Parentesiak (etabar)
Joxean Muņoz

Hordago, 1984

 

 

aspaldi idatzi nuen «final»

                          (amaiera)

baina zure odola ostiralen zainetatik

adbersatiba guztiak erabiliz

ispilu guztiek ikusi nautela

hamaika aldiz ukatu dut «te quiero» edo «maite zaitut»

(banala)

baina euskorra zara eta

metroak sei minuturo pasatzen

          intermitentea

nere poemei fetxak jarri

eta kentzea bezainbat

nolanahi eta edonon «maitea» (etab.)

esateko inpulsoa bezain ebakia

puntuz eta interlineaz osatutako

(«nere maitea» baita ere)

ate jiratorioa.

Metroak norabide kontrariotan

          baina ba dakit

beti itzultzen direla, beti

jira egiten, errailak

eraztun infinito bat direla:

ostiralek soka bat urtearoz urtearo

eta kupidarik gabe, amaiera (final)

guztiak ezabatuz alferrikaltzen dituztela ispiluak

mihin puntan mantentzen (betiko hitz banalak)

ostiralero azaldurik debekua mantentzen didazula

ezin dudala ezingo dudala zure oroitzapena

ukatu: contradecir, negar, rechazar,

          rehusar, renunciar.

 

Parentesiak (etabar)
Joxean Muņoz

Hordago, 1984