Literatur Emailuak

Frank O’Hara, Oscar Milosz, Antonia Pozzi eta Nazim Hikmet
Munduko Poesia Kaierak errezitaldia Durangon

Munduko Poesia Kaierak bildumako Frank O’Hara, Oscar Milosz, Antonia Pozzi eta Nazim Hikmet poeten lanak irakurriko dituzte Beñat Sarasola, Patxi de Vicente Arbeloa, Joannes Jauregi eta Gotzon Barandiaran itzultzaileek Maialen Berasategi Catalán eta Isabel Etxeberria Ramírez MPK bildumako editoreekin batera abenduaren 8an (astelehena) 13:00etan Durangoko azokan. Ahotsenea.

Joxe Azurmendiren Manifestu atzeratua irakurraldia Durangon

Joxe Azurmendiren Manifestu atzeratua errezitatuko dute abenduaren 8an (astelehena) 11:30ean Durangoko azokan, Talaia aretoan. Irakurleak: Iñigo Astiz, Leire Bilbao, Oihane Zuberoa Garmendia, Josu Landa, Maialen Lujanbio, Iñigo Satrustegi eta Leire Vargas.

Heriotzak Eduardo du izena Munduko Poesia Kaierak eta Formolen antzezalana Durangon

Heriotzak Eduardo du izena ikuskizuna emango du Formol Laborategiak Munduko Poesia Kaierak bildumaren 10. urteurrena ospatzeko poesia ez-errezitaldia abenduaren 7an (igandea) 20:00etan Durangoko San Agustin aretoan.

Eider Rodriguez Dena zulo bat zen Durangoko liburu azokan

Eider Rodriguez idazleak Dena zulo bera zen aurkeztuko du Iñigo Astizekin abenduaren 7an (igandea) 12:00etan Durangoko liburu azokan, Ahotsenean.

Harkaitz Cano eta Beñat Sarasola Silueta nobelari buruz solasean Ahotsenean

Harkaitz Cano idazleak Silueta liburu berria aurkeztuko du Beñat Sarasolak lagunduta abenduaren 7an (igandea) 11:30ean Ahotsenean.

Ganbila bildumako azken antzerki liburuak Zorretan, Aztitza, Herrenaren promesak eta Fikziraultzaileak

Ganbila antzerki testuen bildumako azken liburuak – Zorretan, Aztitza, Herrenaren promesak eta Fikziraultzaileak – aurkeztuko dituzte Agurtzane Intxaurraga, Oiger Guillan, Maite Aizpurua eta Kamikaz kolektiboak abenduaren 6an (larunbata) 17:30ean Durangoko azokan, Ahotsenean.

Mikel Ibarguren eta Lander Garro Haize begitik Durangoko azokan

Mikel Ibarguren eta Lander Garro  Haize begitik poema liburuari buruz solalean arituko dira  abenduaren 6an (larunbata) 16:00etan Durangoko Ahotsenean.

Hedoi Etxarte Izen baten promesa Ahotsenean

Hedoi Etxartek Izen baten promesa bere lehen nobela aurkeztuko du abenduaren 6an (larunbata) 11:30ean Durangoko liburu azokan. Ahotsenea.

– 11:30 Izen baten promesa – Hedoi Etxarte

Beatriz Fernandez eta Irati Majuelo Lisipe bilduma feministako saiakerak Ahotsenean aurkezten

Beatriz Fernández  eta Irati Majuelok  Ariadnaren haria Sexua eta generoa hizkuntzaren labirintoan eta  Hiria gure oinetan saiakerak aurkeztuko dituzte abenduaren 5an (ostirala) 18:30ean Durangoko azokan, Ahotsenean.

Susa literatura argitaletxea Durangoko liburu azokan

Durangoko Azokan, Barrenkaleko ertzean topatuko duzue aurten ere Susa literatura argitaletxea. Abenduaren 5ean (barikua) hasi eta abenduaren 8ra (astelehena) bitarte; aurtengo nobedadeak, azken urteetako liburuak, idazleak eta lagunak bertan izango gara, irakurleekin tarte bat hartu, eta literaturaz gozatzen ahalegintzen.

Aurtengo nobedadeak

Amorante frantsesa aurkeztu zuen Miren Agur Meabek udaberrian, eta Eider Rodriguezen Dena zulo bera zen, Hedoi Etxarteren lehen nobela den Izen baten promesa eta Harkaitz Canoren Silueta aurkeztu berri ditugu narratiba sailean.

Hezur berriak poema liburuarekin ezagutu dugu Ane Labaka poeta, eta Ane Zubeldiak Kontra poemarioarekin, biak udaberriak argitaratuak.
Mikel Ibarguren eta Hasier Larretxeak poema liburu bana aurkeztu dute udazkenean, Haize begitik eta Guztia urruntzea da hurrenez hurren. Eta sail honetako 100. liburuarekin, Susako poema liburuek diseinu berria daukate orain.

(gehiago…)

16 poeta Palestinako

Palestinako herriaren sufrimendua, erresistentzia eta borroka kontatzeko modu asko daude, eta poesiarena da horietako bat. Israel Gazan burutzen ari den genozidioa salatuko dugu Durangoko liburu Azokan, eta asmo horren baitan Susa argitaletxeak liburuxka bat plazaratu du, 16 poema Palestinako, 16 poeta palestinarren poema banarekin, Durangoko liburu Azokan gure irakurleen artean banatuko duguna.

Siluetaren silueta, Harkaitz Canoren nobela berrian

Eraiki liteke nobela bat hura irakurri gabe, sortu dituen oihartzunetatik abiatuz? Atzeman daiteke nobelaren arnasa inguratzen duten testuak soilik irakurrita? Denek espero zuten nobela mardularen ordez, Silueta lan esperimentalarekin itzuli da Ibarbia. Bahiketa baten istorioa kontatu digu bertan. Ez du inor epel utzi; alde edo kontra, sotil edo suhar, denek nahi izan dute zerbait esan, eta, hain justu, nobelaz idatzi diren 31 iruzkinek osatzen dute liburu hau, Siluetaren silueta. Jolas literario bat proposatu digu Harkaitz Canok, beraz, bidean gogoetarako leiho andana irekiz bidenabar; zer eskatzen diogun arteari, zer irakurleari, zer kritikari, zer hurbileko historiaren memoriari. osorik irakur dezakezue sarean.

Azala: Xabier Gantzarain

Ostekoak

Harkaitz Cano idazleak berak liburuaren aurkezpenean esandakoaren arabera, “Silueta-ri egingo zaion iruzkin bakoitza liburuaren hedapen bihurtuko da hemendik aurrera, liburu hau infinitua baita”. 32. iruzkin hori gehitu dugu sarean. Idatziko diren hurrengo iruzkinen esperoan.

Harkaitz Cano Silueta

Harkaitz Canok Silueta aurkeztuko du azaroaren 28an (ostirala) 11:30ean Donostiako Kaxilda liburudendan. Argitaletxea: Susa literatura.

Hedoi Etxarte eta Joseba Sarrionandia Izen baten promesan Iruñean

Hedoi Etxarte eta Joseba Sarrionandiak Izen baten promesa  nobela aurkeztuko dute azaroaren 26an (asteazkena) 19:30ean, Iruñeko Zaldiko Maldiko elkartean.

Harkaitz Cano Silueta Iruñean

Harkaitz Cano idazleak Silueta liburu berria aurkeztuko du Santi Leonek lagunduta azaroaren 25ean (asteartea) 19:30ean Iruñeko Hizkuntza eskolako areto nagusian.