Urt 23 14
Kristalezko begi bat Bermeon
Miren Agur Meaberen Kristalezko begi bat nobelaz ariko dira urtarrilaren 23an (osteguna) 18:30ean Bermeoko liburutegian.
Urt 22 14
Muskuiluak afaltzeko Iurretan
Birgit Vanderbekeren Muskuiluak afaltzeko liburuaz mintzatuko dira urtarrilaren 22an (asteazkena) 19:00etan Iurretako liburutegian.
Urt 22 14
Joxean Muñozen
poesia apurtzailea
Poetak, oro har, gazterik jalgi ohi dira plazara. Barne sukar batek umotzen ditu azkarki hitzeraino. Autore gazte hauen estreinako obrak, gainera, pindarka egiten du batzuetan begira. Horrela jo gintuen 1984an Joxean Muñozen Parentesiak (etabar) bildumak: zehaztasun obsesiboa sekulako estiloan. Gaur, 30 urte geroago, harrigarria egiten zaigu gramatika apurtzaile hura, poetak jauzi estetikora ematen digun bultzazo gupidagabea. Ildo bereko lirikan eta planteamendu ausartean publikatu zuen Begien bizkar, maitasun poema sorta bat (Susa aldizkariaren separata, 1992), Jose Luis Otamendiren sarrera argigarri batekin: “Luze isilean gordetakoak peto-petoan deklaratzen dakizki, ez da amarrurik, ez eskupekorik, ez keinu lagunkoirik. Zauri zahar eta berriek zimelduak ditugu barnemuinak. Estimatzen diogu. Muñozek ez dio beldurrik poesiari”.
Urt 21 14
Parisen bizi naiz Gasteizen
Koldo Izagirrek Parisen bizi naiz errezitaldia egingo du urtarrilaren 21ean (asteartea) 19:00etan Gasteizko Zuloa liburu-dendan.
Urt 20 14
Nevadako egunak Gasteizen
Bernardo Atxagak Nevadako egunak nobela aurkeztuko du urtarrilaren 20an 19:00ean Gasteizen, Ignacio Aldekoa kultur etxean. Aurkezlea: Miel Anjel Elustondo.
Urt 20 14
Gaur 50 urte hil zen
Anibal Machado
1964ko urtarrilaren 20an hil zen Anibal Machado, idazle brasildarra. XIX. mende amaieran jaioa, XX. mendeko Brasilgo literatur mugimenduen eta idazle handien garaikide eta lankide izan zen, eta Idazleen Elkarteko presidente, Getulio Vargasen diktaduraren kontra jardunez. Antzerki munduari lotua, hainbat talde sustatu zuen, obren egile eta itzultzaile ere aritu zuen. Prosan ipuinak idatzi zituen, eta obra oso handia ez duen arren, pieza eder askoak utzi ditu, Hamahiru ate liburuan (Elkar, 1985) Joseba Sarrionandiak eta Mitxel Sarasketak euskaratu zuten Biaduktoko suizida, gaur hemen eskaintzen dizueguna, kasu. Herri giro eta gai arruntetan zentzu ezkutuak eta poesia berezia atzematen dakiten idazle brasildarren artekoa da Anibal Machado. Biaduktoko neskatila suizidatuaren istorio laburrean ere, hiriko jendearen kronika legez beti, gertaera goibeletik giro harrigarri eta poetikora eramanen gaitu.
Urt 18 14
Saizarbitoriari buruzko hitzaldia Oreretan
Markos Zapiainek “Ramon Saizarbitoria eta iragana” hitzaldia eskainiko du Literatura Eskolan urtarrilaren 18an (larunbata) 10:00etan Oreretako Mikelazulon.
Urt 17 14
4×4 operazioa Iruñean
Xabier Amurizak 4×4 operazioa nobela aurkeztuko du urtarrilaren 17an (ostirala) 20:30ean Iruñean, Txantreako Biltokin.
Urt 16 14
Zorion handiegia Tolosan
Alice Munro-ren Zorion handiegia ipuin liburua aztertuko dute urtarrilaren 16an (osteguna) 19:30ean Tolosako kultur etxean.
Urt 16 14
Euli-giro Larrabetzun
Uxue Alberdirekin Euli-giro ipuin liburuaz berba egingo dute urtarrilaren 16an (osteguna) 19:00etan Larrabetzuko Anguleri kultur etxean.
Urt 16 14
Parisen bizi naiz Oreretan
Koldo Izagirrek Parisen bizi naiz errezitaldia egingo du urtarrilaren 16an (osteguna) 19:00etan Oreretako Mikelazulon.
Urt 16 14
Annabel Markinan
Kathleen Winterren Annabel nobela aztertuko dute urtarrilaren 16an (osteguna) 19:00etan Markina-Xemeingo liburutegian.
Urt 15 14
Juan Gelmanen oroigarri
Juan Gelman poeta argentinar handia atzo hil zen Mexikon. Diktadura militarrraren aurka jardun zuen, montoneroen erakundean. 1975ean erbesteratu zen, eta ez zen inoiz Argentinara itzuli. 1976an militarrek bere bi seme-alabak eta erraina desagerrarazi zituzten. Alaba ostera agertuko zen, baina semea 1990ean aurkitu zuen, ibai batera jaurtitako igeltsuzko ontzi batean, hilda. Bahiketa garaian jaiotako biloba, 2000era arte ez zuten aurkitu, Urugain. Poesia ekintza politikoarekin lotuz, idazkera herritarra erabiliz ekin zion gaztetan, eta gerora inozentziaz eta oinazez kargaturiko maisu lana garatu zuen. Joserra Egiluzek 1991n eta Koldo Izagirrek 2004an itzulitako poema banaz gain, Kevin Herediak 2007an euskaratu zituen 9 poema. Hamaika poema denera, Gelmanen oroigarri.
Urt 15 14
Ibon Sarasolaren Poemagintza
Ibon Sarasolak (Donostia, 1946) hogeita hiru urte zituela argitaratu zuen Poemagintza liburua (Kriselu, 1969). Gure inoizko poetarik goiztuenak ordea nortasun poetiko heldua agertu zuen titulu xume eta aldi berean fierraren azpian: arruntkeriaren aurkako borroka bat, delikateziaz eta espiritu landuan egina. Irudi eta baliabide klasikoen ukoa, banalitateak izan zitezkeen gaien hautua, gauzen deskripzio sotil eta sutila… Ildo berri bat, zaila, ausarta, ebaki zuen Sarasolak. Estilo biluzi eta erritmikoan garatuak, Poemagintzako poemek intimitate hauskor batean biltzen gaituzte, pianoak sortuak balira bezala.
Urt 14 14
Hobe isilik Zumaian
Garbiñe Ubedaren Hobe isilik nobela aztertuko dute urtarrilaren 14an (asteartea) 18:00etan Zumaiako Alondegian.