Mar 05 14
Euli-giro Deustun
Uxue Alberdi Euli-giro liburuari buruz berbetan arituko da martxoaren 5ean (asteazkena) 20:00etan Deustuko Bidarten.
Mar 05 14
Ni, Vera Durangon
Itxaso Martinekin Ni, Vera nobelaz berbetan ariko dira martxoaren 5ean (asteazkena) 19:30ean Durangoko Liburutegian.
Mar 05 14
Kristalezko begi bat Berangon
Miren Agur Meaberen Kristalezko begi bat nobelari buruz ariko dira martxoaren 5ean (asteazkena) 19:00etan Berangoko kultur etxean.
Mar 04 14
Zinegotzia Eibarren
Fermin Etxegoienen Zinegotzia nobelaz jardungo dute martxoaren 4an (asteartea) 19:00etan Eibarko liburutegian.
Mar 03 14
Ausias Marchen zazpi poema
Duela 555 urte, 1459ko martxoaren 3an hil zen Ausias March, Erdi Aroko poeta katalan handia, Valentzierazko Urrezko Mendea deitutakoaren ordezkari gorena. Bere kantu ezagunenetan trobadoreen ildotik aldendu zena, bere poesiak eragin handia izan zuen Erdi Aroko beste hainbat egilerengan. Ibon Sarasolak ekarri zituen euskarara haren zazpi poema, 2002an Hegats aldizkarian plazaratuak, orain hemen aurkezten dizkizuegunak.
Mar 03 14
William Burroughsen
Apaiza, halaxe deitzen zioten
2014ko otsailaren 5ean beteko zituzkeen 100 urte William S. Burroughsek, AEBetako idazle handiak. Malditismoaren ikurretako bat, beat belaunaldiaren ordezkari, efemeridearen karietara haren ipuin bat ekarri du euskarara Danele Sarriugartek, Apaiza, halaxe deitzen zioten. Kolaborazio berezian Kurt Cobainek izen bereko kantua egiteko baliatu zuen ipuin hau, 1973ko Exterminator bilduman argitaratua, Elearazi webgunean irakur daiteke euskaraz.
Ots 28 14
Bizkartzainaren lehentasunak Iruñean
Iñaki Irasizabalen Bizkartzainaren lehentasunak nobelaz solas egingo dute otsailaren 28an (ostirala) 19:00etan Iruñean, Txantreako Biltokin.
Ots 27 14
Jaiotze markak Gasteizen
Nancy Huston Jaiotze markak nobelaz ariko dira otsailaren 27an (osteguna) 20:00etan Gasteizko Floridako kultur etxean.
Ots 27 14
Nora ez dakizun hori Getarian
Irati Jimenezekin Nora ez dakizun hori nobelaz ariko dira otsailaren 27an (osteguna) 18:30ean Getariako Saiaz hotelean.
Ots 26 14
Txalorik ez, arren, Harkaitz Cano
Harkaitz Canok Txalorik ez, arren liburua aurkeztuko du otsailaren 26an (asteazkena) 19:00etan Donostiako Le Bukowskin. Argitaletxea: Edo!
Ots 26 14
Barkamena, kondena, tortura Arrasaten
Joxe Azurmendiren Barkamena, kondena, tortura saiakera aztertuko dute otsailaren 26an (asteazkena) 18:30ean Arrasateko Kulturaten.
Ots 26 14
Bertan goxo Zarautzen
Karlos Linazasororen Bertan goxo nobelaz jardungo dute otsailaren 26an (asteazkena) 18:30ean Zarauzko liburutegian.
Ots 26 14
Mihia aske, Elias Canetti
Elias Canettiren Mihia aske liburua aurkeztuko du Ibon Uribarrik otsailaren 26an (asteazkena) 12:00etan Donostiako Udal Liburutegiko sotoan. Argitaletxeak: Erein eta Igela.
Ots 26 14
Frankenstein, Mary Shelley
Mary Shelleyren Frankenstein nobela aurkeztuko du Iñigo Errastik otsailaren 26an (asteazkena) 12:00etan Donostiako Udal Liburutegiko sotoan. Argitaletxeak: Erein eta Igela.
Ots 26 14
Oier Guillanen gabeziak
eta bakarrizketak
Lehiaketen zurrunbiloan gutxietsitako Oier Guillanen bi liburu dakarzkizugu gaurkoan. Gabeziak elementu gutxi batzuekin sortutako mundu poetikoa da, kontrastez antolatua: mugarik gabeko izarak eta gela bat, gela bat baino ez hiriaren erdian: besterik behar ote dute maitaleek, ordea, orainak eta orbainak trukatzeko? Baina amodioaren zurrunbiloak baditu bere pausaldiak, zalantza zirraragarri bihurtu beharrekoak. Poema labur eta gardenak, adimenaren eta sentimenaren uztarketa begia, iluna eta azala bitarte. Bakarrizketa poetikoak lana jokalari bakarrerako lau bakarrizketak osatua da, lauak gaiaren garapenaren zerbitzuan: jokalekurako poesia, genero zaila eta Oier Guillan bera lantzaile bakarra dukeena gure literaturan. Mundua, benaz, hilapaindegia da, itxaropenak esperantza gutxi. Heriotza, argi dago, ezoroitzea da: zer da lekukotasunik gabeko bizitza hau? Heriotza ekiditea, ez dago besterik, horixe da guri eskaini zaigun mandatua. Itzaliko da jokalekua argitzen duen argi xumea. Larruazala ezpain bihurtuko zaio ikusleari, oroitzen ez zuen ahots huraxe etorriko zaio akordura.