Api 14 18
Haztamuka Bartzelonan
Dol i sol / Haztamuka errezitaldi poetikoa eskainiko du Luisa Etxeberriak apirilaren 14an (larunbata) 19:00etan Bartzelonako Sant Agusti kulturgunean. literaldia.cat
Api 13 18
Felipe Riusen Metropoli Forala
Apirilaren 13an hil zen Felipe Rius idazle eta kazetari iruindarra, 56 urte zituelarik. Argitaratu zituen Bi argazki eta hainbat polaroid narrazio-liburuaz (1999, Pamiela) eta Zinema japoniarra saiakeraz gain (1999, Alberdania), kolaborazio ugari kaleratu zituen hedabideetan. Guk, haren oroigarri, 1991tik 1999ra Euskaldunon Egunkariako Nafarkaria gehigarrian argitaratutako 70 artikulu bildu ditugu, sailari izena ematen zion Metropoli Forala tituluarekin.
Api 12 18
Azala erre Donostian
Danele Sarriugarte eta Kattalin Miner Azala erre nobelari buruz arituko dira solasean apirilaren 12an (osteguna) 19:30ean Donostiako Ernest Lluch kultur etxean.
Api 12 18
Maitea Markinan
Toni Morrisonen Maitea liburuaz arituko dira Antton Garikanorekin apirilaren 12an (osteguna) 19:00etan Markina Xemeingo herri liburutegian.
Api 12 18
Jenisjoplin Zestoan
Uxue Alberdiren Jensijoplin nobelari buruz solas egingo dute apirilaren 12an (osteguna) 19:00etan Zestoako Portalen.
Api 12 18
Munduko Poesia Kaier berriak
Munduko Poesia Kaier berriak aurkeztuko dituzte apirilaren 12an (osteguna) 11:30ean Donostiako Udal Liburutegi Zaharreko sotoan. Ezra Pound (Itzultzailea: Luigi Anselmi) eta Al Berto (Itzultzailea: Joxemari Sestorain). Argitaletxea: Susa.
Api 12 18
Zu entzuteko gaude Xabier Mendiguren
Xabier Mendigurenek Zu entzuteko gaude aurkeztuko du apirilaren 12an (osteguna) 11:00etan Donostiako Elkar liburudendan.
Api 11 18
Atertu arte itxaron Leitzan
Katixa Agirreren Atertu arte itxaron liburuaz arituko dira apirilaren 11n (asteazkena) 18:00etan Leitzako liburutegian.
Api 11 18
Al Bertoren errealismo berria
Norma eta arau orokortuetatik aparte bizi izan zen, eta hala, bazterrekoaren etiketa atxiki izan zaion poeta da Al Berto. Izen handien zerrendetan ageri ez bada ere, goi mailako poeta da. Errealismo berria deitutako korrontean sailkatua, errealismo gordinaz gain (gorputza…), lirismoa eta beste zenbait elementu biltzen da haren poesian. 50 urte bete aurretik hil zen, 1997an, minbiziak jota. Joxemari Sestorainek ekarri ditu portugesetik euskarara haren poemak.
Api 10 18
Honetara ezkero Donostian
Arantxa Iturberekin Honetara ezkero liburuari buruz arituko dira apirilaren 10ean (asteartea) 19:30etan Donostiako udal liburutegian.
Api 10 18
Lauaxeta katalanera itzultzeko tailerra
Lauaxetaren zazpi poema itzuliko dituzte katalanera apirilaren 10ean (asteartea) 19:00etan Bartzelonako Nafarren etxean egingo duten tailerrean. Literaldia.cat
Api 10 18
Ezra Pounden poemak
Poeta gutxi dira XX. mendean Ezra Pounden garrantzia eta prestigioa eskuratu dutenak. Belaunaldi Galduko kide, berritasunaren eta hausturaren poetika bultzatu zuen, kiritikariek “berritasunaren tradizioa” deitu duten ildoan. Jaiotzez estatubatuarra, Europara aldatu eta Londres, Paris eta Italian bizi izan zen. Unibertso poetiko erraldoi baten egilea, euskarara ekarri ditu haren poemak poesia-itzultzaile ez ezik poeta ere baden Luigi Anselmik.
Api 09 18
Atertu arte itxaron Eibarren
Katixa Agirreren Atertu arte itxaron izango dute berbagai apirilaren 9an (astelehena) 19:00etan Eibarreko Portalea kultur etxean.
Api 09 18
Literatur errepublika
Literaldia 2018an
Bartzelonako Euskal Etxeak hutsik gabe jarraitzen du urteroko Literaldia antolatzen. Liburu ginkana batekin eman zioten hasiera iragan apirilaren 6an, kantu afariarekin segi biharamunean eta Lauaxeta katalanera itzultzeko tailerrarekin jarraitu dute asteon. Dol i sol / Haztamuka errezitaldi poetikoa eskainiko du Luisa Etxeberriak apirilaren 14an. Kirmen Uribek Zaldiak eta beren itzalak errezitaldi poetikoa eskainiko du apirilaren 16an. Koldo Izagirrek berriz, Literaldian aurkeztuko du du Que vol foc, Mr Churcill? liburua, Sua nahi, Mr. Churcill? katalanera itzuli ostean. Bartzelonan eta Mallorkan egingo ditu aurkezpenak. Iban Zaldua apirilaren 24an mintzatuko da bertako literaturzaleen aurrean.
Api 01 18
Manuel de Pedroloren mendeurrena
1918ko apirilaren 1ean jaio zen, duela mendebete, Manuel de Pedrolo idazlea. Erreferentzia ezinbestekoa Kataluniako literaturan, 36ko gerra galtzetik eta kontzentrazio-eremutik onik ateratako militantea idazle egin zen, antzerki-obrak eta eleberriak batik bat. 1969an euskaratu zen haren lanik, Salbador Garmendiak Egan aldizkarian Gizonak eta Ez antzezlana, eta Elkar argitaletxeak 1989an Bigarren jatorriko makinaizkribua zientzia fikziozko eleberria plazaratu zuen, Jokin Lasak itzulia. Biak ere osorik irakur daitezkeenak.