Urt 29 25
Angela Davis Abolizioa Bergaran
Angela Davisen Abolizioa Politika, praktikak, promesak liburua aurkeztuko dute urtarrilaren 29an (asteazkena) 18:30ean Bergarako Kartzela zaharrean, Angiolillo liburutegian.
Urt 29 25
Azken tantoa Adimen Artifizialak Aroztegia aferari buruz sortutako ipuina
2025ko (H)ilbeltza euskal nobela beltzaren astean, Nola sortu kriminal bat (nahi gabe) mahainguruan parte hartu zuten Edurne Elizondo kazetariak eta Mikel Elorza abokatu eta editoreak. Azken honek, nobela beltzari buruz emandako hitzaldian Adimen Artifizialari galdegindako ipuin bat aurkeztu zuen amaiera aldean. Aroztegiako afera eta Ilbeltz detektibearen ikerketa batzen dituen Azken tantoa ipuina (H)ilbeltza asterako girotuta.
(gehiago…)
Urt 26 25
Ernest Hemingway Agurea eta itsasoa Zarautzen
Ernest Hemingwayren Agurea ta itxasoa (1963) lanari buruz arituko dira irailaren 26an (igandea) 19:00etan Zarauzko Uhera irakurle taldean.
Urt 24 25
Miren Amuriza Pleibak Mutrikun
Miren Amurizak Pleibak liburu berria aurkezteko saio berezia egingo du Ane Labaka eta Uxue Alberdi bertsolariak eta Mice musikariarekin urtarrilaren 24an (ostirala) 19:00etan Mutrikuko Zaibel kultur etxean.
Urt 24 25
Beñat Sarasola eta Alex Gurrutxaga Coca-Cola bat zurekin Gasteizen
Beñat Sarasolak Coca-Cola bat zurekin nobela berria aurkeztuko du Alex Gurrutxaga ondoan duela urtarrilaren 24an (ostirala) 19:00etan Gasteizko Liburutopian.
Urt 23 25
Liburuaren arbola erakusketa Iruñeko Hizkuntza Eskolan
Gorka Arresek atondutako Liburuaren arbola erakusketa urtarrilaren 13tik (astelehena) urtarrilaren 23ra (osteguna) egongo da ikusgai Iruñeko Hizkuntza eskolan. Euskararen Etxea | Karrikiri.
Urt 23 25
Beñat Sarasola eta Uxue Rey Coca-Cola bat zurekin Iruñean
Beñat Sarasolak Coca-Cola bat zurekin nobela berria aurkeztuko du Uxue Rey kazetaria ondoan duela urtarrilaren 23an (ortzeguna) 19:00etan Iruñeko Laban.
Urt 23 25
Zubia elurretan
Hogei urteko aldeak eta mundu-ikuskera eta -biziera oso desberdin batek bereizten ditu Derek Walcott eta Nijole Miliauskaite poetak. Antilletan jaioa lehena, esklabo afrikarren ondorengo, XX. mendeko ingelesezko poesiaren ahots inportanteenetako bat da berea. 1930eko urtarrilaren 23an jaio zen, eta bi poema liburu kaleratuak zituen 20 urte geroago, 1950eko urtarrilaren 23an Lituania sobietarrean Nijole Miliauskaite jaio zenerako. Ezezaguna izanagatik ere, idazle lituaniar handietarik bat. Bizi- eta literatura-ibilbide arras diferentekoak, antillatarra 87 urtez bizi izan zen, 52rekin hil lituaniarra. Martxoan, biak. “Elur baltsamagarritik urrun” bata, jaioterri izan zuen Santa Luzia irlan; “elurra geldiro eta erregularki” egiten duen Druskininkain bestea. Euskarari Walcotten bi poema ekarri zizkion Luigi Anselmik, eta kaier oso (eta bikain) bat Leire Bilbaok Miliauskaiteri.
Urt 21 25
(H)ilbeltza Benetakoa Baztanen
(H)ilbeltza. Nobela beltzak eta euskara elkartzen diren plaza da Baztangoa. Aurten ere ekitaldi sorta antolaturik, Nola sortu kriminal bat (nahi gabe) mahainguruan izanen dira Edurne Elizondo eta Mikel Elorza urtarrilaren 25ean (larunbata) 11:00etan Elizondoko Arizkunenea kultur etxean. Erratzuko ohiko bazkariaren ostean, Izaskun Gracia Quintanak Basokoa aurkeztuko du eta Iñaki Petxarromanek berriz Lehendakariaren alaba nobela. Egunari amaiera emateko Ilargipeko enigmak, susmagarrien gaua ilunabarrean, Erratzuko ostatuetan barna jostetan.
Benetakoa
Bira ekoiztetxekoek, zenbait idazle eta abeslari aktore lanetan jarrita, urtero bezala ikusentzunezko pieza ederra sortu dute aurten ere. Benetakoa.
Urt 21 25
Miren Amuriza Pleibak Bilbon, Birako irakurle taldean
Miren Amurizak Pleibak liburu berria berbagai hartuko dute urtarrilaren 21ean (asteartea) 19:00etan Bilboko Bira kultur guneko irakule taldean.
Urt 20 25
(H)ilbeltza euskal nobela beltzaren astea Baztanen
Aurten ere (H)ilbeltza, euskal nobela beltzaren astea ospatuko da urtarrilaren 20tik 26ra Baztango herrietan. (H)ilbeltza.
Urt 20 25
Gorka Arrese Mundua aldatu duen lehen objektu industriala bisita gidatua Iruñean
Gorka Arresek Liburuaren arbola erakusketaren karietara, Mundua aldatu duen lehen objektu industriala hitzaldi eta bisita gidatua egingo du urtarrilaren 20an (astelehena) 17:30ean Iruñeko Hizkuntza Eskolan.
Urt 17 25
Miguel Torgaren Piztiak
Duela 130 urte, urtarrilaren 17 batez hil zen Miguel Torga, XX. mendean Portugalek eman duen literatura ahots inportanteenetako bat. Eleberri eta poema-liburu askoren egilea, bere herrialdeko zirkulu literarioetan bazebilena, mediku ere jardun zuen -inguru txiroan jaiogatik, lortu zuen Medikuntza ikasketak burutzea-. Senez aldizkarian haren poema bat ere badago euskaratua (Itzulera), baina euskaraz Piztiak irakur daiteke, animalien protagonismoaz gizakiez eta bizitzaz mintzo diren ipuinak, Bego Montoriok itzulia, Alberdaniak 1997an argitaratua.
Urt 16 25
Uxue Alberdi Hetero Larrabetzun
Uxue Alberdi berbalagun dela Hetero liburuari buruz berbetan arituko dira urtarrilaren 16an (eguena) 19:00etan Larrabetzun.
Urt 16 25
Karmele Jaio Maitasun kapitala Aretxabaletan
Karmele Jaioren Maitasun kapitala liburuari buruz solasean arituko dira urtarrilaren 16an (osteguna) 18:30ean Aretxabaletako kultur etxean.