urtarrilak
Abe 18 07
Elkarrekin haserreturik dabiltzan hiru lagun nafar Londresera iritsi dira, hileta batera joanak, koadrilakoa izandako laugarrena (Carlos) hil egin baita han. Horrela abiatzen da Juanjo Olasagarreren Ezinezko maletak (2004, Susa). Nobelaren lehen hiru kapituluak alemanez jarri ditu Gabriele Schwabek; Fermin, Harakin eta Jexus Mari nor bere ikuspuntutik gertakariak kontatzen.
Abe 17 07
Mariasun Landaren Festa aldameneko gelan liburua izango dute hizpide abenduaren 17an (astelehena) 19:30ean Donostiako literatur solasaldian, Udal Liburutegiaren ekitaldi aretoan. Gidatzailea: Xabier Gantzarain
Abe 15 07
Katamalo poesia eta musika emanaldia egingo du bihotz bakartien klubak abenduaren 15ean (larunbata) 22:00etan Igorreko Lasarte aretoan.
Abe 15 07
Oier Guillanek idatzitako zenbait teatro testuen irakurketa egingo dute abenduaren 15ean (larunbata) 20:30ean Azkaingo Biltoki aretoan. Antolatzailea: Theatre du Rivage.
Abe 12 07
Otea goitizenez sinaturik, Telesforo Monzonek bere antzezlan ezagunena argitaratu zuen orain dela 50 urte Euzko-Gogoa aldizkarian: Menditarrak. Ilegorri eta Begibeltz artzainak dira protagonistak, eta azken honen alaba Maialen eta Jakes senargaia.
Abe 11 07
William Shakespeareren Macbeth euskaratu eta Euzko-Gogoa aldizkarian argitaratu zuen 1957an Bedita Larrakoetxeak, Argentinako erbestealdian. Euskal Esnalea aldizkarian agertu zituen bere lehen itzulpenak Larrakoetxeak, grekeratik. Exilioan Shakespeareren lanak euskaratzeari ekin zion eta denera 37 obra itzuli zituen.
Abe 07 07
Katamalo poesia eta musika emanaldia egingo du bihotz bakartien klubak abenduaren 7an (ostirala) 20:30ean Durangoko San Agustin aretoan.
Abe 07 07
Euskararen hitzalak alemanez ekitaldia izango da abenduaren 7an (ostirala) 13:30ean Durangoko Plateruenan. Euskaratik alemanera itzulitako nobeletako pasarteen irakurketa: Joseba Sarrionandiaren Lagun izoztua, Edorta Jimenezen Kilkerren hotsak eta Arantxa Urretabizkaiaren Koaderno gorria. Irakurleak: Naroa Zubillaga, Petra Elser, Raul Zelik, Edorta Jimenez. Musika: Rafa Rueda.
Abe 04 07
Aspaldi sareratua zuen Klasikoen Gordailuak Juan Jose Mogel debatarraren Baserritar nekezaleentzako eskolia (1816). Orain, berriz, liburu hartan oinarritutako bigarren bertsioa kaleratu nahi du. Halaz ere, Baserritaar jakitunaren etxeko eskolia (1845: 1991) liburua, teorian bestearen bigarren edizioa izan behar zuena, aski aldatua argitaratu zen Gasteizko inprimategian. Mogelek berak ematen du horren arrazoia: “Bigarren aldiz urteten dau argitara liburutxu onek […] zelan denporeen gora beraak agertu oi ditubeen premiña barrijak, geituten jakoz gauza asko ta ikasbide txito biarrak, eldu garian egun negargarrijetarako”. Baserritarrei zuzendua, bertan dotrina-gaiak tratatzen dira pertsonaien arteko elkarrizketak nabarmenarazten dituen oinarri-oinarrizko ehundura narratibo baten barnean. Larramendik erlijio-gizon erdaltzaleen aurka irekitako lubanetatik, Juan Jose Mogelek Peru Abarka (= baserritar) ororen berezko jakintzaren inguruko tesi kontraesankorra baliatzen du izenburuan bertan. Amaitzeko, bazkalburuko gisara, Egunoroko lan-on ta erregubak (1820) idazlana eskaintzen da. Esan gabe doa, irakurle, “liburu onetan ikasi daikezu zeure bizi moduba zuzenduteko biar dana”.
Abe 03 07
Mikel Peruarenaren Edan ase arte poema liburuan oinarritutako errezitala egingo dute Peruarenak eta Txus Aranburuk abenduaren 3an (astelehena) 20:00etan Getariako Alondegian.
Abe 03 07
Victor Hugoren Claude Gueux euskaratu du Zorion Zamakolak. Abenduaren 3an (astelehena) 11:00etan aurkeztuko du liburua Ataramiñe elkarteak Bilbon, Kalderapekon.
Abe 03 07
Eider Rodriguezek Haragia narrazio liburu berria aurkeztuko du abenduaren 3an (astelehena) 11:00etan Donostiako Udal Liburutegiko Sotoan. Argitaldaria: Susa.
Aza 30 07
Katamalo poesia eta musika emanaldia egingo du bihotz bakartien klubak azaroaren 30ean (ostirala) 19:00etan Areatzako kultur etxean.
Aza 30 07
Jokin Muñozek Antzararen bidea nobela berria aurkeztuko du azaroaren 30ean (ostirala) 12:00etan Donostiako Udal Liburutegiko Sotoan. Argitaldaria: Alberdania.
Aza 30 07
Orham Pamuk-en Elurra nobela aurkeztuko dute Fernando Rey eta Monika Etxeberria itzultzaileek azaroaren 30ean (ostirala) 11:00etan Donostiako Elkar megadendan. Argitaldaria: Elkar.