Aza 08 22
Irene Pujadas Puskak
Irene Pujadas idazlearen eta Amaia Apalauza-k euskaratutako Puskak liburua aurkeztuko dute azaroaren 8an (asteartea) 12:00etan Donostiako udal liburutegian. Argitaletxea: Igela.
Aza 07 22
Joseba Sarrionandia Lagun izoztua Pasaian
Joseba Sarrionandia Lagun izoztua nobelari buruz arituko da azaroaren 7an (astelehena) 19:45ean Pasaian, Trintxerpeko liburutegian.
Aza 04 22
Karmele Jaio Aitaren etxea Malerrekako irakurle taldean
Karmele Jaioren Aitaren etxea liburua oinarri hartuta, solasaldi irekia eginen dute azaroaren 4an (ostirala) arratsaldeko 20:00etan Doneztebeko liburutegian.
Aza 04 22
Hasier Larretxea Hezurrezko kaiolak. Amaiurtik konstelazioak Iruñeko Laban
Hasier Larretxeak Hezurrezko kaiolak. Amaiurtik konstelazioak liburua aurkeztuko du azaroaren 4an (ostirala) 19:30ean Iruñeko Laba kulturgunean.
Aza 04 22
Andima Ibinagabeitiaren idazlanak
Duela 55 urte, 1967ko azaroaren 2an hil zen Caracasen Andima Ibinagabeitia. Euskal kultur eta literaturaren langile handia, Euzko Gogoa aldizkariarekin egindako lana azpimarratzekoa da. Beste hainbat alorretan lanean jardundakoa, idatzi ere idazten zuen, eta Pako Sudupek osatu zuen, Elkar etxeak plazaratua, Andimaren idazlan hautatuak obra. Ibinagabeitiak idatzitako artikuluen antologia bikain batetaz gain, hark idatzitako artikulu guztien erreferentzia dakar. 2000. urtean, berriz, Erbestetik barne-minez kaleratu zuen Susa argitaletxeak, Ibinagabeitiaren gutunak jasotzen dituen liburua. Biak dituzue irakurgai.
Aza 03 22
Leopoldo Zugaza gogoan
Editore eta kultur eragile inportantea izan da Leopoldo Zugaza durangarra. Atzo zendu zen. Euskal letren munduan aspaldi murgildua, 1975etik aurrera euskarazko liburuak eta euskal gaien ingurukoak kaleratzen hasi zen, Leopoldo Zugaza argitaldaria izenpean.
1975etik 1979ra bitartean ia 40 liburu argitaratu zituen, horietatik lehenetakoa Mikel Zarateren Ipui antzeko alegi mingotsak. 1977an Irrisko sorta poema liburuen bilduma abiarazi zuen Manu Erzillaren Hitzik ainitz idatzi dut poemarioarekin, eta gero beste zazpi etorri ziren, 1979ra arte.
Gerediaga elkartearen eta Durangoko liburu azokaren sortzaile eta bultzatzaile, oraindik Durangon zabalik dagoen Hitz liburudenda ere sortu zuen Zugazak. Zarautzen Olerti etxea sortu zuen.
Urr 29 22
Leire Bilbaoren Etxeko urak Ondarroan
Leire Bilbaok Etxeko urak liburuko poemen errezitaldia egingo du urriaren 29an (zapatua) 18:00etan Ondarroako Kofradia zaharrean. Literatur Amuak.
Urr 29 22
Margarita Nafarroakoaren Heptamerona Bigarren eguna irakurraldia Amaiurren
Margarita Nafarroakoaren Heptamerona Bigarren eguna itzuli eta sarean jarri du Booktegik, eta urriaren 29an (larunbata) goizeko 10:00etan hasita egun osoan irakurrialdia egingo dute Amaiurko Gaztelu elkartean.
Urr 29 22
Eider Rodriguez Eraikuntzarako materiala Ondarroan
Eider Rodriguez idazlearekin Eraikuntzarako materiala nobelari buruz berba egingo dute urriaren 29an (zapatua) 10:00etan Ondarroako Kofradia zaharrean. Gidaria: Jose Mari Urteaga. Literatur Amuak.
Urr 28 22
Alex Gurrutxaga Txori Kantazale: Xabier Leteren ildoan Arrasaten
Alex Gurrutxagak Txori Kantazale: Xabier Leteren ildoan izeneko emanaldia eskainiko du urriaren 28an (ostirala) 19:00etan Arrasateko Kulturaten.
Urr 28 22
Erromantizismoaren haizeak
Erromantizismoaren ordezkari biren efemerideak ekarri dizkigu urriko azken asteko hego-haizeak. 250 urte bete dira urriaren 21ean Samuel Taylor Coleridge jaio zela; eta 150 urte hil zela Teophile Gautier, hilaren 23an. Bide desberdinak hautatu zituzten, nolanahi, hala bizitzan nola literaturan. Pentsamenduaren alorra landutakoa, poesian eman zituen bere onenak Coleridgek, Kubla Khan eta Joseba Sarrionandiak euskarara ekarritako Marinel zaharraren balada ospetsua (Pamiela, 1995). Bidaiaria, kazetaria, eleberriek, narrazioek eta kronikek osatzen dute Gautierren obra. Onofre, gizon amorrazia narrazioa euskaratu zuen Gerardo Markuletak (Infomart, 1999). Biak eskaintzen dizkizuegu osorik.
Urr 28 22
Assata Shakur Autobiografia bat
Assata Shakuren Autobiografia bat aurkeztuko du Katakrak argitaletxeak Danele Sarriugarte itzultzailea eta Joseba Sarrionandia hitzaurrearen egilearekin urriaren 28an (ostirala) 12:00etan Donostiako liburutegi nagusian. Argitaletxea: Katakrak.
Urr 27 22
Arantxa Urretabizkaia Azken etxea Gasteizko irakurle klubean
Arantxa Urretabizkaiaren Azken etxea komentatuz hasiko dute ikasturte ikasturtea urriaren 27an (osteguna) 19:30ean Gasteizko irakurle klubean.
Urr 27 22
Juliana Leveille-Trudel Nirliit Arrasaten
Juliana Leveille-Trudel idazlearen Nirliit liburuari buruz arituko dira urriaren 27an (osteguna) 19:00ean Arrasateko irakurle taldean.
Urr 27 22
Sally Rooney Jende normala Zarautzen
Sally Rooneyren Jende normala nobelaz ariko dira urriaren 27an (osteguna) 18:30ean Zarauzko liburutegian.