Urr
11
18
Naziengandik ihes egin zuen familia judutar baten abaroan Argentinan jaioa, Alejandra Pizarniken poesian aski presente da arroztasun sentipena, inon errotzeko zailtasuna, nonahi atzerritar sentitzearena. Sentimendu hori, baina, geografikoa bainoago existentziala izatera iristen dela esan liteke, ni-aren eta munduaren artean arrakala gaindiezina egongo balitz bezala. Hala, Pizarniken poesia, nitasun indartsu baten aldarrikapena da. Honakoa aukera bikaina dugu Pizarniken lana autoreari buruzko ideia topikoez —depresioa, histeria, arazo psikiatrikoak, suizidioa— erauzirik irakurtzekoa. Asier Sarasolak ekarri ditu euskarara haren poemak.
Urr
10
18
Martin Etxeberriak Winston poema liburua aurkeztuko du urriaren 10ean (asteazkena) 11:00etan Donostiako Bilintx liburudendan. Argitaletxea: Elkar.
Urr
10
18
Josu Goikoetxeak Zer luzea negu hau poema liburua aurkeztuko du urriaren 10ean (asteazkena) 11:00etan Donostiako Bilintx liburudendan. Argitaletxea: Elkar.
Urr
10
18
Greziako poeta moderno handienen artean kokatu ohi du kritikak Yannis Ritsos. Alderdi Komunistako kide, bere obra esetsia izan zen eta kartzelaldiak bizi izan zituen. Ritsosen obran, gorabehera makur horien eragina agerikoa da, hala esplizituki auzi politikoak agertzen direlako, nola, zentsura ekidin nahian, errepresio garai batzuetan beste bide poetiko kriptikoagoak hartu zituelako. Obra oparoa ondu zuen Ritsosek, entseatu zituen neurri eta forma poetikoei dagokienez nahiz baliatu zituen poesia-genero ezberdinei dagokienez: lirika, bakarrizketa dramatikoak, poema epikoak… Joannes Jauregik ekarri ditu grekotik euskarara haren poemak.
Urr
09
18
Gotzon Barandiaranek Hitzen Ahairea. Zeri kantatzen diogu euskaldunok? solasaldia egingo du urriaren 9an (asteartea) 19:30ean Bilboko Bira kulturguneko Hamburgo Platz saioan. Musikaria: Rafa Rueda.
Urr
09
18
Oier Guillan Zauri bolodia liburuari buruz arituko da urriaren 9an (asteartea) 18:00etan Zumaiako irakurle taldean.
Urr
09
18
Gotzon Barandiaranek Hitzen ahairea saiakera aurkeztuko du urriaren 9an (asteartea) 11:00etan Bilboko Bira kulturgunean. Argitaletxea: Susa literatura.
Urr
09
18
Urriaren 9an 40 urte bete dira Jacques Brel kantautore belgikanoa hil zela. Denborak ez du higitzen ahal izan parerik ez duen kantari eta letragile horren ahots guztiz pertsonala. Aurrez bagenituen Andoni Lekuonak 1990eko harmakadan euskaratutako bi kantu: Amsterdam portuan eta Ez nazazu utzi (segur aski, Brelen kantu ezagunena). Oraingo honetan, beste sei kantu eskaintzen dizkizugu, Josu Landak euskaraz moldatuak. Ezagutzen genituenontzat, gozagarri berria; deskubritu berri dutenentzat, haren sorkuntzan sakontzeko bidea.
Urr
06
18
Gorka Arresek Zertarako makinak eta erremintak? hitzaldia emango du urriaren 6an (larunbata) 13:00etan Elgoibarko Euskara ala ezkara jardunaldien barruan.
Urr
06
18
Harkaitz Canok Azken aurreko manifestua hitzaldia emango du urriaren 6an (larunbata) 10:30ean Elgoibarko Euskara ala ezkara jardunaldien barruan.
Urr
06
18
Gotzon Barandiaranek Garena guztiona balitz hitzaldia emango du urriaren 6an (larunbata) 9:45ean Elgoibarko Euskara ala ezkara jardunaldien barruan.
Urr
05
18
Edu Zelaietak Mugaldeko anfibio baten kronikak hizketagai izango ditu urriaren 5ean (ostirala) 19:30ean Zarauzko Garoa liburudendan.
Urr
04
18
Anne Sexton idazlearen bizitza eta poemetan oinarrituta Ene maite kuttun guztiak lana eskainiko dute Harkaitz Cano, Ainara Gurrutxaga eta Amorantek urriaren 4an (osteguna) 20:00etan Hernaniko Biteri kultur etxean.
Urr
04
18
Ander IzagirreBidaia literatura: kazetari mantso baten arrazoiak eta aitzakiak mintzagai dituela arituko da urriaren 4an (osteguna) 19:30ean Gasteizko Ignacio Aldekoa kultur etxean. Gasteizko Irakurle kluba.
Urr
04
18
Angela Davisen Emakumeak, kultura eta politika saiakera aurkeztuko dute urriaren 4ean (osteguna) 11:00etan Donostiako udal liburutegiko sotoan. Argitaletxea: Katakrak.
