au da konfirmazioko sakramentuaren efektoa.

        3. Sakramentu gonen ministroa da obispo jauna, sazerdoteen buru bekala, ta ez dezake niork administratu obispo baño gutiago denak, ta ontan ere ageri da sakramentu gonen dignidadea. Materia sakramentu gonena da krisma, baita olio ta balsamo konsagratues unjitzea bataiatua. Olioak signifikazen du graziaren erauntsia Espiritu Sanduaren medios arimara datorrena. Balsamoak signifikazen du birtuteen fragranzia edo fama ona izan bear dutena fielek, desuerte ezi erran dezaketen San Pabloreki: Garade Kristoren atxon preziosoa leku guzietan (2 Cor. 2), zerengatik alako exenplua eman bear du kristioak, ezi edozeñek ezaun dezan Kristoren eskola ta doktrinain santidadea arren baitan. Forma erraten duena obispo jaunak konfirmazerakoan da au: Nik markazen zaitut guruzearen señaleas, ta konfirmazen zaitut salbazioaren krismas Aitaren ta Semearen ta Espiritu Sanduaren izenean, Amen. Itz gebetan signifikazen da Trintate Sanduaren podorioa obrazen duena sakramentuain efektoa. Signifikazen da arimaren bizkortze ta indar ematea, iragazteko biktoria; baitare signifikazen ta deklarazen da marka parazen zaiona soldado Kristorena den bekala peleazeko etsai espiritualen kontra. Baña ez solamente agerrian parazen zaio guruzearen marka, baizik ere ariman inprimizen da karakter edo señale espirituala sekula borratuestaikena, ta orgatik ere estaike bi aldis konfirmatu nior bizi guzian. Kopetan unjizen du krismas konfirmazen duena obispo jaunak, ta kopetan sellazen du guruzearen señaleas, erakusteko estuela beldurrik ta alkerik izan bear kristio izateas ta konfesazeas Kristoren fedea publikoki; zerengatik nola beldurra ta alkea monstrazen baitire kopetan, orgatik pasione gorien desterrazeko fedeain faboretan, kopetan unjizen du obispoak. En fin, ematen dio obispoak konfirmatuari eskuas lebeki matelean, signifikazeko bear duela sufritu edozein trabaju kristiandadearen faboretan. Ta en fin, ematen dio besarkaren demostrazioa signifikazeko Jangoikoareki bakean egon bear duela ta etzaikola deus gañarakoas, nola ez dezan gal Jangoikoaren amistanza.

        4. Sakramentu gau berzeak bekala instituitu edo fundatu zuela Kristo gure Jaunak, dauka deklaraturik Elizak; ta por konsigiente da zierto, obrazen duela ariman Kristoren birtutes ta merejimentus signifikazen duena, au da atzitzea, bizkortzea ta konfirmazea kristioa fede sanduan, ezpadu estorbazen disposizio gaistoak errezibitzenduenarenak. Orgatik bizien sakramentua den bekala, bear da errezibitu grazian dagolaik; ta ortako dena ia ellegatua ezaumentura ta bekataria, prebenitu bear da errezibizeko prokuratus kontrizioa, ezpada konfesazen; baña disposizio obrena ta seguroena da lenik konfesazea, ta ala exortazen du iteko katezismo Romanoak. Bear da sakramentu gontako ere, bataioko bekala, aita-butxi, zerengatik soldado peleatu bear duenai ematen bazaio direktore ta erakustun bat peleazeko diestroki, arrazio da izan dezan konfirmatuak ere aita espirituale bat, au da, aitabutxia; ta onek konfirmatuareki ta onen guratsoeki kontraizen du aiko espirituala ala nola erran ginduen bataioaren explikazioan. Esta preziso adin jakinik errezibitzeko, ta obe barin bada ere errezibitzea alako adinean, ezi entenda dezaken zer errezibitzen duen, alaere nola ezpaita askotan konbenienzia, errezibitzeko noiznai zeren solo baitezake administratu obispo jaunak, orgatik akostunbrazen da konfirmazea aurrak ere okasio delaik, estaien gerta ilzea konfirmatu gabe. Salbatuko da orgatik, baña guziareki esta izan bear deskuidorik errezibitzean, sakramentu gau txoil inportazioskoa baita, ikusko dugun bekala exenplu gontan (Parra. pl.1. de Confirm^e.).

        5. San Maurilio Ansou Franziako obispo sanduak milagrotan famatuak erdetxi zio Jangoikoagandik hume bat ezkondu bati, esteril anitz urtes bizitu zen bati, baña txikittoa zelaik oraño aurra, etorri ze andre gura elizara eskazera konfirma zezan ilbañolen, ezi ia ilzen zegola. Au izan ze, sandua erraten zegolaik meza, zeintan ainberze detenitu ze debozioain utses egun gartan, ezi lenago akabatu ze aurra ezi ez meza. Gero ikusi zuelaik ilik, ta konfirmatu gabe, iduri zekiola bere kulpas joan zela sakramentu gau gabe, ainberze sentitu zue, ezi penitenzia iteko desterratu zue obispadotik bere burua. Ala iteunte sanduek eskrupulo guri deus idurietzaizkigun gauzes. Joan ze, bada, okultoki sandua, ta ellegaturik Bretañara eskribitu zue an arri batean bere izena, ta bere desterru borondateskoaren motiboa, ta enbarkatu ze gero itsasoan barna. An zoeielaik oroitu ze zekarzkiela bereki bere elizako errelikarioain gilzak, zegolaik ontan pensazen bere gilzeki eskuan, etorririk demonioak bota zizkio itsasora. Orduan erredoblatu zue bere sentimentua ta egin zue boto ez itzulzeko bere obispadora, aliketa agertuartaño gilza gaiek. Ellegaturik leorrera, aldaturik trajes paratu ze zerbitzazen baratzezai gizon bateki. Bitarteo bere feligresek bialduzuste mundus mundu laur persona arren bila. Zazpi urtes erabili zire bila, ta ezin aurkitu zute; ta en fin, ellegaturik Bretañan topatu zute arri gura zeintan eskribitu baizue bere izena ta desterrua. Enbarkatu zire konsolaturik zerbait, ta zoezilaik itsasoan ikusi zute saltazen arrai bat onzira; il zute ta aurkituzuste arren barnean sagrarioko gilzak. Iago konsolatu zire oneki, baña etze ageri nion obispo sandua. Ellegaturik leorrera, ta granja batera, aizeunte arren jabea erraten, dei dezatela Maurilio baratzezaia. Biotzak saltatu zizaizkio aipazerakoan izen gau. Ikusteunte etorzen, ta ezaunzeunte beren arzai sandua. Ta belaurikaturik eskazen diote, itzuli daiela bere elizara. Arriturik sanduak erraten diote, zeukala eginik boto ez itzulzeko aliketa agertuartaño gilzak itsasora erorizizaizkionak. Emen daude, erraten diote, ikus bezki, arrai batek ekartigu onzira Jangoikoaren probidenzias. Ezaun duzue Jangoikoaren borondatea itzul zeien bere elizara, ta ala itzuli ze. Baña orai da prodijioaren andiena. Etzizaio joan biotzetik aur garren ilzearen miña konfirmazioa gabe, ta ala ellegatu orduko elizara joan ze arren obiara, ta idikiarazirik obia, eskatu zio belauriko Jangoikoari erresuzitatu zezan; ta zazpi urtes ilik egon zen aurra erresuzitatu ze instantean. Konfirmatu zue, imini zio izena Renato, nai baitu erran berriz jaioa; bizitu ze gero anitz denboras, ta izan ze obispo eliza berekoa arren ondorean, sandua ura ere.