Mar 11 21
Kattalin Miner, Moio Lakuntzan
Kattalin Miner idazlearekin Moio izango dute berbagai martxoaren 11an (osteguna) 18:00etan Lakuntzako Tximonenan.
Mar 11 21
Maddi Ane Txoperena, Ene baitan bizi da
Maddi Ane Txoperenaren Ene baitan bizi da liburuari buruz arituko dira martxoaren 11an (osteguna) 18:00etan Alegiako kultur etxean.
Mar 11 21
Garazi Goia eta Goizalde Landabasoa, 1362km euri Azpeitin
Garazi Goia eta Goizalde Landabasok elkarrekin idatzitako 1362km euri liburuaz arituko dira martxoaren 11an (osteguna) 17:30ean Azpeitiko jabekuntza eskolan.
Mar 10 21
Mari Luz Esteban, Andrezaharren manifestua Elorrion
Mari Luz Estebanen Andrezaharren manifestua hartuko dute mintzagai martxoaren 10ean (asteazkena) 18:00etan Elorrioko liburutegian.
Mar 09 21
Karmele Jaio, Aitaren etxea Astigarragan
Karmele Jaioren Aitaren etxea liburuari buruz solastuko dira martxoaren 9an (asteartea) 19:30ean Astigarrako irakurle taldean.
Mar 09 21
Ngugi wa Thiong’o, Gerra garaiko ametsak Abadiñon
Ngugi wa Thiong’oren Gerra garaiko ametsak liburuari buruz berbetan arituko dira martxoaren 9an (asteartea) 19:00etan Abadiñoko irakurle taldean.
Mar 09 21
HEMEN. Non guztiak biltzen dituen lekua Bilboko Gutun Zuria letren jaialdia
Gutun Zuria. Bilboko Letren Nazioarteko Jaialdia martxoaren 23tik 27ra bitartean egingo da, HEMEN. Non guztiak biltzen dituen lekua izenburu orokorrarekin, Koldo Izagirreren Hemendik idazten dugu poemaren bertsoan inspiratuta.
Jaialdian euskal idazle ugari izango da parte hartzen: Iñigo Astiz eta Anari solasean arituko dira Inon izatekotan goiburupean, Itxaro Bordak Yuri Herrera idazle mexikarra izango du ondoan, Miren Agur Meabe, Beñat Sarasola eta Olga Novo Txikitik idaztea handi gaiaren bueltan arituko dira, Eider Rodriguez eta Katixa Agirre berriz Saiakera eta fikzioaren bidegurutzean izango dute hizketagai Haizea Barcenillaren gidaritzapean. Eta azkenik Amets Arzallus eta Ibrahima Balde Miñan liburuaren egileak Goizalde Landabasoren ondoan arituko dira Hormak eta zeharkaldiak elkarrizketan.
Mar 08 21
Raymond Chandler, Ez adiorik Donostian
Raymond Chandler idazlearen Ez adiorik mintzagai hartuko dute martxoaren 8an (astelehena) 17:00etan Donostiako Lugaritz kultur etxean. Gidaria: Maite Gonzalez Esnal.
Mar 04 21
Etxepareri Mosen Bernat jakin bahu kontari eta kantari
Itxaro Borda eta Ibon RG Mosen Bernat jakin bahu Etxepareri kontari eta kantari arituko dira martxoaren 4an (osteguna) 19:00etan Bilboko Euskaltzaindiaren Plaza barriko egoitzan.
Mar 04 21
Marguerite Durasen bi narrazio
Hogeita bost urte, martxoaren 3an, Marguerite Duras hil zela. Indotxinan jaiotako idazle frantsesaren narratiban pertsona-harremanek ardatz ezinbestekoa osatzen dute. Euskarara ekarri diren haren bi liburuetan, Maitalea eta Samina, ikus daiteke, eta baita Maiatz aldizkariak 1989an plazaraturiko narrazioan, Korridorean jarririko gizona, Imanol Txabarrik euskaratua. Idazle ez ezik zinemagilea, Durasen obran zinema, alegia, begirada, beste ardatzetako bat da. 1987an Aurelia Arkotxak Maiatz aldizkarirako Cahiers du Cinema-tik itzulitako Sepia kolorezko uda lanean ere nabaritzen da. Lan biok dakartzagu haren heriotzaren urteurrenean.
Mar 04 21
Irati Goikoetxea, Herriak ez du barkatuko
Irati Goikoetxeak Herriak ez du barkatuko aurkeztuko du martxoaren 4an (osteguna) 11:00etan sarean. Argitaletxea: Elkar.
Mar 03 21
Amets Arzallus, Miñan Deustun
Amets Arzallus eta Ibrahima Baldek idatzitako Miñan hartuko dute berbagai martxoaren 3an (asteazkena) 18:00etan Bilboko Euskararen etxean, Deustuko Berbaizu elkarteak antolatuta.
Mar 02 21
Olga Tokarczuk, Erabili goldea hilen hezurren gainetik Donostian
Olga Tokarczuk idazlearen Erabili goldea hilen hezurren gainetik izango dute hizpide Amaia Apalauza itzultzailearekin martxoaren 2an (asteartea) 19:30ean Donostiako Udal liburutegiko irakurle taldean. Gidaria: Iñigo Aranbarri.
Mar 02 21
Oihane Amantegi, Ibaiertzeko ipuina Eibarren
Oihane Amantegiren Ibaiertzeko ipuina liburuari buruz berba egiteko jarri dute hitzordua martxoaren 2an (asteartea) 19:00etan Eibarko Juan San Martin liburutegian.
Mar 02 21
Harkaitz Cano eta Goizalde Landabaso Bilbon
Harkaitz Cano solasean arituko da Goizalde Landabaso kazetari eta idazlearekin eta ostean emanaldi berezia eskainiko du martxoaren 2an (asteartea) 18:30ean Bilboko Bira kulturgunean, Amildegia solasaldi sortaren baitan.