Eka
24
15
Maiteño (Kutxa, 1974), Xabier Azurmendik eman zigun bigarren poema bilduma, lehenagoztik —Izatearen malura (Gero, 1971)— ezagutarazi zizkigun kezketan eta moldeetan taxutua da. Asun zauri zaion Maiteño delakoa Jainkoa du. Min maite horretan bizi da Jainkorik ez balitz landareak behar duen hezetasuna bihurtu nahi lukeen apaiza. Naturak laguntzen dio ilunekoak argitaratzen, hartatik ekartzen du eraikuntzarako materiala, “masusta beltza baino trixteagoko bihotza” bezalako irudi delikatuekin. Batzuetan aski du deskripzio xumea giroa sortzeko, errekaren abaila, piku hostoaren latza, barne egoera adierazteko. Espanturik gabeko arrangura existentziala da berea, eta ez esangura bakarrekoa: bihar edo etzi ezingo da konpondu huts hau, baina saiatzen ahal gara bizitzen “tente, Intxorta guda ostean bezala”. Bizi zelarik aipamen handirik jaso ez bazuen ere, zinezko poeta izan zen Xabier Azurmendi (1935-1996).
Eka
22
15
Erreka jotako familian sortua, ozta jesarri ahal izan zuen eskolan. Inprimategi batean aurkitu zuen akulturazioa gainditzeko modua, frantses okupatzaileen literatura irentsiz. Alabaina, malgatxez publikatu zituen bere lehen idatziak. Ez zuen inoiz galdu herri hizkuntzak zekarkion ondare poetikoa. Bizitza kaotiko baten erdian, hiru mila folio bete utzi zituen bi hizkuntzetan. Poemak, prosa poetikoak eta egunkari bat, izugarria, heriotzaren azken unea arte: zianuroa edan dut oraintxe azukrearekin, etzan egin naiz. Frantsesentzat ez zen aski zuri, herritarrentzat ordea frantximanta zen. Urradura horrek ere izan zuen zer ikusia egitate garratz hartan, bere heriotza bazterketa salatzeko garrasia ere izan zen. Rabearivelok modernitatea ekarri zuen Madagaskarrera Baudelaire eta Rimbauden ondotik ibili ondoren indar handiz eraiki zuen obra pertsonalarekin. XXI. mende honetan hasi dira Parisen “lehen idazle afrikar frankofonoa” omen denaren obra osoa argitaratzen. Hona bost poema, hurrengo batean ekarriko dugu sortatxoa malgatxez idatzi zuenetik.
Eka
19
15
Joan Mari Irigoienen Bi urtetako kronika fakultatiboa poema liburuaz ariko dira ekainaren 19an (ostirala) 20:00ean Iruñeko Zaldiko-Maldikon.
Eka
19
15
Mariama Baren Hain gutun luzea aztertuko dute ekainaren 19an (ostirala) 19:30ean Eako Eskolondon.
Eka
19
15
Philip K. Dicken Ordaina ipuin liburua aurkeztuko du Aritz Gorrotxategik ekainaren 19an (ostirala) 11:30ean Donostiako Elkar aretoan. Argitaletxea: Meettok.
Eka
18
15
Marguerite Durasen Samina nobela aztertuko dute ekainaren 18an (osteguna) 19:30ean Zarauzko Garoa liburu-dendan.
Eka
18
15
Janne Tellerren Ezer ez nobelaz ariko dira ekainaren 18an (osteguna) 19:00etan Tolosako kultur etxean.
Eka
18
15
Eider Rodriguezen Itsasoa da bide bakarra saiakerari buruz berba egingo dute ekainaren 18an (osteguna) 19:00etan Larrabetzuko Anguleri kultur etxean.
Eka
18
15
Alice Munroren Zorion handiegia ipuin liburuaz ariko dira ekainaren 18an (osteguna) 18:30ean Getariako Saiaz hotelean.
Eka
18
15
Gerlak anitz umezurtz utzi ditu pausaleku orotan. Eskualduna-ren aburuz bilatu behar da zer egin “Umezurtzen nonbrea bederen ttipitzeko ahalaz, eta heien zorigaitza eztitzeko”. Wilson AEBetako presidenta eta Bryan atzerri-ministroaren arteko liskarra bildu du kazetak. Gallipoli garaipen gisara ageri da. Aurreko ostiralean, Parisen mundu bat omen zen Bihotz-Sakratuaren Pariseko elizan, gizon anitz, gehienak soldaduak, eta kronikariak fermuki gaztigatzen digu, gerra hasiz geroztik kazeta honek ez du ezer txarrik aipatu lehenagoko gure etsai naturalez, gorriez. Gorri batzuk aldiz, gezurrak hedatzen jaioak dira, eta Aita Santuaren inguruan esandakoak gezur hutsa direla salatzen du kazetariak. Hona galdea, frantses zenbaiten begietan katolikoak ez ote dira Alemanak baino etsaiago?
Eka
18
15
Jon Bilbaoren Kometaren eraginpean aztertuko dute ekainaren 18an (osteguna) 18:00etan Bilbon, Foru Liburutegian.
Eka
17
15
Irati Jimenezen Nora ez dakizun hori nobelaz berbetan ariko dira ekainaren 17an (asteazkena) 19:30ean Leioako liburutegian.
Eka
17
15
Maider Agirrerekin Bihotzero nobelaz ariko dira ekainaren 17an (asteazkena) 19:00etan Arrasateko Kulturaten.
Eka
17
15
Virgina Woolfen Dalloway andrea aztertuko dute ekainaren 17an (asteazkena) 18:15ean Arrasateko Kulturaten.
Eka
16
15
Maider Agirrek Bihotzero nobela aurkeztuko du ekainaren 16an (asteartea) 19:00etan Tolosako kultur etxean.
