abenduak
Urr 22 25
Mikel Alberdi Irizarren Isildu aurretik liburuaren irakurketa musikatua egingo dute Jose Luis Otamendi, Aitor Huergo eta Mikel Alberdi egileak urriaren 22an (asteazkena) 18:30ean Azpeitiko Dinamoan.
Urr 21 25
Adania Shibliren Detaile xume bat liburuaz ariko dira urriaren 21ean (asteartea) 19:00etanBilboko Bira kulturguneko irakurle taldean.
Urr 16 25
Vera Zasulitx eta Karl Marxen Errusiako gutunak liburua aurkeztuko dute Jone Gerra itzultzailearekin urriaren 16an (osteguna) 10:30ean Donostiako Liburutegi nagusian. Argitaletxea: Katakrak.
Urr 16 25
Free-jazzak batzen ditu Ibon Rodriguez Garciak euskarari ekarri dizkion Daniel Salgadoren lau poemak. Musikari eta musikariei eskainitako lau pieza, Rodriguezek berak duela urte batzuk itzulitako Albert Aylerrentzako loreak liburuko bi poemei gehitzen zaizkie hauek, poeta galegoaren lanaren erakusgarri.
Urr 14 25
Ursula K.Le Guinen Oihan hitzean mundua berbagai izango dute urriaren 14an (asteartea) 19:00etan Abadiñoko Errota Kultur etxean.
Urr 12 25
Txiki eta Otaegi gogoan hartu eta omentzeko 1975-2025 Uraren lokarriak izeneko emanaldi artistiko berezia (hitza, irudia, testigantzak, musika, dantza, antzerkia, kantua..) prestatu dute urriaren 12an (igandea) 12:00etan Azpeitiko Soreasu antzokian.
Urr 10 25
Eider Rodriguez idazleak Dena zulo bera zen aurkeztuko du urriaren 10ean (ostirala) 11:30ean Donostiako Plaza Berriko liburutegiko sotoan. Argitaletxea: Susa literatura.
Urr 10 25
Zerua argi egon arren, arnasa hartzea hain erraza ez den paisaia bat hedatzen da Dena zulo bera zen ipuin liburuan. Edertasunaren eta heriotzaren igurtzi amaigabean, bakea ez, egia aitzurtu nahia da protagonista. Laguntasuna eta sentsualtasuna ageri dira, olatu artifizialak eta uharteak, doluen aurreko doluak, zorion moderatua, esku batzuek egin dezaketena baina sekula egingo ez dutena. Hendaian, Bordelen, Donostian, Irunen, Koh Phangan-en, Hondarribian, Errenterian; elkar besarkatuta kabitzeko moduko zulo txiki batekin aski zatekeen. Gauza guztien azken aldi bat —eta ondorioz lehena— aurkituko du irakurleak Eider Rodriguezen bosgarren ipuin liburuan. Osorik irakur dezakezue sarean.
Urr 09 25
Eider Rodriguezen Haragia ipuin liburuaz solasean arituko dira urriaren 9an (osteguna) 19:00etan Berriozarko irakurle klubean.
Urr 09 25
Jone Bordatoren Erroen izerdia aurkeztuko dute urriaren 9an (osteguna) 10:30ean Donostiako Elkar liburudendan.
Urr 08 25
Unai Elorriagaren Iturria liburuari buruz berba egingo dute urriaren 8an (asteazkena) 18:30ean Durangoko liburutegiko irakurle taldean. Dinamizatzailea: Leire Bilbao.
Urr 07 25
Literatura eta artea baliagarritzat jotzen zituen Amiri Barakak, ekintza politiko gisa erabiltzekotan; Amerika zuriaren suntsitzeko, adibidez. Antzerkigile, poeta eta aktibista, 1934ko urriaren 7an jaio zen 60etako intelektual beltz nagusietarik bat izango zena. Haren heriotzaren urtean, 2014an, Itu Bandakoek sei poema itzuli zituzten, eta urte berean Elearazin Galder Ruizek Zergatik gara gu Amerikarrak? bideo-poema euskaratu zuen.
Testua emateaz gain, Amiri Baraka bera ikusi eta entzun daiteke poema errezitatzen, euskarazko azpitituluekin; eta egundoko indarrarekin. 2015ean, Literaturiaren baitan, eta EIZIEren ekimenez, ariketa bera egin zuen Nagore Tolosak, Baten batek Amerika leherrarazi du poemaren errezitaldia euskaraz azpidatziz, segidan eskaintzen dizueguna.
Urr 07 25
Josu Jimenez Maiak Errautsetan idatzitako haikuak aurkeztuko ditu urriaren 7an (asteartea) 19:30ean Iruñeko Karrikiri liburudendan.
Urr 07 25
Pello Salaburuk Panfleto bat atzenduraren kontra aurkeztuko du urriaren 7an (asteartea) 11:30ean Donostiako udal liburutegian. Argitaletxea: Erein.
Urr 07 25
Asier Ibaibarriaga eta Edurne San Martin egileek Txillarreko sukaldaria Pello Rubiori elkarrizketa liburua aurkeztuko dute urriaren 7an (asteartea) 10:30ean Donostiako Elkar liburudendan.
