abenduak
Eka 18 24
Mikel Ayllon eta Piszifaktoriaren eskutik Hau ez da gerra bat antzezlana eta Pablo Barrioren 2074 aurkeztuko dituzte Ganbila teatro testuen bilduman ekainaren 18an (asteartea) 11:30ean Donostiako Plaza Berriko liburutegian.
Eka 18 24
Euskal idazle gutxi dira beren ibilbidea ia osorik teatroa idazteari eskaini diotenak, eta horietakoa dugu Pablo Barrio. Ganbila bildumaren baitan argitaratu berri, itxuraz galduta eta alderrai dabiltzan pertsonaiak batzen dira 2074 antzezlanean. Agertokiaren erdian itxuraz noraezean eta umezurtz, etengabe galderak pausatzen dizkigute pertsonaiok. Umorez, antzerkiarekiko pasioz eta kritika sozialez lepo dagoen testua uzten dugu orain irakurle zein antzerkigileen esku, bertako pertsonaien bizi-dardara kutsatzeko prest.
Eka 17 24
Patxo Telleria antzerkigile eta idazleak Ai, gure juaneteak lana aurkeztuko du ekainaren 17an (astelehena) 19:00etan Bilboko Bira kulturgunean.
Eka 17 24
Mohammed el-Kurd idazle palestinarraren Rifqa poema liburua aurkeztuko dute ekainaren 17an (astelehena) 18:30ean Donostiako Kaxilda liburudendan.
Eka 17 24
Zadie Smith idazlearen Kanbodiako enbaxada ekarri du euskarara Garazi Ugaldek eta ekainaren 17an (astelehena) 10:30ean aurkeztuko dute Donostiako udal liburutegian. Argitaletxea: Igela.
Eka 17 24
Mikel Ayllon eta Piszifaktoria Ideien Laborategiaren eskutik, gerra gai bezala hartzen duen ezohiko triptiko bat dakarkigu Ganbila bildumak oraingoan. Antzezlan itxurako hiru bala dira triptiko horren osagaiak: Bunker, Hau ez da gerra bat eta Hau gerra bat da. Hiru bala hauek leku berean dute abiapuntua, eta hirurak dira lan gordin, zuzen eta gupidarik gabeak. Haien arteko loturak eta oihartzunak topatuko ditu irakurleak, ikerketa bide beraren zati diren heinean. Gerraz ari dira, baina funtsean, jendarte, bikote, bidaide egiten eta desegiten gaituzten harremanez ere bai. Adierazgarria da hitzaurrea bera, aurkezpen izaera gainditu eta gogoeta bide kritiko bat oparitzen diguna.
Eka 16 24
Miren Agur Meabe idazleak June Crespo artistaren lanei eskainitako poemak irakurriko ditu jendaurrean; eta June Crespok, berak idatzitako egunerokoa irakurriko du ekainaren 16an (domeka) 12:00etan Lekeitioko Marierrotan.
Eka 14 24
Bea Salaberrik Mesfida zaitez nobela berriari buruz arituko da eleketan ekainaren 14an (ostiral) 19:30ean Larzabaleko Ezpeletenia ostatua. Baipeleteneko irakurle kluba.
Eka 14 24
Jose Mari Sagardui Gatzak Zaldi berdea liburua aurkeztuko du ekainaren 14an (ostirala) 18:30ean Algortako Azebarri kulturgunean.
Eka 13 24
Yolanda Arrietak Etxe bat norberarena nobela aurkeztuko du ekainaren 13an (osteguna) 19:30ean Iruñean, Txalaparta liburudendan.
Eka 13 24
Jon Arretxeren Musker amarruak libururi buruz arituko dira ekainaren 13an (osteguna) 19:30ean Iruñeko Zaldiko Maldiko elkartean.
Eka 13 24
Angel Erroren Poema liburu bat -irakurtzeko jarraibideak- lanari buruz berbetan arituko dira ekainaren 13an (osteguna) 19:00etan Erandioko Altzaga liburutegian.
Eka 13 24
Mohammed el-Kurd idazle palestinarraren Rifqa poema liburua aurkeztuko dute ekainaren 13an (osteguna) 11:00etan Donostiako Plaza berriko liburutegian. Argitaletxea: Katakrak.
Eka 12 24
XX. mendeko errusiar poetetarik handietako bat dugu Sergei Jesenin, bere 30 urteko bizitza laburrean sona eta itzal handia erdietsi zuena. Sentiberatasun handiko poeta, ildo erromantikotik modernagoetara jauzi egin zuena, lehendik euskaratuta dauzkagun aleetara beste zazpi poema gehitu behar dizkiogu, Xabier Bovedak itzuli eta Idatz & Mintz aldizkariaren kaleratuak.
Eka 12 24
Itxaro Borda eta Gotzon Barandiaranek zenbait solasaldi egingo dituzte heldu den astean beraien poema liburu berriak –Itzalen tektonika eta Galbahea hurrenez hurren- aurkeztu asmoz Euskal Herriko liburudenda ezberdinetan. Bilboko Biran -ekainaren 18an, asteartearekin-, Gasteizko Eva Forest Liburutopian -ekainaren 19an, asteazkena- eta Zarauzko Garoan -ekainaren 20an, osteguna-.
Gotzon Barandiaranek Literaturian grabatutako abestia eta Itxaro Bordak poema liburuaren aurkezpenean Donostian irakurritako ale bat eskaintzen dizkizuegu entzuteko.