Ots 16 12
Fikzioaren izterrak Bermeon
Ur Apalategiren Fikzioaren izterrak ipuin liburuaz ariko dira otsailaren 16an (osteguna) 18:30ean Bermeoko liburutegian.
Ots 15 12
Itsaso kontra bat Donostian
Karmele Igartuaren Itsaso kontra bat eta Tere Irastortzaren Eta orain badakit poema liburuetan oinarritutako errezitaldia izango da otsailaren 15ean (asteazkena) 19:30ean Donostiako Koldo Mitxelena kulturunean.
Ots 15 12
Bulkada Iurretan
Jon Benitoren Bulkada poema liburuaz mintzatuko dira otsailaren 15ean (asteazkena) 19:00etan Iurretako liburutegian.
Ots 15 12
Pariserako autopistan
Buxadura itzela Parisera bidean igande arratsaldez. Abiada geldoan ipini behar autoa, gero gelditu, alde bakoitzean sei kotxe ilara, eta berriro martxan jarri orduko berehala gelditu. Eguzki galdatan denak, hainbat kilometrotan. Inork ez du zalantzarik, istripu larriren bat gertatu da han inguruan. Eta itxuraz, oso luze joko du arazoak. Julio Cortazarren ipuin ezagunenetako bat duzu Hegoaldeko autopista, Todos los fuegos el fuego (1966) liburuko lehendabizikoa, Gerardo Markuletak 1994an itzulia Erein argitaletxeko Milabidai bildumarako. Bideo honetan kontakizunari buruzko xehetasun labur batzuk entzun ditzakezu Julio Cortazar beraren ahotik.
Ots 14 12
Scanner Donostian
Leire Bilbaok Scanner poema liburuan oinarritutako errezitaldia egingo du otsailaren 14an (asteartea) 19.30ean Donostiako Koldo Mitxelenan. Musika: Domentx Uzin.
Ots 14 12
Limoi bat imintziorik egin gabe jaten baduzu Iruñean
Sergi Pamiesen Limoi bat imintziorik egin gabe jaten baduzu liburuaz solasean jardungo dute otsailaren 14an (asteartea) 18:00etan Iruñeko Civicanen. Gidatzailea: Angel Erro.
Ots 14 12
Zentauro-hankak, Jon Gerediaga
Jon Gerediagak Zentauro-hankak poema liburua aurkeztuko du otsailaren 14an (asteartea) 12:00etan Bilboko Elkar aretoan. Argitaldaria: Pamiela.
Ots 14 12
Txillardegiren irakurraldi bat
Igande honetan, otsailak 19, bestelako omenaldia jasoko du Txillardergi idazle zendu berriak. Hemeretzi idazlek antiguatarraren testuak irakurriko dituzte, Donostiako Victoria Eugenia Klubean, goizeko 12:00etan. Hona Bakarrik nago Zerubiden goiburuko ekitaldian parte hartuko dutenen zerrenda: Ana Urkiza, Harkaitz Cano, Joxe Austin Arrieta, Ramon Agirre, Ibon Sarasola, Jokin Ansorena, Patri Urkizu, Beñat Sarasola, Koldo Izagirre, Arantxa Urretabizkaia, Rafa Egiguren, Fito Rodriguez, Joan Mari Irigoien, Juan Luis Zabala, Ramon Saizarbitoria, Hibai Iztueta, Dorleta Urretabizkaia, Iban Zaldua eta Mariasun Landa.
Ots 13 12
Greta Igorren
Jasone Osororen Greta nobela izango dute hizpide otsailaren 13an (astelehena) 19:00etan Igorreko kultur etxean.
Ots 09 12
Agirre zaharraren kartzelaldi berriak Markinan
Koldo Izagirreren Agirre zaharraren kartzelaldi berriak nobelaz solas egin dute otsailaren 9an (osteguna) 19:00etan Markina-Xemeingo liburutegian.
Ots 08 12
Zu zara orain txoria Donostian
Mikel Etxaburuk Zu zara orain txoria errezitaldia egingo du otsailaren 8an (asteazkena) 19:30ean Donostiako San Telmon.
Ots 08 12
Galerna Basaurin
Iratxe Esnaolaren Galerna nobela aztertuko dute otsailaren 8an (asteazkena) 19:00etan Basauriko Euskarabilan.
Ots 08 12
Tere Irastortzaren errezitaldia Irunen
Tere Irastortzak errezitaldia egingo du otsailaren 8an (asteazkena) 19:00etan Irungo Kabigorri Ateneoan. Musika: Aitor Furundarena.
Ots 08 12
Amaren eskuak Errenterian
Karmele Jaioren Amaren eskuak nobela aztertuko dute otsailaren 8an (asteazkena) 19:00etan Errenteriako Xenpelar Etxean. Gidatzailea: Ane Mayoz.
Ots 07 12
Charles Dickensek 200 urte
Gaurko egunez, duela 200 urte jaio zen Charles Dickens idazle ingelesa, 1812ko otsailaren 7an. Esan ohi dugu literaturak ez dezakeela errealitatea aldatu, baina Dickensen kontakizunek injustizia sozialak salatu zituzten, arrakastatsuak izan ziren haren liburu, hitzaldi eta irakurketa publikoak, eta eragin handia izan zuten Ingalaterra industrializatu berriaren erreformetan. Bleak House (1852), Hard Times (1854), Little Dorrit (1855) eta beste eleberri andana baten egilearen liburuetatik batzuk baditugu euskaraz. Garai latzak nobela, Javi Cillerok itzulia, 1994an agertu zen Literatura Unibertsala bilduman, xehetasun ugariko hitzaurre batekin. Edo Opor eleberria, Elkar etxearentzat 1998an Xabier Mendigurenek egina. Alabaina, Dickensen obretatik euskaratutako lehena Luzearri zor diogu: Eguarri abestia, 1931ko martxo-apirilean 25 emanalditan El Dia egunkarian plazaratua (2003an Inazio Mujikak apailaturik EIZIEk berrargitaratua). Kontakizun hori, A Christmas Carol, birritan itzuli izan da gero: Gabon kanta bat Xabier Mendigurenenek (1990); Eguberri kanta Nerea Mujikak (2003); eta Iñaki Mendigurenek ere egin zuen bertsio labur bat 1993an. Moldatu edo laburtuak dituzu, bestalde: David Copperfield, Oskillasok egina; Oliver Twist, Iñaki Zubirik. Eta Juan Garziak Seinalaezina narrazioa euskaratu zuen Ipuin gogoangarriak bildumarako (Erein, 1997).