Urr 26 16
Feriatzaileak Bergaran
Patxi Larrionekin Feriatzaileak nobelari buruz solas egingo dute urriaren 26an (asteazkena) 19:00etan Bergarako Irizar jauregian.
Urr 26 16
Errezitaldia Tabakaleran
Miren Agur Meabe, Leire Bilbao, Felipe Juaristi, Manuel Rivas, Gonzalo Hermo eta Dolores Tembrasek errezitaldia eskainiko dute urriaren 26an (asteazkena) 19:00etan Donostiako Tabakaleran.
Urr 26 16
Berandu da gelditzeko Zarautzen
Unai Iturriagaren Berandu da gelditzeko nobelaz ariko dira urriaren 26an (asteazkena) 18:30ean Zarauzko liburutegian.
Urr 26 16
33 ezkil, Miren Gorrotxategi
Miren Gorrotxategik 33 ezkil nobela aurkeztuko du urriaren 26an (asteazkena) 10:30ean Donostiako Elkar aretoan.
Urr 25 16
Laranja bat zaborretan Donostian
Patxi Zubizarretak Laranja bat zaborretan irakurraldia eskainiko du urriaren 25ean (asteartea) 19:30ean Donostiako Victoria Eugenian.
Urr 25 16
Izenik gabeko lurrak Andoainen
Urt Zubiaurrerekin Izenik gabeko lurrak ipuin liburuaz ariko dira urriaren 25ean (asteartea) 19:00etan Andoaingo liburutegian.
Urr 25 16
Munduko Poesia Kaiera berriak
Nijole Miliauskaite, Stephane Mallarme eta Miroslav Holub poeten antologiak aurkeztuko dituzte Leire Bilbaok, Josu Landak eta Karlos Cidek urriaren 25ean (asteartea) 12:15ean Donostiako Udal Liburutegi zaharreko Mandas aretoan. Argitaletxea: Susa, Munduko Poesia Kaierak bilduma.
Urr 24 16
Miroslav Holuben poema antologia
Agian ez dira erraz uztartzekoak zientzia eta poesia, bataren arrazoimena eta bestearen sentsibilitatea. Hemen duzu adibide bat: Miroslav Holub (1923-1998), zientzilari inmunologoa. Nazioartean ezagunena den poeta txekiarra duzu, munduko 30 hizkuntza baino gehiagotara itzulia. Munduko Poesia Kaierak bildumarako Karlos Cidek atondu eta euskaratu du antologia bat. “Zientifikoen artean beti ezkutatzen dut poesia idazten dudala”, esan ohi zuen, “zientifikoek maiz ez baitute batere konfidantzarik poetenganako, arduragabeak irudituta”. Holubek eguneroko bizimoduko mintzaira konbinatzen du hizkuntza zientifikoarekin, eta beti da ironikoa errealitateari begiratzeko orduan, stalinismoaren garaiko gizartearen agerpena egiten duenez gero.
Urr 21 16
Hauts haietatik Ean
Unai Villenaren Hauts haietatik nobelaz jardungo dute urriaren 21ean (ostirala) 19:30ean Eako Eskolondon.
Urr 21 16
Makusoren errezitaldia Donostian
Juan Ramon Makusok errezitaldia egingo du urriaren 21ean (ostirala) 19:00etan Donostiako Koldo Mitxelena kulturunean. Musika: Jon Makuso.
Urr 20 16
Gizajoen katalogoa Sopelan
Joxean Agirreren Gizajoen katalogoa nobelaz berba egingo dute urriaren 20an (osteguna) 19:00etan Sopelako kultur etxean.
Urr 20 16
Mallarme lehen aldiz euskaraz
Josu Landaren itzulpenari esker, Stephane Mallarme (1842-1898) poeta frantsesaren obraren antologia bat badaukagu euskaraz, Munduko Poesia Kaierak bilduman argitaratua. Poesiaren historiako handienetako bat da Mallarme, XIX. mendeko gailurra eta geroko abangoardien aurrekaria. Sinbolismoa gainditu eta inpresionismoaren hastapena abiatu zuen. Sintaxi esperimentala, erritmoaren zentzu aparta, sonoritatearen lilura, hitzek sortzen dituzten efektuak eta sentipenak, irudi txundigarriak… dira haren poetikaren ardatzak eta helburuak. Horregatik dira konplexuak Mallarmeren lanak. Dado Kolpe batek sekula ez du abolituko Zoria (1897) da ziur aski pieza harrigarriena. Fauno baten arratsaldea (1865) poeman oinarritutako obra musikala konposatu zuen Debussy musikariak.
Urr 19 16
“Porto” errezitaldia Bilbon
Harkaitz Canok eta Mursegok “Porto” errezitaldia egingo dute urriaren 19an (asteazkena) 20:00etan Bilboko Arriaga antzokian.
Urr 19 16
X hil da Leioan
Alaine Agirreren X hil da nobelari buruz mintzatuko dira urriaren 19an (asteazkena) 19:30ean Leioako liburutegian.
Urr 19 16
Umeek gezurra esaten dutenetik Durangon
Uxue Apaolazaren Umeek gezurra esaten dutenetik ipuin liburuaz mintzatuko dira urriaren 19an (asteazkena) 19:30ean Durangoko liburutegian.