Ots 03 11
3 Mariak Tolosan
Arantxa Urretabizkaiaren 3 Mariak nobelaz jardungo dute otsailaren 3an (osteguna) 19:30ean Tolosako kultur etxean.
Ots 03 11
Sciasciaren ipuinak
Hontzaren eguna, Il contesto, Todo Modo, Il cavaliere e la morte nobela arduragarrien idazlea izan zen Leonardo Sciascia, baina baita ere ipuin ederren egilea. 1973an Einaudi-rekin plazaratutako Il mare color del vino euskaratu zuen Josu Zabaletak Erein argitaletxearentzat. 1959 eta 1972 bitartean idatzi eta Sciasciak berak hautatutako 13 kontakizuneko bilduma da Itsaso ardo kolorea. Ipuinetako bat, Kontzientzia kasua izenekoa, film bilakatu zuen Giovanni Grimaldik. Astekari “femenino” deitzen diren horietako batean Vaccaquino abokatuak gutun bat irakurri du, non emakume batek azaltzen duen senarrari egindako traizio bat; abokatuari gutuna deigarria irudituta, moztu eta gorde egin du patrikan, eta…
Ots 02 11
Azalaren kodea Bartzelonan
Miren Agur Meaberen Azalaren kodea poema liburuaz solas egingo dute otsailaren 2an (asteazkena) 19:30ean Bartzelonako Euskal Etxean. Gidatzailea: Aritz Galarraga.
Ots 01 11
Fikzioaren izterrak Deustuan
Ur Apalategiren Fikzioaren izterrak ipuin liburuaz jardungo dute otsailaren 1ean (asteartea) 20:00etan Deustuko Bidarte udaltegian.
Ots 01 11
Haragizkoa Gasteizen
Haragizko amoreak poema liburuan oinarrituta, Omar Nabarrok eta Rafa Ruedak Haragizkoa errezitaldia egingo dute otsailaren 1ean (asteartea) 20:00etan Gasteizko Ignacio Aldecoa kultur etxean.
Urt 31 11
Ez obeditu inori Donostian
Mikel Peruarenaren Ez obeditu inori nobelaz ariko dira urtarrilaren 31n (astelehena) 19:30ean Donostiako literatur solasaldietan, Udal Liburutegiko sotoan. Gidatzailea: Iñigo Aranbarri.
Urt 29 11
Eskuen sustraiak Senperen
Oier Guillan eta Asier Sarasolak Eskuen sustraiak errezitaldiaren azken emanaldia egingo dute urtarrilaren 29an (larunbata) 18:00etan Senpereko Larraldea etxean. Musika: Ander Fernandez. Pintura: Idoia Beratarbide.
Urt 28 11
Ur uherrak Gasteizen
Aingeru Epaltzaren Ur uherrak nobelaz solas egingo dute urtarrilaren 28an (ostirala) 20:00etan Gasteizko Hikaateneoan. Gidatzailea: Iban Zaldua.
Urt 28 11
Liburu elektronikoak euskaraz
Etxepare eta Shakespeare, Lizardi eta Puxkin, Kirikiño eta Flaubert, Anabitarte eta Mansfield. E-bookaren olatua handitzen ari omen denez, eta euskarazko tituluak eskas, irakurgailu elektronikoetara deskargatzeko 249 e-book paratu ditugu Armiarma atariko Liburu elektronikoa gunean, epub eta pdf formatuetan. 249 tituluetatik 191 euskal literaturako klasikoak dira eta 58 literatura unibertsaletik ekarriak. Twain eta Xaho, Conrad eta Zerbitzari, Baudelaire eta Lauaxeta, Virginia Woolf eta Mirande. 14 poema liburu, 28 saiakera, 39 antzerki-lan, 56 nobela eta ipuin bilduma… dohainik nork bere gailura ekar ditzake.
Urt 26 11
Arimaren bila Donostian
Antton Iturbek Arimaren bila errezitaldia egingo du urtarrilaren 26an (asteazkena) 19:30ean Donostiako Ernest Lluch kultur etxean. Musika: Joseba Irazoki. Argazkiak: Ana Cabezas.
Urt 26 11
Kontrarioa Basaurin
Lander Garroren Kontrarioa nobelaz ariko dira urtarrilaren 26an (asteazkena) 19:00etan Basaurin, Euskarabilaren egoitzan.
Urt 26 11
Egunero hasten delako Arrasaten
Ramon Saizarbitoriaren Egunero hasten delako nobela aztertuko dute urtarrilaren 26an (asteazkena) 18:30ean Arrasateko Kultur Ateko literatur solasaldietan. Gidatzailea: Mikel Ayerbe.
Urt 26 11
Tango urdina Zarautzen
Aitziber Etxeberriaren Tango urdina nobelaz ariko dira urtarrilaren 26an (asteazkena) 18:30ean Zarauzko Sanz Enea liburutegian.
Urt 26 11
Errepresioa eta erresistentzia
Gure literaturan Martin Ugalde izan zen lehena ipuina literatur genero moderno gisa lantzen. Duela 50 urte, 1961eko urtarrilean Caracasen argitaratu zuen bere hirugarren baina euskarazko estreinako ipuin liburua: Hiltzaileak. Bost kontakizunotan gerrako eta gerraosteko errepresioa eta erresistentzia kontatzen dira. “Euskal borrokak ernarazitako fruitu beroak dituzue” idatzi zuen Andima Ibinagabeitiak hitzaurrean. “Beharrezkoa genuen euskotarrok ere gudu-literatura gartsu bat. Negargarria, baina, oraindik euskaldun batek ere ez ditu liburuetan euskaraz eman orduko gertari deitoragarriak. Gerrari suminok inoiz gure gaztediak ahaztuko balitu, akabo gure itxaropena”.
Urt 22 11
Ezer gabe hobe Donapaleun
Ezer gabe hobe nobelari buruz mintzatuko da Itxaro Borda urtarrilaren 22an (larunbata) 10:30ean Donapaleuko Mediatekan.