Api
24
18
Susa argitaletxeak 2001ean sortutako Kritiken Hemerotekan 7.000 liburu kritika batu ditugu dagoeneko. Astero argitaratzen diren kritika berriak biltzeari ekin genionetik gure literaturaren ekosisteman -argitaletxeak, idazleak, irakurle taldeak…- funtsezkoa bilakatu den tresna da Kritiken hemeroteka.
2011. urteko maiatzean 5.000 batu genituela kontatzen genuen orduko Literatur Emailuan, eta azken 7 urteotan beste 2.000 liburu kritika gehitu dizkiogu hemerotekari, horietarik 389 itzulpenei buruzkoak dira eta gainontzeko 1611 sortzezkoak.
Hedabideka sailkatuta; azken zazpi urteotan Berria egunkariko 440 liburu kritika jaso ditugu, Vocento taldeko egunkarietan 344, Argia aldizkarikoak 263, Garan 196 eta beste 160 liburu kritika Deia eta Noticias taldeko egunkarietan.
Api
23
18
Alberto Barandiaran, Miren Rubio eta Iñigo Astizek Ez duzu abusatuko liburua aurkeztuko dute jendaurrean apirilaren 23an (astelehena) 20:00etan Bilboko Biran.
Api
23
18
Jose Inazio Basterretxearen Begoñaren itzalpean izango dute mintzagai apirilaren 23an (astelehena) 18:30ean Galdakaoko Topa tabernan.
Api
22
18
Apirilaren 22an hogeita hamar urte Tchicaya U’Tamsi hil zela. Gérald-Félix Tchieuyo sortzez, bantua, Andre Gidek bisitatu eta salatu zuen Congo zanpatu hartakoa, Frantziako lehen diputatu beltzaren semea. Hamabost urteko Parisen. Baxoa amaitu eta aitagandik urrundu, bizimodua han eta hemen atereaz. Negritudeak gizaki beltzak jazza, soula, dantza eta kirola ez beste erreferentziak zeuzkala, beltza «afroa» zela agertu zioten munduari, kultura handi eta sakon baten oinordekoa zela. U’tamsik ordea kongotarra zela aldarrikatu zuen beti, ez afrikarra, errealitate gordin bati atxikia zela eta hartaz arduratua. Idatzia utzi zuen «belztasuna» aldarrikatzea kolonizatzailearen ikuspuntua hartzea zela. Iraultza bat suposatu zuen letretan negritudearen ukoak, besteak beste, U’tamsik bere lehen lanarekin erakutsi zuelako posible zela bestela idaztea (Epitomé, 1962). Sorterrira itzulirik, liberazio mugimenduaren egunkaria zuzendu zuen harik eta Europako potentziek Patrice Lumumba akabarazi zuten arte lider panafrikarra bihurtu aitzin. Parisera erbesteratu behar izan zuen U’tamsik. Urtebeteren buruan kolonialismotik independentziara eta independentziatik neokolonialismora, egundaino. “Bere herriari mintzo zaion hostotxoa” errealista, fabulatzaile, liriko eta surrealista izan liteke batera, sailkatzeko zaila beti ere, konplexua eta ederra izugarri: idazle handi bat. Hona bere bi poema.
Api
22
18
Maddi Zubeldiak Oroitzen naizeino obraren irakurketa antzeztua eskainiko du apirilaren 22an (igandea) 18:00etan Hazparneko Mediatekan.
Api
21
18
Jean Louis Davant idazleak Frantzia eta nazioa izango ditu hizketagai apirilaren 21ean (larunbata) goizeko 10:00etan Mauleko Mediatekan, Barnekaldeko Irakurle Klubak gomitaturik.
Api
20
18
Joxean Agirre Goldsmithen ikaslea nobelari buruz solastko da apirilaren 20an (ostirala) 20:00etan Iruñeko Zaldiko Maldikon.
Api
20
18
Koldo Izagirrek Que vol foc, Mr Churchill? aurkeztuko du apirilaren 20an (ostirala) 19:30etan Palmako Drac Màgic liburudendan. Antolatzaileak: lleonardmuntanereditor.cat eta Literaldia.
Api
20
18
Oier Guillanen Zauri Bolodia hizketagai izango da apirilaren 20an (ostirala) 19:30ean Eako Eskolondon.
Api
20
18
Izaskun Gracia Quintanak Ohe Hutsetan poema liburua aurkeztuko du apirilaren 20an (ostirala) 19:00etan, Irungo Bront? liburudendan.
Api
20
18
Pako Aristik Arrotz eta eder poema liburuaren errezitaldia egingo du Itziar Gomezekin batera apirilaren 20an (ostirala) 19:00etan Donostiako San Telmo museoan. Idazle Eskola
Api
20
18
Izaskun Gracia Quintanak Ohe hutsetan poema liburua aurkeztuko du apirilaren 20an (ostirala) 11:30etan Donostiako Udal Liburutegi Zaharreko sotoan. Argitaletxea: Balea Zuria.
Api
19
18
Maddi Zubeldiak Oroitzen naizeino lanaren irakurketa antzeztua eskainiko du apirilaren 19an (osteguna) 20:30ean Kanboko Mediatekan. Elepika.
Api
19
18
Xabier Mendiguren eta Andoni Tolosa Morau kontu kantari arituko dira apirilaren 19an (osteguna) 19:30ean Donostiako Ernest Lluch kultur etxeko areto nagusian. Zu entzuteko gaude liburuaz arituko da Mendiguren, eta Egunsentiak alperrentzat diskoko kantuak eskainiko ditu Morauk.
Api
19
18
Asier Serranorekin Sormenaren geografiara itzulera izango dute berbagai apirilaren 19an (osteguna) 19:00etan Bilboko Foru liburutegiko hitzaldi aretoan.
