Literatur Emailuak

Iñaki Petxarroman Lehendakariaren alaba

Iñaki Petxarromanek Lehendakariaren alaba aurkeztuko du apirilaren 16an (asteartea) 10:30ean Donostiako Bilintx liburudendan. Argitaletxea: Elkar.

Pello Lizarralde Lanbroa

Pello Lizarraldek Lanbroa liburu berria aurkeztuko du apirilaren 15ean (astelehena) 10:30ean. Argitaletxea: Erein.

Jon Mirande filma eta solasaldia Baigorrin

Mirande film bat egiteko zirriborroa ikusi ostean solasaldia izanen da Josu Martinez, Joseba Sarrionandia eta Nora Arbelbiderekin apirilaren 11an (osteguna) 20:30ean Baigorriko Bil etxean. Basaizea.

Mary Shelley Frankenstein Gasteizen

Mary Shelleyren Frankenstein hizketagai izango dute apirilaren 11an (osteguna) 19:30ean Gasteizko Liburutopian. Gidaria: Garazi Arrula.

Geure gelatik liburu azoka Azkoitian

Geure gelatik liburu azoka eta zenbait aurkezpen izango dira apirilaren 11tik (osteguna) 13ra (larunbata) Azkoitiko Portaleburu erakusketa aretoan.

Emeterio Arreseren poemak

70 urte bete dira aste honetan Emeterio Arrese hil zela. Amerikak eta Euskal Herriaren artean bizi izandakoa, idazle zibila, aldizkarietan eman zituen argitara lehen lanak. Poema bilduma bi, Txindor eta Nere bidean, kaleratu zituen Espainiako gerraren aurretik, eta baita operen libretoak ere; Zara, besteak beste. Gerra ostean bildu zituen poemak oihartzun handiena izan zuen liburuan, Olerti berrizte.  Hona hemen denak irakurgai. Duela 20 urte, bestalde, Bello Portu musikariaren etxean aurkitutako eskuizkribu baten berri izan genuen, kaier bat, Arreseren 31 poema zekartzana, eta online eskaini genuen, koadernoaren  faksimile-arekin batera.

Ignacy Karpowicz Sonka Donostian

Ignacy Karpowicz idazlearen Sonka hartuko dute hizpide apirilaren 9an (asteartea) 19:00etan Donostiako San Jeronimo kaleko liburutegiko sotoan. Gidaria: Iñigo Aranbarri.

Maddi Ane Txoperena Ez erran inori Abadiñon

Maddi Ane Txoperenaren Ez erran inori nobela solasgai izango dute apirilaren 9an (asteartea) 19:00etan Abadiñoko Mediatekan.

Mikel Ayllon Zoriontsuak izatea aukeratu genuen Donostian

Mikel Ayllon idazlearen Zoriontsuak izatea aukeratu genuen liburuari buruz arituko dira apirilaren 8an (astelehena) 18:00etan Donostiako Okendo kultur etxean.

Hatsaren poesia Senperen

2024ko Hatsaren poesia bilduma aurkeztuko dute jendaurrean apirilaren 7an (igandea) 12:00etan Senpereko Larraldean.

BTZ irakur kluba Miarritzen

BTZ irakur kluba hilabetero biltzen da Miarritzeko mediatekan. Parte hartzaile bakoitzak hilabetean zehar euskaraz irakurri duena aurkez dezake, modu librean; apirilaren 6an (larunbata) 14:30ean bilduko dira Miarritzeko mediatekan. Gidaria: Nora Arbelbide.

Junes Casenaveren mendeurrena

Ehun urte izan dira, apirilaren 4an, Junes Casenave idazle zuberotarra jaio zela. Alor askotan aritutakoa da, idatzizko jardunean, Casenave, baina pastoralgile gisa da nabarmentzekoa bere lana. Literatur Emailuotan eskaini genituen bere hiru pastoral, Santa Kruz (1992), Santa Engrazi (2006) eta Eñaut Elizagarai (2007), eta baita Basabürüko ipuinak narrazio liburua eta Aroa saiakera ere. Eta orain, mendeurrenaren karietara, bertze bi pastoral esanguratsu dakartzagu, osorik: Ibañeta eta Pette Basabürü.

Luis Ocañaren Tourreko erorikoa gogoan

Luis Ocañak, Mentéko mendatean behera jaisten ari zela erori eta min hartuta, 1971ko Frantziako Tourra utzi behar izan zuela jakitean, poztu egin zen Gorka Alkorta Ezkurdia Donostiako gotzaina (Azkoitia, 1963). Horrela hasten da, Juan Luis Zabala idazlearen Ospa liburuko kontakizunetako bat, 1974ko Italiako Giroa izenekoa.Ocaña txirrindulariaren istripuaren ostean, Eddy Merckxek ia-ia ziurtasun osoz galdua zuen Tour bat irabazteko aukera berreskuratu zuen. Eta istorio horrekin eta gotzainaren kontuekin narrazio aparta eskaini zigun Zabala txirrindularitzazale amorratuak. Euskal Herriko Itzulian izandako zorigaitzezko erorikoak, Ospa liburuko kontakizunera eraman gaitu. Eta Oletan behera gertatukoaren antzeko eroriko ezagunarekin, ipuina eta literaturaz gozatzera gonbidatzen zaitugu irakurle.

Amets Arzallus Miñan Hazparnen

Amets Arzallus bertan dela  Ibrahima Balderekin idatzitako Miñan liburuari buruz kalakan arituko dira martxoaren 30ean (larunbata) 10:00etan Hazparneko mediatekan. HAIK (Hazparne Aldeko Irakurketa Kluba)

Antzerkiaren nazioarteko eguna

Artea bakea da

– 2024ko martxoaren 27a, Jon Fossek idatzia

Pertsona bakoitza bakarra da eta, hala ere, beste guztiak bezalakoa. Gure itxura, kanpotik, beste guztiena ez bezalakoa da, noski, hori oso ondo dago, baina gutako bakoitzaren baitan ere bada zerbait, norberarena eta beste inorena ez dena, berea bakarrik dena, pertsona horrena. Beste hitz batzuetan esanda, bere espiritua edo arima. Edo, bestela ere, hitzekin ez etiketatzea erabaki dezakegu, bere horretan utzita, besterik gabe.
(gehiago…)