Aza 06 11
Katamalo Gasteizen
Katamalo errezitaldia izango da azaroaren 6an (igandea) 20:00etan Gasteizko Jimmy Jazz aretoan.
Aza 05 11
Emailuak twitter bidez
Aurrerantzean Literatur Emailuak twitter bidez ere zuzenean jaso ahalko dituzue.
@armiarma helbidean automatikoki argitaratuko dira, egunez egun.
Aza 04 11
Igelak benetan hiltzen dira Iruñean
Iñaki Irasizabalen Igelak benetan hiltzen dira nobelaz solas egingo dute azaroaren 4an (ostirala) 20:00etan Iruñeko Zaldiko Maldiko elkartean.
Aza 04 11
George Brassens, 14 kantu
Duela 30 urte, 1981eko urriaren 29an hil zen George Brassens poeta, chanson izenekoaren ordezkari gorenetako bat. Fedegabea, libertarioa, irreberentea, probokatzailea… ziento bat kantu osatu eta abestu zituen, eta erreferentzia bilakatu munduko entzule askorentzat. Xabier Letek haren 3 kantu moldatu zituen, eta Anje Duhaldek 2001ean George Brassens Kantari diskoa plazaratu zuen 9 abestiz. Horiez gainera, Josu Landak euskaratutako bi eta 1985ean Akademia Sekretuaren Egutegia-n agertutako bat eskaintzen dizkizuegu denak batera.
(gehiago…)
Aza 03 11
Bitsa eskuetan Iruñean
Bitsa eskuetan errezitaldia egingo du Miren Agur Meabek azaroaren 3an (osteguna) 20:00etan Iruñean, Nafarroako Antzerki Eskolako Xake aretoan. Musika: Ibone Ibazeta.
Aza 03 11
Argi-itzalen neurria Tolosan
Xabier Artolaren Argi-itzalen neurria liburuaz mintzatuko dira azaroaren 3an (osteguna) 20:00etan Tolosako kultur etxean.
Aza 03 11
Susa, liburu elektronikoak
Susa literatura argitaletxeak poesia eta narratiba bildumetako liburuak e-book moldean aurkeztuko ditu azaroaren 3an (osteguna) 11:00etan Donostiako Udal Liburutegiko Mandas aretoan.
Aza 02 11
Jaiotze markak Durangon
Nancy Hustonen Jaiotze markak nobelaz solas egingo dute azaroaren 2an (asteazkena) 19:30ean Durangoko liburutegian.
Aza 02 11
Eskarmentuaren paperak Bartzelonan
Anjel Lertxundiren Eskarmentuaren paperak liburuaz ariko dira azaroaren 2an (asteazkena) 19:30ean Bartzelonako Euskal Etxean. Gidatzailea: Aritz Galarraga.
Aza 02 11
Susako liburuak e-book moldean
Poesia eta narratiba bildumetako liburuak e-book moldean eskainiko ditu aurrerantzean Susa literatura argitaletxeak. Katalogoa 66 idazleren 142 libururekin abiatu da, bi formatutan emanak: epub eta pdf. Deskargak DRM kontrolik gabe egingo dira, irakurleak testuak kontsultatu ahal izango ditu erosketa egin aurretik, eta titulu guztiek prezio berbera izango dute: 3,54 euro.
Urr 29 11
Fikzioaren izterrak Miarritzen
Ur Apalategiren Fikzioaren izterrak ipuin liburua aztertuko dute urriaren 29an (larunbata) 14:30ean Miarritzeko Mediatekan.
Urr 28 11
Suite frantsesa, Irene Nemirovski
Irene Nemirovskiren Suite frantsesa nobela aurkeztuko du Anjel Lertxundik urriaren 28an (ostirala) 10:30ean Donostiako Udal Liburutegi zaharreko Mandas aretoan.
Urr 27 11
Mea culpa Gasteizen
Uxue Apaolazaren Mea culpa nobela aztertuko dute urriaren 27an (osteguna) 20:00etan Gasteizko Ignacio Aldecoa kultur etxean. Gidatzailea: Iban Zaldua.
Urr 27 11
Galerna Getarian
Iratxe Esnaolaren Galerna nobelaz solas egingo dute urriaren 27an (osteguna) 18:30ean Getariako Alondegian. Gidatzailea: Uxue Alberdi.
Urr 27 11
Tranströmer suediarraren zortzi poema
Naturaren edertasunak sortutako durduza agertuz eta bizitzaren laburraz hausnartuz murgiltzen da Tomas Tranströmer giza kondizioaren muinean. 1931ko urriaren 15ean jaio zen Stockholmen eta Literaturako Nobel Saria izan da 2011n. Zeru amaitu gabea eta beste poema batzuk izenburupean, Kirmen Uribek zazpi poema eta haiku sorta bat itzuli ditu Armiarmarako, Tranströmerren poesigintzara amiñi bat hurbiltze aldera, datorren urtean haren liburu bat euskaraturik argitaratu bitartean.