Ots 18 19
Bihotz handiegia Galdakaon
Eider Rodriguezen Bihotz handiegia ipuin liburuaz hitz egiteko elkartuko dira otsailaren 18an (astelehena) 18:30ean Galdakaoko Topa tabernan.
Ots 16 19
Bertso afari literarioa Lasarten
Oier Guillanek gidatuta, Ane Labaka, Maialen Lujanbio eta Uxue Alberdi bertso afari literarioan arituko dira otsailaren 16an (larunbata) 21:00etan Lasarteko Xirimiri elkartean.
Ots 15 19
Munduko tokirik ederrena Ean
Iñigo Aranbarrik Munduko tokirik ederrena liburuari buruz berba egingo du otsailaren 15ean (ostirala) 19:30ean Eako eskolondon.
Ots 15 19
Sei poema Idurre Eskisabel Larrañagaren ahotsean
Iaz kaleratu zuen Idurre Eskisabel Larrañagak Goseak janak poema liburua. Orain, liburu hartako sei poema entzun ditzakezu egileak berak grabatuak.
Harrezkero
Tatuajea
Desira
Alize
Atso
Edurnezuriren amarenak – 4
Ots 15 19
Lau ipuin gehiago
Lau ipuin gehitu dizkiogu ipuina.eus egitasmoari. Amaia Lasak idatzitako Rita da lehenengoa: “Emakume beltz bat naiz, Rita dut izena”, deklarazio indartsuaz hasten da 1988an plazaratu zen narrazioak, Harlemen —baina nonahi dago Harlem—, kokatutako istorioan. Eta horrekin batera beste hiru, XX. mende osoa zeharkatzen dutenak. Nemesio Etxanizen Azkoititik Elgoibarrera Katuin zuloa, 1927koa, kronika estiloan ipuina barruan dakarrena. Aintzina aldizkarian hiru X handiz sinatua datorren Presonieraren segeretua da bestea, Etienne Salaberrirena (1942koa). XX. mundu gerran atxilotze-zentro batean, Stalag IVan, dauden bi presoen gertatuak dakartza kontakizunean, alemanen etxe batera lanera doazela: gerrako kontu latz bat, egileak berak ixtorio deitutakoa. Ipuin betz bat azkenik, Xabier Gereñoren Estalki zuriaren misterioa, 1979an argitaratua.
Ots 14 19
Otto Pette Trumpen garaietan Euskaltzaindian
Juanjo Olasagarrek Otto Pette Trumpen garaietan gaiaren inguruan solastuko da otsailaren 14an (osteguna) 20:00etan Bilbon, Euskaltzaindiaren egoitzan. Otto Pette, 25 urte.
Ots 14 19
Aingurak eta arrangurak Iruñeko Karrikirin
Josu Jimenez Maiak Aingurak eta arrangurak liburua aurkeztuko du otsailaren 14an (osteguna) 19:30ean Iruñeko Karrikirin.
Ots 14 19
Otto Pette, tresna-kutxa Bilbon
Danele Sarriugartek Otto Pette, tresna-kutxa hitzaldia egingo du otsailaren 14an (osteguna) 19:00etan Bilboko Euskaltzaindian. Otto Pette, 25 urte.
Ots 13 19
Otto Pette: irudimen orojalea Bilbon
Juan Garzia Otto Pette: irudimen orojalea izenburuko hitzaldiarekin arituko da otsailaren 13an (asteazkena) 20:00etan Bilbon. Otto Pette, 25 urte.
Ots 13 19
Hiru emazte, gizon mundu batean Otto Pette, 25 urte Bilbon
Itxaro Bordak Hiru emazte, gizon mundu batean hitzaldia eskainiko du otsailaren 13an (asteazkena) 19:00etan Bilbon, Euskaltzaindaren egoitzan. Otto Pette, 25 urte jardunaldiak.
Ots 12 19
Hitzaldia euskal literatura zaharrari buruz Martuteneko kartzelan Bilbon
Bernardo Atxagak Hitzaldia euskal literatura zaharrari buruz Martuteneko kartzelan irakurraldia egingo du otsailaren 12an (asteartea) 19:00etan Bilbon, Euskaltzaindiako egoitzan.
Ots 12 19
Munduko tokirik ederrena Zumaian
Iñigo Aranbarri Munduko tokirik ederrena liburuari buruz arituko da otsailaren 12an (asteartea) 18:00etan Zumaiako irakurle taldearekin.
Ots 08 19
Neska bat leku inposiblean Maulen
Barnekaldeko Irakurleen Kluba Xabier Amurizaren Neska bat leku inposiblean liburuaren inguruan bilduko da otsailaren 8an (ostirala) 10:00etan Maule Lextarreko Hebentikenian.
Ots 07 19
Egan aldizkariaren aro berria
2018ko 3-4 alearekin aro berri bati ekin dio Egan aldizkariak, zuzendaritza eta erredakzio batzorde berriaz, ikerketa aldizkari gisa indartuta, baina orain arte bezala literaturaren azterketan eta sorkuntzan oinarrituz euren jarduna. Zenbaki honetan azterketa lanak badakartza (Ainhoa Urzelai, Patxi Salaberri, Iñaki Aldekoa…), eta baita sortze lanak ere, Iñigo Astiz, Angel Erro, Itxaro Borda, Jon Gerediaga, Miren Agur Meabe. Itzulpenak ere bai: Idea Vilariño eta Juana Ibarbourouren bina poema euskaratu ditu Ainara Maia Urrozek, eta Francis Scott Fitzgeralden Nerbio-krisia (The Crack-Up) testua Javi Cillerok. Azken hau, 1936an Esquire aldizkarian hiru ataletan agerturiko saiakera-artikulu entzutetsua, hementxe eskaintzen dizuegu.
Ots 07 19
Enseiucarrean aldizkaria sarean
1986ko udaberrian abiatu zen Enseiucarrean aldizkaria, Miguel Angel Elkoroberezibarren zuzendaritzapean, Deustuko Unibertsitatearen babesarekin, Euskal Kultura Mintegiaren itzalean. Lau zenbaki atera zituzten bi urtean, eta gero itzali egin zen. Baina 1990ean beste talde batek heldu, formatua aldatu eta segitu zuen aldizkariarekin, 1999ra arte (tartean talde eta formatu aldaketekin). 1990etik aurrera batez ere hizkuntzalaritza alorreko artikuluek osatua izan da, baina literatur aldizkari gisa jaio zen eta sormen-lana da nagusi (jatorrizko euskarazkoa eta itzulpena) lehenengo urteetako aleetan. Deustuko Unibertsitateak orain on-line jarri du Enseiucarrean.