abenduak
Mar 07 20
Umore surrealistaz eta ukitu groteskoz zipriztindutako kontakizun gogoangarrien idazletzat aurkeztu genuen duela zazpi urte, abuztuan zendu zelarik, Slawomir Mrozek, antzerkigile eta marrazkilari aparta ere izan zena. Poloniako literaturako erreferenteetako bat XX. mendean, bost narrazio euskaratu berri ditu Xabier Bovedak, eta Labayru aldizkariaren 67. zenbakian kaleratu. Hemen irakur ditzakezu.
Mar 04 20
Amets Arzallus Miñan liburuari buruz berbetan egongo da martxoaren 4an (asteazkena) 19:30ean Bilboko Bira kulturgunean.
Mar 03 20
Karmele Jaioren Aitaren etxea nobela mintzagai hartuko dute martxoaren 3an (asteartea) 19:00etan Eibarko Juan San Martin liburutegian.
Mar 03 20
Itxaro Borda Buztinezko etorkizuna irakurraldi musikatua egiten egongo da martxoaren 3an (asteartea) 19:00etan Zarauzko Garoa liburudendan. Musikaria: Ibon RG.
Mar 03 20
Amets Arzallusek Miñan solasgai izango du martxoaren 3an (asteartea) 18:30ean Zumaiako irakurle taldean.
Mar 03 20
Jose Luis Otamendi bere Disoluzio agiriak poema liburuari buruz solasean arituko da martxoaren 3an (asteartea) 18:00etan Azpeitiko literatur txokoan.
Ots 27 20
2017ko udazkenean hiru solasaldi luze izan zituen Ursula K. Le Guin-ek David Naimon-ekin Oregongo (AEB) KBOO irrati komunitarioan. Ez ziren izan ohiko irrati elkarrizketak. Naimonek idazlearen obra ongi ezagutzen zuen eta bere lanetako kezkak partekatzen zituen. Gerora Idazteari buruzko solasaldiak (Conversations on Writing) gisa argitaratuko zituzten, Le Guinen sarrera batekin eta hiru ataletan: Narratibari buruz, Poesiari buruz eta Saiakerari buruz. Lehenengo eta hirugarren generoen lanketak dira Le Guinen alor ezagunenak, baina poesia ere idatzi zuen. Orain dakarzkizuegun lau olerkiak irratian aipatu eta, gerora, solasaldian argitaratutakoak dira.
Ots 27 20
Fleur Jaeggyren Proleterka nobela hizpide hartuko dute otsailaren 27an (osteguna) 18:30ean Zarauzko liburutegian.
Ots 27 20
Karmele Jaioren Aitaren etxea nobela izango dute hizketagai otsailaren 27an (osteguna) 18:30ean Getariako liburutegian.
Ots 26 20
Uxue Alberdiren Jenisjoplin nobelari buruz solas egingo dute otsailaren 26an (asteazkena) 19:00etan Soraluzeko Irakurketa feministen hitzorduetan.
Ots 25 20
Aintzane Usandizaga Kabitu ezina liburuari buruz arituko da otsailaren 25ean (asteartea) 19:00etan Andoaingo liburutegiko literatur solasaldietan.
Ots 24 20
Irati Elorrietaren Neguko argiak nobelaz arituko dira otsailaren 24an (astelehena) 19:00etan Elgoibarko liburutegian.
Ots 21 20
Irati Elorrieta idazlearen Neguko argiak izanen dute mintzagai otsailaren 21ean (ostirala) 20:00etan Iruñeko Zaldiko Maldiko elkartean.
Ots 21 20
Hondakindegiak erori, gorpuak estali eta negozio ilun eta pozoiak agerian geratu diren egunotakoa euskal literaturak orrietara eramandako errealitatea da. 2011n argitaratu zuen Eneko Aizpuruak Erein argitaletxearekin Errauts eleberria. Hilketak baten ikerketak agerian utziko ditu hondakindegien inguruko negozio ilunak eta barreiatuko ustelkeriari darion kiratsa. Iparraldeko zabortegien geografian murgildu zen, berriz, Amaia Ezpeldoi ikerlaria Zaborretan azkenak eleberrian. Zakarrak lurra ez ezik harremanak ere kutsatzen ditu Itxaro Bordaren lanean. Maiatz-ek 2015ean kaleratutako edizio elebiduneko eleberriaren euskarazkoa Booktegi egitasmoak irakurgai jarria du. Eta Armiarman irakur ditzakezu orain Errauts-en lehen hiru kapituluak eta Zaborretan azkenak osorik.
Ots 20 20
Jose Luis Otamendi Disoluzio agiriak gai hartuta jardungo da 0tsailaren 20an (osteguna) 18:30ean Zestoako irakurle taldean.