Mar
09
11
First Impressions izenburuarekin 1797an amaitu zuen Jane Austenek bigarren eleberriaren izkribua, baina editoreak ez zuen aintzat hartu. Hamabost urte geroago, berridatzi eta titulua aldaturik, 1813an argitaratu zen Harrotasuna eta aurrejuzkuak, ingeles literaturako amodiozko nobela ezagunena. Ezkontza da istorioaren motorra; lehen inpresioak okerrak izaten dira, horixe du gaia; eta Elizabeth Bennet protagonista (baita ere Fitzwilliam Darcy aberats lotsatia). Sonatua da nobelaren estreinako esaldi guztiz ironikoa: “Mundu zabalean aho batez onartutako egia da, fortuna handiaren jabe den gizon ezkongai batek emaztearen bila ibili behar duela”. 1940an Robert Z. Leonardek film bihurtu zuen, Greer Garson eta Laurence Olivier aktoreekin, eta Jane Murfin eta Aldous Huxleyren gidoiaz.
Mar
07
11
Joan den astean Apuleioren Urrezko astoa nobela eskaini genizuen, Igerabidek eta Lertxundik itzulia. Asteon Augustin Anabitartek egindako ahalegin bat dakarkigu: Izaera-aldakuntza ala urrezko astoa izenburuarekin Apuleioren liburuaren lehen bi kapituluak euskaratu zituen, Aristomen izengoitiz sinaturik, ziur aski lehiaketaren batera bidaltzeko. Gotzon Egiak bidali digu itzulpen originala, Anabitarte sendiaren eskutik jasoa. 15 orriko faksimilea ere paratu dugu bildumazaleentzat.
Mar
04
11
Komuneko paperean errezitaldia egingo dute Imanol Epeldek eta Mattin Epeldek martxoaren 4an (ostirala) 23:00etan Mutrikuko Goitibera tabernan.
Mar
04
11
Dino Buzzatiren Tartariarren basamortua, Ivo Andritxen Drinaren gaineko zubia eta Anxel Foleren Kriseiluaren argipean aurkeztuko dituzte martxoaren 4an (ostirala) 11:00etan Donostiako Udal Liburutegiko sotoan.
Mar
03
11
Oier Guillan eta Asier Sarasolak Hura ez da lekua errezitaldia egingo dute martxoaren 3an (osteguna) 20:00etan Bilboko Kalderapekon. Musika: Ander Fernandez. Pintura: Idoia Beratarbide. Aktorea: Iñigo Ortega.
Mar
03
11
3 Mariak nobelaz mintzatuko da Arantxa Urretabizkaia martxoaren 3an (osteguna) 19:30ean Donostiako Udal Liburutegiko sotoan
Mar
02
11
Jokin Muñozen Bizia lo ipuin liburuaz solas egingo dute martxoaren 2an (asteazkena) 19:30ean Bartzelonako Euskal Etxean. Gidatzailea: Aritz Galarraga.
Mar
02
11
Raul Zeliken Lagun armatua nobela aztertuko dute martxoaren 2an (asteazkena) 19:30ean Durangoko liburutegian.
Mar
02
11
Bigarren mendeko idazle erromatar garrantzitsuena izan zen Apuleio, sortzez berberea. Metamorphoses da bere lan ezagunena, Urrezko astoa izenburua ere ematen zaiona, 1996an Juan Kruz Igerabidek eta Anjel Lertxundik euskaratua. Zatika ondutako nobela pikareskoa da Urrezko astoa, magiak liluratuta daukan Luzio gazteak protagonizatua. Liburu hau irakurtzen hasi aurretik (eta hor barnean den Kupidoren eta Psikeren istorioari ekin baino lehen), badaezpada ere komeni da larrosa batzuk edukitzea inguruan; izan ere, noizbait asto bihurtzen baldin bazara, aski omen da arrosa batzuk marruskatzea asto izateari uzteko.
Mar
01
11
Arantxa Urretabizkaiak 3 Mariak nobela aurkeztuko du martxoaren 1ean (asteartea) 19:30ean Las Karrerasko udal aretoan.
Mar
01
11
Jose Inazio Basterretxeak Azken tranbiaren itzala liburua aurkeztuko du martxoaren 1ean (asteartea) 11:00etan Donostiako Elkar aretoan.
Ots
28
11
Mohamed Xukriren Ogi hutsa nobelaz ariko dira otsailaren 28an (astelehena) 19:30ean Donostiako literatur solasaldietan, Udal Liburutegiko sotoan. Gidatzailea: Iñigo Aranbarri.
Ots
26
11
Pantzo Hirigarairen Poto nobelaren irakurraldia izango da otsailaren 26an (larunbata) 14:30ean Miarritzeko Mediatekan.
Ots
25
11
Suzko lilia poema liburuan oinarriturik, Hedoi Etxartek eta Andoni Arcillak errezitaldia egingo dute otsailaren 25ean (ostirala) 20:30ean Hazparneko Elgar zentroan.
Ots
25
11
Bernardo Atxagak eta Jabier Muguruzak errezitaldia egingo dute otsailaren 25ean (ostirala) 20:00etan Hernaniko Biteri kultur etxean.
