Abu
05
10
Gaurko egunez duela 160 jaio zen Guy de Maupassant idazlea, 1850eko abuztuaren 5ean, Normandian. Bere adiskide Gustave Flaubertek aurkeztu zion Emile Zola, eta honek 1880ko apirilaren 16an argitaratu zion Mari Gizen kontakizunari esker oso ezaguna egin zen Parisen. Harrezkero, hamabi urtetan, 300 ipuin baino gehiago idatzi zituen, sei eleberri, hiru bidaia liburu, bi antzerki eta ehunka kronika. 1893ko uztailean hil zenean, Zolak egin zuen Maupassanten hileta hitzaldia. Joakin Balentziak, Felipe Juaristik, Xabier Monasteriok, Jesus Mari Mendizabalek, Juan Kruz Igerabidek, Mikel Garmendiak, Periko Diez de Ultzurrunek, Matias Mugikak euskaratu izan dituzte idazle frantsesaren ipuinak, eta Josu Zabaletak 34 narrazio ekarri zizkigun 2000. urtean, Fantasiazko ipuinak liburuan, orain osorik sarean emanak.
Uzt
27
10
Sidonie Gabrielle Colette idazlea 1906-1912 urteetan komediantea ere izan zen; ezaguna da 1907ko urtarrilaren 3an Parisko Moulin Rouge-n sortu zen eskandalua, Mathilde de Mornyk eta Colettek elkarri musu eman ziotenean. Mimo, dantzari eta komediante bizitzaren berri ematen du Mari-Alderrai nobelan (La Vagabonde, 1910), taularik taula eta tren batetik bestera alderrai dabilen Renée Néré music-halleko artista protagonista duela. Liburuaren zenbait egokitzapen zinematografiko egin zituzten: lehenbizikoa Italian (1917) Eugenio Peregok zuzendua, eta bigarrena Frantzian (1931) Solange Térac-Bussik zuzendua, Colette beraren parte hartzearekin elkarrizketak idazten. Periko Diez de Ulzurrunen itzulpenez 1998an argitaratu zen euskaraz Mari-Alderrai.
Uzt
21
10
Komuneko paperean errezitaldia egingo dute Imanol Epeldek eta Mattin Epeldek uztailaren 21ean (asteazkena) 22:30ean Orioko Kalakari tabernan.
Uzt
20
10
Ignazio Aiestaranek Walter Benjaminen aingerua Gernikako bonbardaketatik saiakera aurkeztuko du uztailaren 20an (asteartea) 11:00etan Donostiako Elkar aretoan.
Uzt
20
10
1878ko uztailean The Atlantic Monthly agerkarian plazaratu ziren Henry James idazle amerikarraren (1843-1916) Europarrak nobelako lehen kapituluak, eta aldika hamabi atalak eman zituzten urrira bitartean. Gazterik Europara bizitzera joandako Eugenia eta Felix anai-arrebak Bostonera itzuli dira, beren senide puritanoengana; amerikarrek eta europarrek elkarrekiko dituzten uste okerrak, aurreiritziak, gaizkiulertuak eta gutxiespenak dira komedia giroko nobela honen gakoak. Europarrak Irene Aldasorok euskaratu zuen 1997an. James Ivoryk eleberrian oinarritutako filma egin zuen 1979an Lee Remick aktoresarekin.
Uzt
18
10
Amaia Lasak eta Itxaro Bordak Poesiaren tolesturak errezitaldia eskainiko dute uztailaren 18an (igandea) 17:00etan Natxituko Ermintxo hotelean. Musika: Xanet Arozena eta Garazi Izagirre.
Uzt
18
10
Jose Luis Otamendik Bustilehorreko poemak errezitaldia egingo du uztailaren 18an (igandea) 13:00etan Natxituko kanposantuan. Soinua: Juan Azpillaga.
Uzt
18
10
Maria Josep Escrivak eta Miren Agur Meabek Poesiaren (azken) hatsaz hitzaldia egingo dute uztailaren 18an (igandea) 12:00etan Eako Beletxe elkartean.
Uzt
18
10
Harkaitz Canok Literatura DJen garaian hitzaldia egingo du uztailaren 18an (igandea) 11:00etan Eako Beletxe elkartean.
Uzt
18
10
“Gaur, 18 de julio honetan –hala gertatu baita– zure eskuetan paper zuri mordo hau ipini dizugu, irakurle hori”. 1985eko uztailaren 18an sortu zen, duela 25 urte, Literatur Gazeta aldizkaria, Donostiako Konstituzio plazan zegoen La Primitiva Casa Baroja inprimategian egina. Erredakzio idazkariak Koro Baroja eta Koldo Etxabe ziren, eta lehendabiziko alean idazle hauen lanak agertu zituzten: Mikel Lasa, Felipe Juaristi, Joxerra Garzia, Nerea Azurmendi, Mikel Azurmendi, Joseba Sarrionandia, Juan Antton Zubikarai, Bernardo Atxaga, Esteban Antxustegi eta Patri Urkizu; bai eta ere: Miguel Delibes, Mark Twain, Ernesto Sabato, Michel Tournier eta Ernst Bloch. Denera hamaika zenbaki kaleratu ziren: hiru ale 1985ean, urtebeteko geldialdiaren ostean 1987an lau ale, 1988an hiru eta 1989ko apirilean azkenekoa.
Uzt
17
10
Omar Nabarrok eta Rafa Ruedak Haragizkoa emanaldia eskainiko dute uztailaren 17an (larunbata) 00:30ean Eako frontoi atzean.
Uzt
17
10
Leire Bilbao, Maria Josep Escriva, Igor Estankona eta Oier Guillanek errezitaldia egingo dute uztailaren 17an (larunbata) 22:00etan Eako frontoi atzean. Musika: Xanet Arozena eta Garazi Izagirre.
Uzt
17
10
Ander Lipusen Horrela mintzatu zen Zappatrusta uztailaren 17an (larunbata) 19:00etan Eako Apikalen.
Uzt
17
10
Hiltzailea da kritikaria? Kritikaria hiltzailea da? tertulian parte hartuko dute Anjel Errok, Igor Estankonak eta Aritz Galarragak uztailaren 17an (larunbata) 16:30ean Eako poesia egunetan.
Uzt
17
10
Anarik eta Iñigo Aranbarrik Giza-materialak irla izateko emanaldia eskainiko dute uztailaren 17an (larunbata) 13:00etan Eako Talan.
