Aza
28
11
Egarri egunak portualdean nobela aurkeztuko du Koldo Izagirrek azaroaren 30ean. Egarri egunak, bai, 1977ko uda hartakoak: asean gozatu nahi ditu gazteria matxinatu batek askatasuna, maitasuna, berdintasuna, edertasuna. Egarri anitz honek gatazkan murgilduko du heziketa sozial eta sentimentalean aurreneko pausoak ematen ari den protagonista, hats kolektiboaren eta indibidualismoaren artean bere ezintasun, ahuldade eta ametsekin. Liburua Durangoko Azokara iritsi baino lehen eskaintzen dizugu sarean.
Aza
25
11
Miquel Marti i Polen Marta maitea poema liburuan oinarritutako errezitaldia eginen dute azaroaren 25ean (ostirala) 19:30ean Iruñeko Auzolan dendan.
Aza
25
11
Ataramiñe literatura koaderno berria eta Ibon Muñoaren Ametsen txokoan bizi naiz liburua aurkeztuko dituzte azaroaren 25ean (ostirala) 11:00etan Bilboko Kalderapekon.
Aza
24
11
Argi-itzalen neurria liburua aurkeztuko du Xabier Artolak 111 Akademiaren Kilkerren Soka jardunaldietan, azaroaren 24an (osteguna) 20:00etan Larrabetzuko Angulerin.
Aza
24
11
Mohamed Xukriren Ogi hutsa nobela aztertuko dute azaroaren 24an (osteguna) 20:00etan Gasteizko Ignacio Aldecoa kultur etxean. Gidatzailea: Iban Zaldua.
Aza
24
11
Iñigo Aranbarriren Zamaontzia nobela izango dute hizpide azaroaren 24an (osteguna) 20.00etan Algortako Aldai patronatuan.
Aza
24
11
Autopsiarako frogak saiakeran oinarrituta, Koldo Izagirrek Artseniko aztarnak gure hizkuntzan hitzaldia egingo du azaroaren 24an (osteguna) 19:30ean Donostiako Larrotxene kultur etxean.
Aza
24
11
Joseba Sarrionandiaren Kartzelako poemak liburuan oinarrituta, errezitaldia egingo dute Mitxel Sarasketak eta Laura Mintegik azaroaren 24an (osteguna) 19:30etan Erromoko Branka elkartean.
Aza
24
11
Koldo Zuazok Neure buruaren alde nobela aurkeztuko du azaroaren 24an (osteguna) 12:00etan Donostiako Udal Liburutegiko sotoan. Argitaldaria: Alberdania.
Aza
24
11
Durangoko Azokan egunero zabalduko da Ahotsenea. Musikari eta idazle, 350 sortzaile inguruk parte hartuko du 95 ekitaldiko egitarauan. Idazle hauek izango dira: abenduaren 4an Yolanda Arrieta, Xabier Mendiguren, Pako Sudupe, Leire Bilbao, Fernando Morillo, Iñigo Aranbarri; abenduaren 5ean Xabier Artola, Daniel Landart, Joseba Azkarraga, Gaizka Zabarte; abenduaren 6an Kepa Larrea, Martin Etxeberria, Unai Elorriaga, Irati Jimenez, Jeremias Erro, Tere Irastortza, Goizalde Landabaso, Asel Luzarraga, Lutxo Egia; abenduaren 7an Juan Gorostidi, Ana Urkiza, Xabier Suobelet, Casado da Rocha, Fito Rodríguez, Harkaitz Cano; abenduaren 8an Mitxelko Uranga, Xipri Alberbide, Eñaut Etxamendi, Jimenez Maia.
Aza
23
11
Arantxa Urretabizkaiaren Koaderno gorria nobelaz ariko dira azaroaren 23an (asteazkena) 18:30ean Zarauzko liburutegian. Gidaria: Ane Mayoz.
Aza
22
11
Anjel Lertxundi Etxeko hautsa eleberriaz mintzatuko da azaroaren 22an (asteartean) 19:30ean Donostiako Udal Liburutegi zaharreko sotoan.
Aza
22
11
Esku ezkerraz poema liburuaz mintzatuko da Antonio Casado da Rocha 111 Akademiaren Kilkerren Soka jardunaldietan, azaroaren 22an (asteartea) 19:30ean Oreretako Mikelazulon.
Aza
22
11
Jack Londonek 1908an argitaratutako kontakizuna da Sua piztu (To Build a Fire), Iñaki Ibañezen itzulpenez eskaintzen dizuguna. 1970ean pelikula egin zuen David Cobhamek, Ian Hogg aktorearekin eta Orson Wellesen offeko ahotsarekin. Henderson errekaren ezker adarreko meategi zaharra zeukan jomugatzat gizonak, husky zakur batek jarraitzen ziola. Ilundu eta pixka bat geroago, seietan iristea zen helburua; sua piztuta egongo zen han, afari beroa prest. Hotza ikaragarrizkoa zen arren, 50 gradu zero azpitik gizonarentzat horixe besterik ez zen: 50 gradu zero azpitik. Hori baino zerbait gehiago izan litekeela, buruan sartzen ez zitzaion ideia zen.
Aza
22
11
Tere Irastortzaren Eta orain badakit poema liburuaz solas egingo dute azaroaren 22an (asteartea) 18:30ean Lazkaoko Gerriko Txokoan.
