Eka 10 10
Txomin Peillen Haur besoetakoa nobelari buruz
Pablo Joxe Aristorena eta Txomin Peillen Haur besoetakoa nobelaz mintzatuko dira ekainaren 10ean (osteguna) 19:00etan Bilbon, Euskaltzaindiaren Plaza Barriko egoitzan.
Eka 09 10
Jendeen jende, Mattin Irigoien
Kutxa Literatura Saria 2010 irabazi duten liburuak argitaratu eta aurkeztuko ditu Alberdaniak ekainaren 9an (asteazkena) 11:00etan Donostiako Udal Liburutegiko sotoan. Xabier Artolaren Deception Island ipuina eta Mattin Irigoienen Jendeen jende antzerki obra.
Eka 06 10
Errezitaldia Larrabetzun
Literaturia jardunaldiei amaiera emateko, Paddy Rekaldek, Xabier Montoiak, Karmele Igartuak eta Igor Estankonak poesia errezitaldia egingo dute ekainaren 6an (igandea) 19:30ean Larrabetzuko Hori Bai gaztetxean.
Eka 06 10
Mahai-ingurua Larrabetzun
Euskarara itzulitako liburuak dira euskarazko literatura onena? mahai-inguruan izango dira Koldo Izagirre, Angel Erro eta Petra Elser ekainaren 6an (igandea) 10:00etan Larrabetzuko Anguleri kultur etxean, Literaturia jardunaldietan.
Eka 05 10
Eskuen sustraiak Larrabetzun
Oier Guillanek eta Asier Sarasolak Eskuen sustraiak errezitaldi dramatizatua egingo dute ekainaren 5ean (larunbata) 20:00etan Larrabetzuko Hori Bai gaztetxean, Literaturia jardunaldietan.
Eka 04 10
Haragizko amoreak Larrabetzun
Omar Nabarrok (Edorta Jimenezek) Haragizko amoreak poema liburuan oinarritutako errezitaldia egingo du ekainaren 4an (ostirala) 21:00etan Larrabetzun, Literaturia jardunaldien lehendabiziko egunean. Irudiak: Joseba Barrenetxea. Musika: Jaime Nieto eta Rafa Rueda.
Eka 03 10
Ez dago etxean, Jokin Urain
Jokin Urain idazlearen Ez dago etxean saiakera liburu berria aurkeztuko du Jose Luis Otamendik ekainaren 3an (osteguna) 11:00etan Donostiako Udal Liburutegiko sotoan. Argitaldaria: Susa
Eka 01 10
Aurelia Arkotxaren irakurketa Baionan
Aurelia Arkotxak testu irakurketa egingo du ekainaren 1ean (asteartea) 18:00etan Baionako Euskal Museoan. Musika: Jesus Aured.
maiatza 31 10
Eroriaren logika Zamudion
Juanra Madariagak Eroriaren logika poema liburuan oinarritutako poema errezitaldia egingo du maiatzaren 31n (astelehena) 20:00etan Zamudioko Dorretxean.
maiatza 31 10
Sargazo itsaso zabala Donostian
Jean Rhysen Sargazo itsaso zabala nobelaz jardungo dute maiatzaren 31n (astelehena) 19:30ean Donostiako literatur solasaldietan, Udal Liburutegiko sotoan. Gidatzailea: Harkaitz Cano.
maiatza 30 10
Komuneko paperean Donostian
Komuneko paperean errezitaldia egingo dute Imanol Epeldek eta Mattin Epeldek maiatzaren 30ean (igandea) 18:00etan Donostiako Dokan.
maiatza 27 10
Ez da erraza gizon on bat aurkitzea Gasteizen
Flannery O’Connorren Ez da erraza gizon on bat aurkitzea narrazio liburuaz jardungo dute maiatzaren 27an (osteguna) 20:00etan Gasteizko irakurle klubean (Hikaateneoan, Pintore kalean). Gidaria: Iban Zaldua.
maiatza 27 10
Literatura – 2.0aren erronkak mahai-ingurua Zarautzen
Euskal Literatura – 2.0aren erronkak mahai-inguruan parte hartuko dute Imanol Epeldek, Mikel Elorzak eta Hasier Etxeberriak maiatzaren 27an (osteguna) 19:30ean Zarauzko Antoniano eskolako zinema zaharrean.
maiatza 26 10
Joxe Azurmendiren filosofiaz Zarautzen
Joxe Azurmendi: Herritik filosofiara, filosofiatik herrira hitzaldia egingo du Ander Iturriotzek maiatzaren 26an (asteazkena) 19:30ean Zarauzko Antoniano eskolako zinema zaharrean.
maiatza 26 10
Etorkizuna Zarautzen
Iban Zalduaren Etorkizuna aztertuko dute maiatzaren 26an (asteazkena) 18:30ean Zarauzko Sanz Enea liburutegian. Gidaria: Ane Mayoz.