Urr
08
14
Hitzaurrea egin zion Gotzon Garatek berak Izurri berria (Bilbo Aurrezki Kutxa, 1982) nobelari. Nobela beltza baita, genero honek gurean izan dituen aitzindariak gogora ekarri (Loidi, Izeta, Peillen, Gereño) eta historia labur baterako ildo nagusiak ezarri nahi izan zituen aipatu autoreen lanez ohartxo batzuk eginda. Nobela beltzaren gorazarrea oroz gain, eredu estatubatuarra proposatuz. Egileak maila bat igo zuen arteko nobelagintza mota hau euskaraz, heroiaren karakterizazioaz —detektibe zurrutero eta gonazalea— eta dialogoen biziaz. Horrelako lanek eskatzen duten jakin beharra eta segidaren irrika egoki taxututa, Izurri berriak ongi antolaturiko egitura ere ekarri zuen. Baina gogorrarena egiten dakien arren, Haitz Zumeta detektibea, bere lagunak bezala, xaloa da funtsean, eta xalotasun honek katramilaren irtenbideak kutsatzen ditu. Ahultasun horrek, tamalez, zuritu egiten du belztasuna.
Urr
07
14
Birgit Vanderbekeren Muskuiluak afaltzeko liburuaz jardungo dute urriaren 7an (asteartea) 18:00etan Zumaiako Alondegian.
Urr
06
14
Joseba Sarrionandiaren Kolosala izango da nobelari buruz berba egingo dute urriaren 6an (astelehena) 18:00etan Gernikako liburutegian.
Urr
05
14
Imanol Epeldek “Etxepare rap” egingo du urriaren 5ean (igandea) 14:15ean Orioko Abaromendi gunean.
Urr
04
14
Uxue Alberdirekin Euli-giro ipuin liburuaz berba egingo dute urriaren 4an (larunbata) 16:00etan Getariako Elkano auzoan.
Urr
03
14
Imanol Epeldek “Etxepare rap” eskainiko du urriaren 3an (ostirala) 22:00etan Azkoitian, udaletxe azpian.
Urr
03
14
Martin Ugalde idazlearen omenezko ekitaldian hizlari izango dira Koldo Izagirre, Anjel Lertxundi, Joanmari Torrealdai eta Kirmen Uribe urriaren 3an (ostirala) 19:30ean Donostiako Koldo Mitxelena kulturunean.
Urr
03
14
Garbiñe Ubedaren Hobe isilik nobelaz mintzatuko dira urriaren 3an (ostirala) 18:30ean Hendaiako mediatekan.
Urr
03
14
Fito Rodriguezek Gontz berria saiakera aurkeztuko du urriaren 3an (ostirala) 11:00etan Donostiako Udal Liburutegiko sotoan. Argitaletxea: Utriusque Vasconiae.
Urr
03
14
Urriaren 25ean (larunbat goizez) Zarautzen abiatuko da 11. Literatura Eskola, Martin Ugalderen literaturari buruz Larraitz Ariznabarretak eskainiko duen hitzaldiarekin: “Deserriaren kartografia”. Hurrengo hilabeteetan aztergai izango dituzte: euskal literatur kritika (azaroan Larrabetzun), Virginia Woolf (abenduan Iruñean), Ulyssesen itzulpenak (urtarrilean Bilbon), Piarres Larzabalen antzerkia (otsailean Donostian), Xabier Amurizaren lanak (martxoan Durangon), komikiaren literatura (apirilean Hendaian) eta poesia feminismotik irakurria (maiatzean Gasteizen). Hizlari izango dira: Ibon Egaña, Ana Morales, Itziar Diez de Ultzurrun, Xabier Olarra, Ixabel Etxeberria, Andoni Egaña, Asisko Urmeneta eta Kattalin Miner. Izena emateko: eskola@literaturaeskola.org
Urr
02
14
Alice Munroen Zorion handiegia ipuin liburuaz ariko dira urriaren 2an (osteguna) 19:00etan Basauriko Pozokoetxe kultur etxean.
Urr
02
14
Patxi Zubizarretak 50 nobela aurkeztuko du urriaren 2an (osteguna) 11:30ean Donostiako Garoa liburu-dendan. Argitaletxea: Txalaparta.
Urr
02
14
Xabier Montoia, Xabier Mendiguren eta Aritz Galarraga gaurko euskal narratibagintzaz mintzatuko dira urriaren 2an (osteguna) Bartzelonako Unibertsitatean 10:00etan eta Unibertsitate Autonomoan 13:00etan, Pomes perdudes. Antologia de narrativa basca moderna liburuaren argitalpena dela-eta.
Urr
02
14
Elizaren defentsa sutsua egiten du Eskualduna-k eta bide horretan Frantzian frantses izeneko Alemaniako alemanak baino alemanagoak diren anitz badirela salatu. Euskal apaizen eginak azpimarratzen ditu kazetak, kronikaren erdia baino gehiago gai horri eskaintzen baitio. Bestalde, Ingalaterraren itsas blokeoaren eraginez Alemaniak pairatzen duen jaki eskasia aztertzen du, moltsa laburrari bizitzea mehe. Hil eta kolpatuen berri ematean hona Eskualduna-ren adierazpena: egiazko kuraia ez da soraiokeria; egiazko kuraia zangopean ezarriz aitzina kurritzea da. Era berean, Baionako Gurutze Gorriak egin eskaera eta Txilen ziren zortzi euskaldun etxetik pasa gabe su zelaietara zuzen joan direla notizia biltzen ditu Baionako kazetak. Gerrari buruzko informazio gutxi aste honetako Euzkadi-n. Kirikiño alemanen atzera-egiteaz mintzo da, triskantza doixtarrentzat, bigarrena omen.
Urr
01
14
Anjel Lertxundirekin literatur solasaldia izango dute urriaren 1ean (asteazkena) 19:30ean Zarauzko Garoa liburu-dendan.
