Ots 26 14
Mihia aske, Elias Canetti
Elias Canettiren Mihia aske liburua aurkeztuko du Ibon Uribarrik otsailaren 26an (asteazkena) 12:00etan Donostiako Udal Liburutegiko sotoan. Argitaletxeak: Erein eta Igela.
Ots 26 14
Frankenstein, Mary Shelley
Mary Shelleyren Frankenstein nobela aurkeztuko du Iñigo Errastik otsailaren 26an (asteazkena) 12:00etan Donostiako Udal Liburutegiko sotoan. Argitaletxeak: Erein eta Igela.
Ots 26 14
Oier Guillanen gabeziak
eta bakarrizketak
Lehiaketen zurrunbiloan gutxietsitako Oier Guillanen bi liburu dakarzkizugu gaurkoan. Gabeziak elementu gutxi batzuekin sortutako mundu poetikoa da, kontrastez antolatua: mugarik gabeko izarak eta gela bat, gela bat baino ez hiriaren erdian: besterik behar ote dute maitaleek, ordea, orainak eta orbainak trukatzeko? Baina amodioaren zurrunbiloak baditu bere pausaldiak, zalantza zirraragarri bihurtu beharrekoak. Poema labur eta gardenak, adimenaren eta sentimenaren uztarketa begia, iluna eta azala bitarte. Bakarrizketa poetikoak lana jokalari bakarrerako lau bakarrizketak osatua da, lauak gaiaren garapenaren zerbitzuan: jokalekurako poesia, genero zaila eta Oier Guillan bera lantzaile bakarra dukeena gure literaturan. Mundua, benaz, hilapaindegia da, itxaropenak esperantza gutxi. Heriotza, argi dago, ezoroitzea da: zer da lekukotasunik gabeko bizitza hau? Heriotza ekiditea, ez dago besterik, horixe da guri eskaini zaigun mandatua. Itzaliko da jokalekua argitzen duen argi xumea. Larruazala ezpain bihurtuko zaio ikusleari, oroitzen ez zuen ahots huraxe etorriko zaio akordura.
Ots 24 14
Parisen bizi naiz Donostian
Koldo Izagirreren Parisen bizi naiz poema liburuari buruz ariko dira otsailaren 24an (astelehena) 19:30ean Donostiako Udal Liburutegiko sotoan.
Ots 22 14
“Sarrionandiaren itsasoak” hitzaldia Hendaian
Eider Rodriguezek “Sarrionandiaren itsasoak” hitzaldia eskainiko du Literatura Eskolan otsailaren 22an (larunbata) 10:00etan Hendaiako Xaia ostatuan.
Ots 22 14
Zorion handiegia Ondarroan
Alice Munroren Zorion handiegia liburuari buruz berbetan arituko dira otsailaren 22an (larunbata) goizeko 10:00etatik aurrera Ondarroako Txomin Agirre liburutegian.
Ots 21 14
Ariel Iruñean
Sylvia Plathen Ariel eta beste poema batzuk liburua aztertuko dute otsailaren 21ean (ostirala) 20:00etan Iruñeko Katakrak-en.
Ots 21 14
Azken afaria Ean
Xabier Montoiaren Azken afaria nobela izango dute berbagai otsailaren 21ean (ostirala) 19:30ean Eako Eskolondo herri etxean.
Ots 21 14
Lasai, ez da ezer gertatzen, Ana Malagon
Ana Malagonek Lasai, ez da ezer gertatzen ipuin liburua aurkeztuko du otsailaren 21ean (ostirala) 11:30ean Donostiako Elkar aretoan.
Ots 20 14
Hobe isilik Larrabetzun
Garbiñe Ubedaren Hobe isilik nobelaz berbetan ariko dira otsailaren 20an (osteguna) 19:00etan Larrabetzuko Anguleri kultur etxean.
Ots 20 14
Emakume abeslari burusoila Bermeon
Eugene Ionescoren Emakume abeslari burusoila antzerkia aztertuko dute otsailaren 20an (osteguna) 18:30ean Bermeoko liburutegian.
Ots 20 14
Libertitzeaz, Antton Luku
Antton Lukuk Libertitzeaz liburua aurkeztuko du otsailaren 20an (osteguna) 11:30ean Baionako Euskal Museoan. Argitaletxea: Pamiela.
Ots 19 14
Damutzen ez direnak Iurretan
Itxaso Araqueren Damutzen ez direnak nobelaz ariko dira otsailaren 19an (asteazkena) 19:00etan Iurretako liburutegian.
Ots 19 14
Mikel Peruarenaren
poesia edanez, ase arte
Hiru urte geroago Zarama taldeak izenburu berarekin atera zuen abestiaz oso bestelakoa da Mikel Peruarenaren aldarria bere bigarren poemategian (Edan ase arte): bizitzatik edan behar dugu, bizia edan bizi ahal izateko, hilobiko lauza bizkar gainean daukagula ibili behar dugunez. Eraispena modako hitza zen garaiko animalia mindua dugula aitortu zigun poetak, eta horrek eskubidea eman zion noski zorrotza eta egiatia izateko, “Literatura bergizarteratzeko neurriak” edo “Zapatak hutsik” bezalako poema gogor eta ederretan (aukera dago liburuan) mintasuna argigarrizko kontzientzia bihurtzerainokoa. Eta batzuetan sarkastikoa den irriñoa behin eta berriz irakurlearengana. Jexux Aranbururen bandoneonak nostalgia erantsi zion egin zituen errezitaldietan, poemen mezua biderkatuz. Edan poesiatik, edan poesia ase arte.
Ots 17 14
Hodeien adorea Bilbon
Yoseba Peñarekin Hodeien adorea nobelaz berba egingo dute otsailaren 17an (astelehena) 11:00etan Bilboko Gabriel Aresti institutuan.
