Literatur Emailuak

Munduko poesia kaierak | May Ayim Azpeitian

May Ayim egilearen alemaniarraren lana irakurri eta aztertuko dute irailaren 18an (asteazkena) 19:00etan Azpeitiko Dinamoa sormen guneann APOA ekimenaren baitan.

Hasier Larretxea Idaztea gibelera zenbatzen ikastea da

Hasier Larretxeak Idaztea gibelera zenbatzen ikastea da saiakera aurkeztuko du irailaren 18an (asteazkena) 10:30ean Donostiako udal liburutegian. Argitaletxea: Alberdania.

Anjel Lertxundi Berbelitzen hiztegia

Anjel Lertxundik Berbelitzen hiztegia liburu berria aurkeztuko du irailaren 16an (astelehena) 10:30ean Donostiako udal liburutegian. Argitaletxea: Alberdania.

Loaldi poetiko kolektiboa Oiartzunen

Oier Guillan, Titika Rekalt, Lohizune Telletxea, Luix Mitxelena, Ananda Berasarte eta Metrokoadroka kolektiboaren laguntzarekin Loaldi poetiko kolektiboa eginen dute irailaren 13an (ostirala) gaueko 22:00etatik aurrera Oiartzungo Landetxen. Poesia Egunak.

Oier Guillen Loaren defentsan poema errezitala Oiartzunen

Oier Guillanek Loaren defentsan poema errezitaldia egingo du irailaren 13an (ostirala) 21:00etan Oiartzungo Landetxen. Poesia Egunak.

McKenzie Wark Maitasuna eta dirua, sexua eta heriotza Bilbon

McKenzie Wark idazlearen Maitasuna eta dirua, sexua eta heriotza liburuko pasarteka irakurri eta pintxada egingo dute irailaren 13an (ostirala) 19:30ean Bilboko Bira kulturgunean.

Irati Jimenez Arbasoak edo mamuak. Euskal literatura bere bidegurutzean Oiartzunen

Irati Jimenez idazleak Arbasoak edo mamuak. Euskal literatura bere bidegurutzean hitzaldia eskainiko du irailaren irailaren 13an (ostiralen) 19:00etan Oiartzunen. Poesia Egunak.

Ivo Andritx Zubi bat Drinaren gainean Aretxabaletan

Ivo Andritxen Zubi bat Drinaren gainean liburua solasgai izango dute irailaren 12  (osteguna) 18:30ean Aretxabaletako kultur etxean.

Larrekoren artikuluak

Nafarroako euskaltasunaren bultzatzaile handi bat izan zen Fermin Irigarai Larreko. Auriztarra, mediku lanetara ikastoki izandako Madrildik Nafarroara itzuli zenean arrapiztu zitzaion euskara lantzearen harra, eta beste zenbait eragiletza lanez gain, artikulugintzan egin zuen ekarpen handia garaiko agerkarietan. Libururik argitaratu ez bazuen ere, Sendoa argitaletxeak bi liburuetan bildu zituen haietako hainbat, Klasikoen Gordailuan irakur daitezkeen Lekukotasuna eta Nafarroatik. Duela 75 urte hil zen, 1949ko irailaren 3an.

Xabier Gereñok 100 urte

Joan den abuztuaren 12an 100 urte beteko zituzkeen Xabier Gereñok. Lehenagotik ere narrazio eta nobelak idatzitakoa, online daukagun  Hiltzaile baten bila eleberriarekin, 1975ean, abiapuntua jarri zion gure literatura industrialari, genero beltzean, Jurgi kapitainaren abenturekin. Liburu xaloak, ez edukian ez idazkeran tolesturarik daukatenak, 30etik gora idatzi zituen 1990era bitarte. 1977an argitaratutako Espioitza, Gudari bat eta Iruneako asasinatzea ere irakurgai dauzkazu, eta baita Estalki zuriaren misterioa ipuina ere. XXI. mendean antzerki-lanak idazteari berrekin zion —80etako hasierakoak baditu batzuk—, testu mordoa osatuz (eta taularatuz azken urteetan bizi izan zen egoitzan). Ganbila.eus-en daukazu haietarik bat: Euskal ikastola.

Xabier Montoia Lautadako mamua

Xabier Montoia idazleak Lautadako mamua aurkeztuko du irailaren 12an (osteguna) 11:30ean Donostiako Bilintx liburudendan. Argitaletxea: Elkar.

Karmele Jaio Maitasun kapitala Lekeition

Karmele Jaioren Maitasun kapitala  nobelari buruz arituko dira irailaren 10ean 1(asteartea) 19:00etan Lekeitioko kultur etxean.

John Andueza eta Asel Luzarraga Azken Portuko postdatak

John Andueza eta Asel Luzarraga idazleek Azken Portuko postdatak aurkeztuko dute irailaren 5ean (osteguna) 10:30ean Donostiako Elkar liburudendan.

Beñat Sarasolaren bigarren nobela

Frank O’Hara poetak zuzendutako lehen erakusketaren pase berezia New Yorken. 1960ko uda. Espainiako pintura eta eskultura berriaren lagin on bat biltzea da ideia, eta hautagaien artean daude nazioartean sona hartzen ari diren Oteiza eta Chillida izeneko artista bi ere. Artea erregimen frankista zuritzeko baliatu ez dadin adi daude, aldiz, beste zenbait. Eta, bitartean, O’Harak, lanak lan, Vincent Warren dantzari eta maitalearengan du jarrita bere gogo biziena.

New York, Madril, Irun, Montevideo, Donostia, Miarritze. John Ashbery, Grace Hartigan, Luis Gonzalez Robles, Antoni Tapies, Diane di Prima, Ramos ahizpak. Iragan mendearen erdialdea igaro berritan, AEBetako eta Europako kultur mundua astindu zuten dozenaka izen sartu-irtenean dabiltza kontakizun honetan, argiaren —hala itsasertzeko egun batena, nola etxe-orratzen bitarteetakoa—, minduraren eta begirada ironiko bezain alai baten artetik. O’Hararen poemetan gertatzen den bezalatsu, hain justu. Haietako bati zor dio izena Beñat Sarasolaren bigarren nobelak. Osorik irakur dezakezue sarean:  Coca-Cola bat zurekin.

Beñat Sarasola Coca-Cola bat zurekin

Beñat Sarasolak Coca-Cola bat zurekin nobela berria aurkeztuko du irailaren 4an (asteazkena) 11:30ean Donostiako udal liburutegian. Argitaletxea: Susa-literatura.