Eka 29 18
Haur besoetakoa Ean
Jon Miranderen Haur besoetakoa nobelari buruz arituko dira ekainaren 29an (ostirala) 18:00etan Eako eskolondon.
Eka 29 18
Patxi Ezkiagaren heriotza
2018ko ekainaren 28an hil da Patxi Ezkiaga. Idazle oparoa, narratiban hainbat lan egindakoa bada ere, poeta izan da Ezkiaga. Haren obrak oihartzun handiegia ez izanagatik ere, zenbait obrari darion sen lirikoa nabarmentzekoa da, literaturgintzan ez ezik, irakaskuntzan ere, didaktikaren alorrean, lan handia egindako autoreagan. Itzultzaile ere hainbat lan ekarri dizkio euskarari. Duela urtebete bere bi lehen liburuak jarri genituen online, Beldur naiz eta Aiodi herriko kantak. 1990etako bi poemario osorik paratuko ditugu oraingoan: Komediaren Jainkoa (1993) eta Udazkenerako hamar kanta (1999).
Eka 28 18
Joan zaretenean Gasteizen
Jokin Muñozen Joan zaretenean nobelari buruz ariko dira ekainaren 28an (osteguna) 19:30ean Gasteizko Ignacio Aldecoa kultura etxean.
Eka 28 18
Amaia Ezpeldoiren hastapenak
1994an ezagutu genuen Amaia Ezpeldoi detektibea, Zuberoan txertatzekoak ziren gas hodiaren barrenak aztertu eta gasaz gain bestelako arazoak lur azaleratzen. Handik bi urtera, bere bigarren abenturan, espartingintzaren matazatik atera ziren hainbat hari-muturretan korapilatuko zen. Dagoeneko dozena erdi liburutan irakur daitezke Itxaro Borda idazlearen lumatik sortutako detektibearen ikerketak, eta haiekin batera baita pertsonaiaren bizitza-bilakaera ere. Bakean ützi arte eta Bizi nizano munduan izan ziren lehen bi eleberriak, orain osorik eskaintzen ditugunak
Eka 28 18
Istorio bakarra Donostian
Julian Barnes idazlearen Istorio bakarra aurkeztuko dute ekainaren 28an (osteguna) 11:00etan Donostiako Elkar liburudendan. Itzultzailea Aritz Gorrotxategi. Argitaletxea: Meetok.
Eka 27 18
Tximeletak bizkarrean Usurbilen
Ugaitz Agirrek Tximeletak bizkarrean nobela aurkeztuko du ekainaren 27an (asteazkena) 19:00etan Usurbilgo Sutegi liburutegian, Kepa Matxain ondoan duela.
Eka 27 18
Horma Hondarribiko Talaia institutoan
Anjel Lertxundiren Horma hartuko dute hizpide ekainaren 27an (asteazkena) 17:30ean Hondarribiko Talaia institutoan.
Eka 26 18
Urtebetetze festa irakurraldia eta solasaldia Donostian
Eider Rodriguezen Urtebetetze festa bilduma ekainaren 26an (asteartea) argitaratuko dute Booktegi.eus atarian eta edizio elebiduna izango da (euskaraz eta ingelesez). Egun berean, 19:00etan, liburuaren aurkezpena egingo du Donostiako Koldo Mitxelenan: Leire Palaciosek irakurketa egingo du, Aritz Brantonek galderak egin, eta Eider Rodriguezek galderei erantzunak eman. booktegi.eus
Eka 26 18
39 idazle nafar Iruñean
39 idazle nafar liburua hizketagai izango duten ekainaren 26an (asteartea) 17:30ean Iruñean, Nafarroako Liburutegiko irakurle taldean.
Eka 25 18
Poetek Lauaxetari
Lauaxeta fusilatu eta bi urtera, Gorputz dago gudaria poema idatzi zuen Salbatore Mitxelenak. Hogeita hamar urte geroago, Gabriel Arestik ekarri zituen In Memoriam (1967) eta Ekainaren 26 egun (1970). Bernardo Atxagaren Lauaxeta gogoan 1976koa da, eta 1980an plazaratua Ibon Sarasolaren Lauaxeta paredoian. Xabier Montoiak 1983an idatzi zuen Orain dela, Saletxek Txori xotila txiunka, Omar Nabarrok 1986an Lied bat, Iñigo Aranbarrik 1987an Luma beltz-horidun tukana eta geroago Muxuka nazak. 1989an argitaratu ziren Eusebio Erkiagaren Ez zaitez Gernikara joan eta Gernikara noake. 1989koak dira baita ere Lauaxetaren betaurrekoak, Koldo Izagirrek konposatuak. Jose Luis Otamendiren Mendi-negarra eta Joseba Sarrionandiaren Olerkaria 1995ean irakurri genituen; 2003an Ignazio Aiestaranen Poesia Auschwitz eta Gernikan. Izango dira gehiago ere, hemen zerrendatzea guk ahantziak.
Esteban Urkiaga Lauaxeta fusilatu zutela 81 urte betetzen diren honetan gogora ekarri gura izan ditugu.
Eka 22 18
Jenisjoplin Iruñeko Zaldikon
Uxue Alberdiren Jenisjoplin nobelari buruz arituko dira ekainaren 22an (ostirala) 20:00etan Iruñeko Zaldiko Maldiko elkarteko irakurle taldean.
Eka 22 18
Zalditeria gorria Katakraken
Isaak Babelen Zalditeria gorria hizpide hartuko dute ekainaren 22an (ostirala) 20:00etan Katakrakeko irakurle taldean.
Eka 22 18
Barbaroak baratzean Iruritan
Luis Gardek Barbaroak baratzean aurkezpen-poesia errezitaldia egingo du ekainaren 22ean (ostirala) 19:00etan Iruritako Jauregiartean.
Eka 22 18
Franz Kafkaren Metamorfosia
Auzitegietatik datozen zenbait notizia asaldagarri ezagututa, bat baino gehiago akordatzen da kafkiar izenondoarekin, Franz Kafka idazlearen obrarekin. Prozesua izanik auzitegietako korapiloei buruzko obra, Metamorfosia da haren lan ikurretako bat. Xabier Kintanak euskaratu eta Kriselu argitaletxeak plazaratu zuen 1975ean, Itxura-aldaketa izenburuaz. 25 urte geroago, Hiriak eman zuen argitara, Rufino Iraolaren itzulpenarekin, Metamorfosia izenez. Osorik eskaintzen dizkizuegu biak.
Eka 21 18
Xerezaderen Artxiboaren irakurraldia Bilbon
Xerezaderen Artxiboak irakurraldi berezia egingo du ekainaren 21ean (osteguna) 19:30ean Bilbokok Bira aretoan. Goizalde Landabasok, Iñigo Astizek, Txabi Landabideak, Eneko Olazabalek eta Leire Narbaizak Margaret Atwood, W.W Jacobs, Carson McCullers, Jacques Prevert eta Kate Chopinen testuak irakurriko dituzte.
