Lied(er) Schubert eta Lauaxetaren oroiz

OMAR NABARRO

Egutegi esperimentala, 1986

Z eru izarreztatsua; hilbetea bertan dager. Pagopean amoroski etzanda bi gorputz biluzirik: gazte, lerden, eder. Sabai ertzean dirdir nabarien artizarra. Laztan zirikatzaileen saztadaz zainetan zoroki zamalkatzen sukarra. Errekari dario lurruntsu behe lainoa. Adimena elkarrengan deuseztuta biok batera dardarazten, pasioa. Goiz ihintzaz estalita dakus belarra ekiak: oilaritearekin hartu ditu loak orgasmo izerditan bustita bekokiak.