Urr 01 14
Urari ostutako poemak Donostian
Urari ostutako poemak liburuan oinarritutako errezitaldia egingo du Pako Aristik urriaren 1ean (asteazkena) 19:00etan Donostiako Garoa liburu-dendan.
Ira 30 14
Urari ostutako poemak, Pako Aristi
Pako Aristik Urari ostutako poemak liburu berria aurkeztuko du irailaren 30ean (asteartea) 11:00etan Donostiako Udal Liburutegiko sotoan. Argitaletxea: Susa.
Ira 29 14
Joseba Zubimendiren begirada
1939ko irailaren 29an hil zen, Kanbon, Joseba Zubimendi. Kazetaria, idazlea, grina eta jardun handiko euskaltzalea eta kultur eragilea izan zen donostiarra. Gaztetandik euskal kultur mugimenduari atxikia, errealitateari erreparatzeko begi zolia zeukana, Zubimendiren kronikek 1920ko eta bereziki 30etako euskal gizartea erakusten digute. Eta bere kronikek ez ezik, bere jardunek kazetaritzan, irratigintzan, antzerkian, kantagintzan… gizarte hori saretzen lagundu zuten. El Día, Argia, El Pueblo Vasco, Euzko Deya, Euzkadi eta beste hainbat mediotan jardun zuen, eta gerra eta erbestea ere kontatu zizkigun, gaur 75 urte Kanbon zendu zen arte. Gernika erraustean, lekuko nintzen artikulua, adibidez. 1897an Donostian jaioa, hainbat lan argitaratu zituen: bi poema liburu, Aberri Oyuak eta Zumalakarregi, biak ere Armiarmako Klasikoen Gordailuan irakurgai daudenak. Yakintza aldizkarian kaleratutako bertsolari txapelketen kronikak ere eman zituen argitara, Bertsolari Guduak 1935-1936 liburuan bilduta, eta Gipuzkoako Aurrezki Kutxak ateratako bakarrizketa labur bat ere bai, Zalaparta. Guztiak jarri ditugu on-line. 2002an, berriz, Koldo Izagirrek bildu eta Alberdania argitaletxeak eta Donostiako Udalak plazaratu Bertso minez kronika liburu ederra dugu.
Ira 25 14
Autokarabana Iruñean
Fermin Etxegoienen Autokarabana nobela aztertuko dute irailaren 25ean (osteguna) 19:15ean Iruñean, Sanduzelaiko liburutegian.
Ira 25 14
Gerra txikia Getarian
Lander Garrorekin Gerra txikia nobelaz ariko dira irailaren 25ean (osteguna) 18:30ean Getariako Saiaz hotelean.
Ira 24 14
“Gabrielen lekua” Bilbon
“Gabrielen lekua” sentikaria azkenezkoz egingo dute irailaren 24n (asteazkena) 19:30ean Bilboko Kafe Antzokian.
Ira 24 14
Azukrea belazeetan Zarautzen
Inazio Mujikaren Azukrea belazeetan ipuin liburuaz jardungo dute irailaren 24an (asteazkena) 18:30ean Zarauzko liburutegian.
Ira 24 14
Pako Aristik
Urari ostutako poemak
“Bosteraino kontatzen jakitea aski zait bizitza ulertzeko. Bost: nire bakardadeak dira bost. Lau: nire lagunak dira lau. Hiru: nire ilusioak dira hiru. Bi: nire amodioak dira bi. Bat: heriotza da bat eta bakarra”. Pako Aristik irailaren 30ean Urari ostutako poemak liburu berria jendaurrean aurkeztu aurretik sarean eskaintzen dizugu osorik. Gogoetak barreiatuz eta istorioak kontatuz, bidaia samur bat eskaintzen digu Pako Aristik, anekdota xumeetatik abiatu eta unibertsoaren neurrira eginak gaudela deskubritu arte. Poetak egina dauka hautua: ezer gabe jaio zena ezer gabe joango den promesa. Urriaren 1ean lehendabiziko errezitaldia egingo du, Donostiako Garoa liburu-dendan.
Ira 23 14
Apirila Azkoitian
“Apirila: nobela baten zainak” hitzaldia egingo du Iñigo Aranbarrik irailaren 23an (asteartea) 19:30ean Azkoitiko liburutegian.
Ira 19 14
Ez zen diruagatik Ean
Ana Jakaren Ez zen diruagatik nobela aztertuko dute irailaren 19an (ostirala) 19:30ean Eako Eskolondo herri etxean.
Ira 19 14
Patri Urkizuren Sekulorun sekulotan, historian bizi gineneko froga
Sekulorun Sekulotan (Kriselu, 1975) amaitua zeukan Patri Urkizuk 1972rako. Saizarbitoriak eman behar izan zion bultzada argitalpenari. Zaila zen orduan atzematea “bataz besteko irakurlearen” azpitik —borondate onekoa, euskaltzalea, ez bereziki literaturari emana, euskaldunberria maiz— bazetorrela Lur belaunaldia esan genezakeena baino gazteagoko bat, sudurpean hartzen zuen guztia irakurtzen zuena batere konplexu pedagogikorik gabe. Nolako poza egilearekin batera murgiltzea hizkuntzaren magma gardenzikin lodimehe gazibihurri gozoan; nolako betetasuna irakurri ahal izatea guri ere burura zetozkigun obsesioak, sexua eta langileria, gure kantu zaharrak eta vietnamdarren borroka, zanpaketa eta zurruta eta kantu berriak… Oroimena jauzika egun-atzo, kontzientzia ibaika han-hemen, adimena esaka ni-gu. Errealitate konplexu bat, historian bizi gineneko froga. Disfrutatzeko testu bat.
Ira 18 14
Apirila Larrabetzun
Iñigo Aranbarrirekin Apirila nobelari buruz berba egingo dute irailaren 18an (osteguna) 19:00etan Larrabetzuko Anguleri kultur etxean.
Ira 18 14
Orpoz orpo, Ernesto Prat
Ernesto Pratek Orpoz orpo nobela aurkeztuko du irailaren 18an (osteguna) 11:30ean Donostiako Udal Liburutegiko sotoan. Argitaletxea: Txalaparta.
Ira 18 14
Gerla Handia: Irabazi dugu!
Lehen garaipen handia, Marne ibaiako guduan Alemania gertatu da galtzaile. Gaina hartzean Lurdako amaren laguntza funtsezkoa izan dela azpimarratzen du Eskualduna-k. Alemaniarren jokabide okerrak aletzen ditu, gerra egiteko erabakia hartua zutela, arerioak gutxietsi zituela, ez zutela Altsazia eta Lorrena bereganatzen jakin, kazetarentzat ez da Alemania bakarra eta horrek zailtzen du haien batasuna. Igarle dabil Eskualduna, gerra honen ondotik armadak gutxituko direla uste baitu. Ondotik kolpatu eta hilen berri ematen du, zehaztasun osoz kontatzen du soldadu frantses baten pasadizoa, frontean gertaturikoak gizatasunaren eredutzat hartua. Apaiz lotinanta, Ibarnegarai diputatua, Eskualduna ez da etxekoekin ahaztu. Kirikiñok Euskadi-n Wilson AEBetako lehendakariak Gilen Kaiserrari kargu hartu diola agertzen du, Belgikan emakumezkoekin egin demasen karietara hartu dio kargu. Ingelesen abertzaletasuna goratzen du Euzkadi-k, kintarik ez duen herrialdean nola agertzen diren prest armak hartzeko aberriaren etsaien kontra. Astekariak gertakari hori probesten du hainbat herrikideren ustezko abertzaletasuna kritikatzeko.
Ira 17 14
Arantzak barrurantz, Xabier Mendiguren
Xabier Mendigurenek Arantzak barrurantz ipuin liburua aurkeztuko du irailaren 17an (asteazkena) 11:00etan Donostiako Elkar liburu-dendan.