Urr
22
08
1988an irten zen plazara Myriam Villasante, poema liburu batekin: Xaguak soka-saltoan. Bere lehen eta, oraingoz, azken liburuarekin. Lerro motzeko poemak, hitz-joko, errepikapen eta batzuetan tipografia aldaketak baliatzen dituztenak. Ez zen, hala ere, Barojarekin eta publikatzearekin izandako lehen harremana. Urte horretan bertan Raul Guerra Garrido idazlearen Maitasun objektu eztizkoa eman zuen argitara Baroja argitaletxeak, eta Myriam Villasante arduratu zen euskaratzeaz. Biak osorik eskaintzen dizkizuegu.
Urr
17
08
Katamalo poesia eta musika emanaldia egingo du bihotz bakartien klubak urriaren 17an (ostirala) 22:00etan Ondarroako Kafe Antzokian.
Urr
17
08
Edorta Jimenezek Ispiluaren kalteak ipuin liburua aurkeztuko du urriaren 17an (ostirala) 11:00etan Bilboko Elkar dendan (Licenciado poza).
Urr
16
08
Katamalo poesia eta musika emanaldia egingo du bihotz bakartien klubak urriaren 16an (osteguna) 20:00etan Iruñeko Gurutzeko Plazako Institutuen Aretoan.
Urr
15
08
Peru Magdalenak Hutsik poema liburua eta Karlos Linazasorok Zein beste mundukoa liburua aurkeztuko dituzte urriaren 15ean (asteazkena) 12:00etan Donostiako Elkar dendan.
Urr
14
08
Gabriel Arestiren jaiotzaren 75. urteurrenean, Larrabetzuko Hori Bai gaztetxean urriaren 14an (asteartea) 20:00etan Gabriel Arestiren poesiaz jardungo du Koldo Izagirrek eta kantuan egingo du Joseba Tapiak.
Urr
14
08
Gabriel Arestiren jaiotzaren urteurrenean, Bilboko Bidebarrieta liburutegian urriaren 14an (asteartea) 19:30ean Arestiren bertsoak kantatuko dituzte Erika Lagomak eta Uxue Alberdik eta poemak errezitatuko dituzte Igor Estankonak eta Hedoi Etxartek. Aurkezlea: Edorta Jimenez.
Urr
14
08
Duela 75 urte, 1933ko urriaren 14an, Bilboko Berroeta Aldamar kaleko 2 zenbakian 6garrenean (ganbaran) jaio zen Gabriel Aresti. Lehen poemak Euzko Gogoa aldizkarian argitaratu zituen 1954ko udazkenean Guatemalan, eta baita ere itzulpen batzuk: Shakespeare, Baudelaire eta Verlaine. Laster Olerti, Egan eta Karmel agerkarietan plazaratuko zituen beste zenbait lan, eta Euskera aldizkarian Maldan behera. Aurreneko liburua Kuliska Sortan (Zarautz, 1964) argitaratu zuen: Harri eta herri, 1963an Orixe Saria jasotakoa. Laudatua, arbuiatua, zentsuratua, miretsia, iraindua, kantatua, gure letretako handietarik bat izan zen Aresti: poeta, antzerkigile, itzultzaile, hiztegigile, editore… literaturari eskaini zion bizia. Gabriel Arestiren XX. mendeko poesia kaiera apailatu zuen Koldo Izagirrek 2000. urtean, eta orain osorik eskaintzen dizugu sarean, hitzaurre eta diskografia lagungarriekin.
Urr
13
08
Jean Diharce, Xabier Iratzeder fraide eta poeta Belokeko beneditarren monasterioan hil da Ahurtin, 88 urterekin. Pierre Lafittek azkartu zion euskararekiko atxikimendua Uztaritzen ikasketak egiten ari zelarik. Hamasei urte zituenean gaixorik hilabete batzuez etzanik egon behar eta berrehunetik gora abesti ikasi zituen; “horrek erakutsi zidan bertsoak nola egin behar ziren, euskal kantua izan da ene eskola”. Nazien aurkako gerran galdutako Mixel anaia, senideak eta adiskideak, baina batez ere Euskal Herria eta Jainkoaganako sentimenduak izan zituen kantagai. Otoitza kantuan, horixe da Iratzederren poesia. Biziaren olerkia eta Biziaren gudaldia memoriak idatzi zituen, eta olerki liburu asko. Koldo Izagirrek apailatutako XX. mendeko poesia kaiera osorik duzu hemen, eta poema bilduma hauek Klasikoen Gordailuan:
Urr
11
08
Hedoi Etxartek Suzko lilia poema liburuan oinarritutako errezitaldia egingo urriaren 11n (larunbata) 17:30ean Iruñeko La Hormiga Atomica ostatuan (Curia kalea). Pianoaz eta kantuan lagunduko dio Andoni Arcillak.
Urr
10
08
Leire Bilbaok eta Castillo Suarezek Andolin Eguzkitzaren poemen irakurraldia egingo dute urriaren 10ean (ostirala) 18:00etan Santurtziko Kresala kultur aretoan.
Urr
09
08
Katamalo poesia eta musika emanaldia egingo du bihotz bakartien klubak urriaren 9an (osteguna) 21:30ean Gasteizko gaztetxean.
Urr
09
08
Iragaitzaz nobela aitzakiatzat harturik, Pello Lizarralderi elkarrizketa egingo dio Mikel Hernandez Abaituak urriaren 9an (osteguna) 19:30ean Donostiako Udal Liburutegiko ekitaldi aretoan.
Urr
09
08
Okzitanierazko literaturaren XX. mendeko idazle handietako bat dugu Bernard Manciet. 1923ko otsailean Sabresen jaioa, Mont de Marsanen zendu zen 2005ean, ekainaren 3an. Bordelen ikasketak egin eta frantses estatuko diplomatiko jardun zuen —halaxe aritu zen Alemaniako berreraikuntza prozesuan eta Nurembergeko Auzian—, eta kultur sustatzaile, Óc aldizkariari lotua, eta idazle. Poeta eta narratzailea, antzerki autorea ere, idazteaz gain hainbat emanaldi ere eskainia da bere poemen gaineko ikuskizunetan. Lo dider de Guernica (Gernikarena / Gernikaz errana) poemak egin du, batez ere, ezagun gure artean, baina hura baino lehen euskarara ekarria zuen Jon Mirandek haren testu bat, Burua, eta Euzko-Gogoa aldizkarian 1957an eman plazara. Gerora, Maiatz aldizkariaren 21. zenbakian Luzien Etxezaharretak euskaratu zuen Gernikaz errana (Lo dider de Guernica). Testu hori bera, jatorrizkoa, frantsesezko eta espainierazko itzulpenak ere argitaratu zituen Maiatz aldizkariak berriro, 2005eko 41. zenbakian, urte horretan zendua zen Bernard Manciet idazleari omenez. Horretaz gain, Andres Urrutiak ere idatzi zuen artikulu bat eta olerkari gaskoiaren pasarte bat euskaratu Idatz & Mintz aldizkariaren 39. zenbakian, 2004an. (gehiago…)
Urr
08
08
Iñigo Aranbarriren Zulo bat uretan nobela izango dute mintzagai urriaren 8an (asteazkena) 20:00etan Deustuan Berbaizu euskara elkartearen irakurle klubean.
