Literatur Emailuak

Api 30 17

33 ezkil Ondarroan

Miren Gorrotxategirekin 33 ezkil nobelari buruz berba egingo dute apirilaren 30ean (igandea) 11:00etan Ondarroako Arrigorrin.

Kategoriak: agenda.

Api 29 17

Zinemagilea, ilustratzailea, sortzaile oparoa eta, ororen gainetik, euskal kulturaren aldeko lan izugarria egindakoa. Lan konprometitu eta eskuzabala. Politikoa eta profesionala. Hori eta gehiago izan da Juanba Berasategi. Bidaide izan duguna Susa literatura argitaletxean, mugarri bat baino gehiago jarria da animaziozko zinemaren alorrean. Euskarazko zinemagintzan. Sormen lanaz gain, orobat, produkzio eta industriaren egiturak eratzen jardun zuen. Oh Euzkadi aldizkariko proiektuan hasieratik zegoena, betidanik izan du literaturarekin harreman estua. Ilustrazioak, azalak eta, azken lana, Uhartearen Altxorra erakusketa, Haur eta Gazte Literaturaren ingurukoa. Juanba Berasategik utzi gaitu, hura gabeko bidea egiten ikasi beharko dugu. Bidaia on.
[Uhartearen Altxorra erakusketaren paneletako batzuk ikus ditzakezu jarraian] (gehiago…)

Kategoriak: hilberriak.

Api 29 17

Poz aldrebesa Bilbon

Juanjo Olasagarrerekin Poz aldrebesa nobelaz mintzatuko dira apirilaren 29an (larunbata) 12:30ean Bilboko Biba!n.

Kategoriak: agenda.

Api 29 17

3 Mariak Ondarroan

Arantxa Urretabizkaiaren 3 Mariak nobelaz mintzatuko dira apirilaren 29an (larunbata) 10:00etan Ondarroako liburutegian.

Kategoriak: agenda.

Api 28 17

Larrua Iruñean

Curzio Malaparteren Larrua aztertuko dute apirilaren 28an (ostirala) 19:30ean Iruñeko Katakraken.

Kategoriak: agenda.

Api 28 17

Jaioren testuen irakurraldia Iruñean

Karmele Jaioren liburuetako pasarteak irakurriko dituzte apirilaren 28an (ostirala) 8:15etik 13:45era Iruñeko Biurdanan.

Kategoriak: agenda.

Api 27 17

Antonio Gramsciren sei gutun

Apirilaren 27 honetan laurogei urte betetzen dira Italiak eman duen pentsalari argienetakoa dugun Antonio Gramsci hil zela. Torinon, ikasle zela, mugimendu sozialak ezagutu zituen, langileriaren egoera. Borrokan murgildu zen eta 1921ean Italiako Alderdi Komunista sortu zuen Palmiro Togliattirekin. Bost urte geroago atxilotu zuten. “Eragotzi behar dugu hogei urtez garun honek funtzionatzea”, fiskalaren eskaera gardena. “Nire lana, mediku faxista gisa, ez da zu bizirik gordetzea”, presondegiko medikuaren aitortza. Zortzi urteko giltzapea nahikoa izan ziren gorputz ahula hondatzeko. Ez ordea garuna: irakurri, ikertu, aztertu, pentsatu eta proposatuz, marxismoa arnasberritzen eman zuen itxialdia (Coaderni del Carcere, 1972, Togliattiren edizio zaharrean kendutako pasarte guztiak barne), eta egun indarrean dauden bloke soziala eta proletalgoaren hegemonia kontzeptuak garatu zituen, besteak beste. Indarra erabiliz, dominazioa erdietsi genezake; kontsentsua erabiliz, hegemonia. Koaderno eta gutun politikoak ez ezik, gutun pertsonal ugari idatzi zuen, eta Gramsciren alderdi hori eskaini nahi izan dizuegu, bere haurren heziketaz kezkatutako guraso gisa egindako batzuk euskaratuta Sei gutun kartzelatik izendatu dugun bildumatxoan.

Kategoriak: euskarari ekarriak, urteurrenak.

Api 27 17