Literatur Emailuak

Jostirudi jainkotarra

XIX. mendeko idazle galiziarren artean handietako bat, 1851ko irailaren 25ean jaio zen Manuel Curros Enriquez, ideia errepublikar eta galegisten arteko trantsizioan bizi izan zena. 1888an argitaratu zuen O Divino Sainete liburua, zatia euskaratuta duen bakarra. Gabriel Arestik, Jostirudi Jainkotarra izenez, Sarrera eta I. Kantua euskaratu zituen, idazle galiziarraren heriotzaren mendeurrenaren karietara eskaini genituenak.

Josu Martinez Joseba Sarrionandiaren zinema paperak

Josu Martinezek Joseba Sarrionandiaren zinema paperak (1977-1980) liburua aurkeztuko du Elixabete Garmendia eta Joseba Sarrionandiarekin irailaren 25ean (osteguna) 11:00etan Donostiako Tabakaleran. Argitaletxea: Pamiela.

Paul Mattick Marx eta Keynes. Ekonomia mistoaren krisiaHernanin

Paul Matticken Marx eta Keynes. Ekonomia mistoaren krisia liburuaz jardungo dute Garazi Goldarazena itzultzailearekin irailaren 24an (asteazkena) 18:30ean Hernaniko Kontrakantxa Gaztetxean.

Euskal Herriko irakurle taldeen topaketa Iratin

Euskal Herriko irakurle taldeetako lagunak topaketa honetan batuko dira irailaren 20an (larunbata) eta 21ean (igandea) Orbaizetako Kultur Olan eta Irati basoko txoko ezberdinetan.

Katixa Dolhare

Bea Salaberri

Oihane Zuberoa Garmendia

Josune Aznarez Alkat

Amaia Ezpeldoiri buruzko hitzaldia

Hemingway eta Irati. Josu Jimenez Maia gidari dela.

Lurrak erreko ez balu mendi ibilbide literarioa Eneko Barberenak gidatuta

Kirmen Uribe Elkarrekin esnatzeko ordua Larzabalen

Kirmen Uriberekin Elkarrekin esnatzeko ordua nobelari buruz solas egingo dute irailaren 19an (ostirala) 19:00etan Larzabaleko Ezpeletenean. Baipeleteneko Irakurle Kluba.

Ane Labaka Mayoz Hezur berriak Larrabetzun

Ane Labaka Mayoz idazleak Hezur berriak  bere poema liburua aurkeztuko du irailaren 18an (osteguna) 19:00etan Larrabetzun.

Lau poema aurkako

Han eta han, batez ere han, bonbak tai gabe erortzen diren aroan, gaurkotasun osokoak dira Benjamin Pereten poemak. I. Mundu Gerra ezagutu zuen eta handik gerren, botereen, jainkoen, aberrien aurkako poemak atera ziren. Balio burges guztien ukoak berez zekarren hizkera lauaren ukoa, eta askatasunik bortitzenean landu zituen, umorez eta irudimenez, biraoa eta laidoa eta iraina. Koldo Izagirrek lau poema kearri zituen euskarara, Je ne mange pas de ce pain-là bildumakoak (1936), alegia, Nik ez du ogi horretarik jaten.

Bortua eta literatura Iratiko basoan

Azken urteotan antolatutako literatur ekimenei jarraikiz – Heptameronaren  irakurketa duela bi urte, Hemingway eta Irati iaz, eta aurten Bortua eta literatura izango du ardatz irakurle taldeetako kideen eta literaturzaleen topaketa honek, Orbaizetako Kultur Ola eta Iratiko basoan.

irailak 20, larunbata Kultur Olan

Katixa Dolhare. Bea Salaberri, Oihane Zuberoa Garmendia eta Josune Aznarez Alkat Literatura eta bortua, hemen idatzi gaiari inguruan solasean arituko dira irailaren 20an (larunbata) goizeko 10:00etatik aitzina. Ondoren, Amaia Ezpeldoi, Itxaro Bordaren pertsonaiari buruz mintzatuko da Gorka Arrese. Azkenik, Eñaut Etxamendi idazlearen obra narratiboa bere ikerketa lana aurkeztuko du Itziar Madinak.

Bazkalostean, Hemingway eta Irati ibilbide literarioa Josu Jimenez Maia gidari dela. Arratsean,
Artzainak, gure lehen poetak Oskar Alegria zinemagilearen lekukotza,  filmetako irudiak eta eleekin.

irailak 21, igandea, Iratin

Biharamunean, –irailak 21 (igandea)- goizeko 10:00etan Lurrak erreko ez balu mendi ibilbide literarioa Eneko Barberenak gidatuta – Arrazola – Azalegiko gaina – Orion -Arrazola- Iratiko baso eta inguruetan. Harpeako lezearen ondoan Itxaro Bordaren ahotsean Itzalen tektnonika poema liburuko aleak eta Ibon RG musikariaren doinuak aditu ahal izanen dira arratsldeko 17:00etatik aitzina.

Miren Amuriza eta Uxue Alberdi Pleibak eta Hetero Bilbon

Miren Amuriza eta Uxue Alberdi, Pleibak eta Hetero liburu berriei buruz berbetan arituko dira irailaren 17an (asteazkena) 19:00etan Bilboko La Sinsorga kulturgune feministan.

Laura Mintegi Akabo Bilboko Biran

Laura Mintegi eta Mikel Antza solasean arituko dira Akabo nobela argitaratu berriari buruz irailaren 17an (asteazkena) 19:00etan Bilboko Bira kulturgunean.

Koldo Izagirre Sudarraren Gorazarrea ardo dastateka eta poema irakurraldia Donostian

Indalezio Bizkarrondo Bilintx eta Porrontxoen omenez Koldo Izagirre idazlearekin Sudurraren Gorazarrea kata poetikoa egingo dute irailaren 17an (asteazkena) 19:00etan Donostiako Teila fabrikan.

Claude McKayren lau poema

Jamaikan jaioa 1889ko irailaren 15ean, gaztetandik batu zitzaion Claude McKay nazionalismo beltza deituari, euren eskubideen defentsari, sozialismoaren lerroetatik. Idazle zein artikulista gisa erreferentzia izan zen Harlemgo Berpizkundea mugimenduan. Haren heriotzaren urteurrenean Iñigo Astizek euskaratutako lau poema eskaini genituen, atzera gogora dakartzagunak.

Idoia Rodriguez Mondragon Euripean Kanbon

Idoia Rodriguez Mondragon idazleren Euripean liburua hizpide hartuko dute irailaren 12an (ostirala) 18:00etan Kanboko mediatekan.

D.F. Wallace euskaraz

XX. mendeko literatur-lan handienen artean dago Iseka infinitua (Infinite Jest, 1996), David Foster Wallaceren eleberri mardula, egileari arrakasta komertziala eta kritikaren errekonozimendua ekarri zizkiona. Prosista aparta, saiakeragile zorrotza, kronikak eta ipuinak ere idatzi zituen 2008ko irailaren 12an, 46 urte zituela, bere buruaz beste egin zuen arte. Ordurako bere belaunaldiko idazle gailenetakoa bilakatua zen, garaikide eta ondorengo askorentzat erreferentea. Haren narrazio bat euskaratu zuen Ibon Egañak Volgako batelariak blogean, Suizidioa opari-antzeko, eta gerora Danele Sarriugartek ekarri izan dio euskarari egile estatubatuarraren lana: hitzaldi bat, Hau ura da, eta Pop asmakizuna 7 kontakizuna eman zituen Elearazi webgunean, eta Sekula gehiago egingo ez dudan gauza ustez dibertigarri bat (Pasazaite, 2016) liburua ere, itsas kruzero baten kronika literarioa.

Itxaro Borda Itzalen tektonika Donostian

Itxaro Bordaren Itzalen tektonika poema libururen emanaldi musikatua egileak berak eta Joseba Irazoki musikariak  irailaren 10ean (asteazkena) 19:00etan Donostiako Victoria Eugenia Klub aretoan. Poesia orduak.