Ira 28 23
Oihane Amantegiren Ibaiertzeko ipuina Zarautzen
Oihane Amantegiren Ibaiertzeko ipuina mintzagai hartuko dute irailaren 28an (osteguna) 18:30ean Zarauzko Sanz enea liburutegiko irakurle taldean.
Ira 27 23
Eneko Bidegain Bichta Éder Donostian
Eneko Bidegainek Bichta Éder nobelari buruz solas egingo du irailaren 27an (asteazkena) 19:00etan Egiako kultur etxean.
Ira 27 23
Mendeurrena Bernard Mancietek
Okzitanierazko poesiaren gailurrean dago Bernard Manciet, 1923ko irailaren 27an Sabresen jaioa. Kultur sustatzailea, Oc aldizkarian eragilea, poesian eta prosan jardun zuen idazlea izan zen Manciet. Baita antzerkian ere, sarritan bere testuen eszenaratzeetan parte hartuz. Burua testua itzuli zuen 1957an Jon Mirandek, Euzko Gogoa aldizkarian, eta okzitaniarra gurean ezagunagoa egin zuen testua, Lo Dider de Guernica, Luzien Etxezarretak 1994an, Maiatz aldizkarian, Gernikaren erranak. 2005ean, idazlearen heriotzaren kari, artikulua eskaini zion Maiatzen. Bere jaiotzaren mendeurrena dela, bildu ditugu testuok.
Ira 26 23
Eider Rodriguez Eraikuntzarako materiala Tolosan
Eider Rodriguezek idatzitako Eraikuntzarako materiala nobelari buruz solasean arituko dira irailaren 26an (asteartea) 19:00etan Tolosako kultur etxean. Gidaria: Yurre Ugarte. Galtzaundi.
Ira 26 23
Josu Jimenez Maia Hitzen hasperenak Iruñean
Josu Jimenez Maiak idatzitako Hitzen hasperenak liburua izanen dute mintzagai irailaren 26an (asteartea) 19:00etan Iruñean, Nafar Anteneoan. Joxemiel Bidador poesia taldea.
Ira 26 23
Testu feministen itzulpengintza: borrokarako beste tresna bat? mahaingurua Donostian
Amaia Astobiza Uriarte, Ana Morales Carro, Danele Sarriugarte Mochales Testu feministen itzulpengintza: borrokarako beste tresna bat? mahaingurua egingo dute irailaren 26an (asteartea) 18:00etan Donostiako Tabakaleran. EIZIE.
Ira 24 23
Bergarako Idazle Eskolaren Ilunabar literarioa Antzuolan
Bergarako Idazle Eskolak antolatuta Ilunabar literarioa egingo dute irailaren 24an (igandea) 18:30ean Antzuolako Aitz garbi tabernan.
Ira 22 23
Jon Beistegik euskarari ekarritakoak
Duela 30 urte, 1993ko irailak 22 zituela, hil zen Jon Beistegi Ugalde idazle eta itzultzailea. 36ko gerra aurretik Eusko Alderdi Jeltzaleari engaiatua, Eusko Gudarosteko Loiola batailoian komandante izan zen gerra garaian (366 egun borrokan Euzkadiren alde liburuan utzia du horren lekukotza). Espetxealdia igarota, Eibarrera itzuli zen familiaren lantegian lanera (BH bizikleta enpresa), eta idazteari lotu zitzaion, poemak eta artikuluak Euzko Deya, Eibar, Euzkadi, Euzko Gogoa eta beste zenbait agerkaritan. Idatzi eta, bereziki, itzuli. Euskarari hainbat poema ekarri zizkion, ingelesetik batez ere (Keats, St. Vincent Millay, Burns, Poe…) , baita gaztelaniatik ere (Florez, Carranza…), ia denak Olerti aldizkarian argitara emanak. Bere heriotzaren urteurrenean, hemen bildu ditugu poemok.
Ira 21 23
Iban Zaldua eta Mice Ipuina engainua da Baionan
Iban Zalduak Ipuina engainua da irakurraldi musikatua egingo du Mice musikariarekin irailaren 21ean (osteguna) 19:30ean Baionako Biltxoko elkartean. Mintzalasai.
Ira 20 23
Iñigo Martinez Pantailen garaipena Deustun
Iñigo Martinez Peña Pantailen garaipena saiakerari buruz solasean arituko da irailaren 20an (asteazkena) 19:30ean Deustuko Müllerren. Berbaizu.
Ira 20 23
Leslie Feinberg Mari-mutil handi baten bluesa Irurtzunen
Leslie Feinberg idazlearen Mari-mutil handi baten bluesa izango dute mintzagai irailaren 20an (asteazkena) 19:00etan Irurtzungo Pikuxar elkartean.
Ira 15 23
Bernat Etxepare omenduko dute Duzunaritze-Sarasketan
Bernat Etxepare idazleari buruzko Linguae Vasconum primitiae (1545) mintzo den liburua. Euskaldunen hizkuntzaren hastapena hitzaldia eskainiko dute Aurelia Arkotxa eta Philippe Chareyrek irailaren 15ean (ostirala) 18:00etan Duzunaritze-Sarasketako Etxartian. Hergarai bizi.
Ira 14 23
Lydia Davisen Terapia
Ipuingile eta itzultzaile zaildua dakarkigute Leire Lakasta Mugeta, June Lete Larrañaga, Oiher Urrutia Bailarena eta Maddi Zabalo Mateosek: Lydia Davis estatubatuarra. Dozena erdi ipuin-bilduma argitara emandakoa, hala kritikaren nola publikoaren ezagutza jasoa da. Hauxe duzue euskarari ekarritako bere lehen lana, Terapia.
Ira 14 23
Amets Arzallus Miñan Ozaetako Garaion gunean
Amets Arzallus Ibrahima Balderekin idatzitako Miñan liburuari buruz arituko da berbetan irailaren 14ean (osteguna) 18:30ean Ozaetako Garaion gunean. Artedrama.
Ira 13 23
Miroslav Holuben mendeurrena
Ehun urte Miroslav Holub idazle txekiarra jaio zela 1923ko irailaren 13an. Zientzialaria eta poeta, diziplina biak uztartzen jakin zuen, baina zientzia-gaiak ez ezik, humanista antzinakoen erara, espiritu eta so ireki eta zabalekoa izan zen, eta horregatik, munduarena eta jendearena den orok zuen kezkatu. Maite Gonzalez Esnalek eskarri zuen euskarara lehenbiziko, 4 poema Hegats aldizkarian, 1991n, eta 2016an poema antologia eskaini zigun Karlos Cidek Munduko Poesia Kaierak bildumaren baitan.