Api 09 11
Bitsa eskuetan Bergaran
Bitsa eskuetan poema liburuaz jardungo du Miren Agur Meabek apirilaren 9an (larunbata) 10:00etan Bergarako Eskolan.
Api 08 11
Orgasmus Iruñean
Orgasmus liburuaz mintzatuko dira apirilaren 8an (ostirala) 20:00etan Iruñeko Zaldiko Maldiko elkartean.
Api 07 11
Ilunabar literarioa Donostian
Bergarako Idazle Eskolak antolatutako Ilunabar literarioa irakurraldia izango da apirilaren 7an (osteguna) 19:30ean Donostian Udal Liburutegiko sotoan.
Api 07 11
Haragia Tolosan
Eider Rodriguezen Haragia ipuin liburuaz ariko dira apirilaren 7an (osteguna) 19:30ean Tolosako kultur etxean.
Api 06 11
Pausoa noiz luzatu Bartzelonan
Andoni Egañaren Pausoa noiz luzatu nobelari buruz solas egingo dute apirilaren 6an (asteazkena) 19:30ean Bartzelonako Euskal Etxean. Gidatzailea: Aritz Galarraga.
Api 06 11
Ospitalekoak Durangon
Mikel Antzaren Ospitalekoak nobelaz jardungo dute apirilaren 6an (asteazkena) 19:30ean Durangoko liburutegian.
Api 06 11
3 Mariak Gasteizen
3 Mariak nobelaz mintzatuko da Arantxa Urretabizkaia apirilaren 6an (asteazkena) 10:30ean Gasteizen, EHUko Letren Fakultatean.
Api 05 11
Hura ez da lekua Gasteizen
Oier Guillan eta Asier Sarasolak Hura ez da lekua errezitaldia egingo dute apirilaren 5ean (asteartea) 20:00etan Gasteizko Ignacio Aldecoa kultur etxean. Musika: Ander Fernandez. Pintura: Idoia Beratarbide. Aktorea: Iñigo Ortega.
Api 05 11
Diruz estu dabilenaren kontuak
Quebecen jaio zen Saul Bellow 1915ean, Errusiatik joandako gurasoen semea; bederatzi urte zituela aldatu ziren Chicagora. 1944an plazaratu zuen lehen nobela, oso ezaguna egin zen 1953an Augie March-en abenturak eleberriarekin eta Herzog (1964) izenekoa jotzen da bere lanik osoentzat. Vladimir Nabokovi erdipurdikoa iruditzen zitzaion Bellowen literatura, Martin Amisek esan izan du inoizko idazle amerikarrik onena zela. Juan Mari Mendizabalek euskarari ekarri zion Heldu orainari nobela laburra, 1956koa, aita-seme juduen arteko istorio komiko bezain maluros bat kontatzen duena, New Yorkeko Gloriana Hotelean. Saul Bellowek Nobel Saria hartu zuen 1976an eta duela sei urte hil zen apirilaren 5ean.
Api 03 11
Hatsaren Poesia Senperen
Hatsaren Poesia bilduma aurkeztuko du Hatsa elkarteak apirilaren 3an (igandea) 12:00etan Senpereko Larraldea etxean. Arratsaldean errezitaldiak izango dira.
Api 01 11
Joan Donostian
Patxi Zubizarretak eta Joserra Senperenak Joan liburuan oinarritutako errezitaldia egingo dute apirilaren 1ean (ostirala) 19:30ean Donostiako Victoria Eugenia antzokiko Club aretoan.
Mar 31 11
Idazle errusiarrak Zarautzen
Patxi Santamaria aktoreak Errusiako hainbat idazleren lanen irakurraldia egingo du martxoaren 31n (osteguna) 21:30ean Zarauzko Euskalduna tabernan. Musika: Nekane Igarza.
Mar 31 11
Gaur ere ez du hiltzeko eguraldirik egingo Gasteizen
Iñaki Segurolaren Gaur ere ez du hiltzeko eguraldirik egingo liburuaz jardungo dute martxoaren 31n (osteguna) 20:00etan Gasteizko Hikaateneoan. Gidatzailea: Iban Zaldua.
Mar 31 11
Koronelaren borroka-oilarra
Parisen kazetari lanak egiten zituen Gabriel Garcia Marquezek El Espectador egunkariarentzat, Rojas Pinillaren diktadura militarrak periodikoa itxi zuenean. Dirurik gabe geratutako idazle gazteak nobela bat idazteari ekin zion. 1957ko urte hasieran Parisen amaitutako eleberria da Koronelari ez dio inork idazten (1961ean argitaratua). Gertakariak 1956an kokatu zituen, urritik abendura bitartean, Kolonbiako iparraldeko herrixka batean. Koronel zahar bat gutun baten zain dago, inoiz iritsiko ez den gerrako pentsioa itxaroten, berrogeita hamar urte pasa esperoan; ostiralero joaten da postara, baina ez dio inork idazten. Seme bakarra urtarrilean hil zuen Poliziak, orri klandestinoak banatzeagatik; hala ere borroka-oilar bat laga zion, eta hauxe bilakatuko da etxeko diru iturri… eta zerbait gehiago. Arturo Ripsteinek filma egin zuen 1999an.
Mar 30 11
Joan Iruñean
Patxi Zubizarretak Joan eleberria aurkeztuko du martxoaren 30ean (asteazkena) 19:00etan Iruñeko Civicanen.