Urr 26 17
Sarrionandiaren obrari buruz Iurretan
“Joseba Sarrionandiaren ondarea” hitzaldia egingo du Aitzpea Azkorbebeitiak urriaren 26an (osteguna) 18;30ean Iurretako Ibarretxe kultur etxean. Ondoren Isaac Xubinen errezitaldia.
Urr 26 17
Gaueko zaintzailea Arrasaten
Julen Belamunoren Gaueko zaintzailea nobelaz solas egingo dute urriaren 26an (osteguna) 18:15ean Arrasateko Kulturaten.
Urr 26 17
Jose Rizalen Azken adioa
1896ko abenduaren 30ean, Manilako Bagumbayan parajean, fusilatu zuten Jose Rizal. Delitua: sedizioa. Espainiako erresumaren aurka altxatzeagagtik atxilotu, epaitu eta hiltzera kondenatu zuten. Bi urte geroago lortuko zuten Filipinen independentziaren aldeko aktibista, Noli me tangere eleberriak egin zuen ezagun letren eta politika kolonial katoliko-nazionalaren kontrako borrokaren munduan. Fusilatu bezperan, Jose Rizalek Nire Azken Adioa poema idatzi zuen, egun sediziotsu hauetan euskarari ekarri dioguna.
Urr 26 17
Jainkoen zigorra, Alberto Ladron Arana
Alberto Ladron Aranak Jainkoen zigorra nobela aurkeztuko du urriaren 26an (osteguna) 11:00etan Donostiako Elkar aretoan.
Urr 25 17
Ravel Tolosan
Jean Echenozen Ravel aztertuko dute urriaren 25ean (asteazkena) 19:00etan Tolosako kultur etxean.
Urr 25 17
Ametsondoa, Peru Magdalena
Peru Magdalenak Ametsondoa kontakizun liburua aurkeztuko du urriaren 25ean (asteazkena) 10:30ean Donostiako Elkar aretoan.
Urr 24 17
Pott Bandari buruz solasaldia Bilbon
Pott Bandari buruz mintzatuko dira Bernardo Atxaga, Jimu Iturralde eta Ruper Ordorika urriaren 24an (asteartea) 19:30ean Bilboko Bidebarrieta liburutegian.
Urr 24 17
Hilda dago poesia? Iurretan
Joseba Sarrionandiaren Hilda dago poesia? liburuaz jardungo dute urriaren 24an (asteartea) 18:30ean Iurretako liburutegian.
Urr 24 17
Seamus Heaneyren
poema antologia
Landa-eremua eta lurra dira eremu nagusi Seamus Heaneyren poesiagintzan, eta hala ere poesia moderno eta garaikidea egiten du. Poeta ezaguna eta goretsia Irlandan eta ingelesdunen artean, Nobel saria jaso izanak beste lur eta hizkuntzetara zabaldu zuen. Orain euskarara, Xabi Bordak egindako itzulpenari esker. Susa argitaletxearen Munduko Poesia Kaierak bilduman argitaratu da Seamus Heaneyren poema antologia, bildumaren udazkeneko emanaldiaren hirugarrena osatuz.
Urr 24 17
Munduko Poesia Kaiera berrien aurkezpena
Munduko Poesia Kaiera berriak aurkeztuko dituzte urriaren 24an (asteartea) 11:00etan Donostiako Udal Liburutegi Zaharreko sotoan. Chuya Nakahara, Rosalia de Castro eta Seamus Heaney. Argitaletxea: Susa.
Urr 23 17
Rosalia de Castroren
poesia kaiera
“Gaur egun ere poesia galegoz idazten jarraitzen bada, neurri batean bederen Rosalia de Castrori esker da”. Halaxe dakar Munduko Poesia Kaierak bilduman Rosalia de Castro poetaren hitzaurreak, eta zuzen esana da Galiziako literaturan ezinbesteko erreferentzia denari buruz. Susa argitaletxeak kaleratzen duen bilduman galegotik eginikako lehen itzulpena, Koldo Izagirrek egina, emakumearen bizimodua, lurra, herriaren miseriak, amodiozko penak eta beste kantatu zituen poetaren lana daukazue euskaraz irakurgai.
Urr 23 17
Nola heldu naiz ni honaino Igorren
Kattalin Minerren Nola heldu naiz ni honaino nobelaz berba egingo dute urriaren 23an (astelehena) 17:00etan Igorreko kultur etxean.
Urr 22 17
Chuya Nakahararen
poema antologia
Japoniako XX. mendeko poeta handietako bat ekarri digu euskarara Hiromi Yoshidak: Chuya Nakahara. Susa argitaletxearen Munduko Poesia Kaierak bilduman argitaratu da, eta klasikoa eta modernoaren artean zubiak egiten asmatu zuen poeta dakarkigu. Sinbolista frantsesak japonierara itzuli zituen, eta bere poesiagintzan txertatu Japoniako tradizio poetikoarekin konbinatuz. Gaur 80 urte hil zen Nakahara —30 urte zeuzkala— euskaraz irakur daiteke, hemen.
Urr 20 17
Gerrak ez du emakume aurpegirik Ean
Svetlana Aleksievitxen Gerrak ez du emakume aurpegirik aztertuko dute urriaren 20an (ostirala) 19:30ean Eako Eskolondon.
Urr 20 17
Itxaro Bordaren hitzaldia Donostian
Itxaro Bordak “Aniztasun sexoafektiboa euskal literaturan” hitzaldia eskainiko du urriaren 20an (ostirala) 19:00etan Donostiako Liburutegiko sotoan.