maiatza 16 08
Souvenir, Castillo Suarez
Castillo Suarezek Souvenir poema liburua aurkeztuko du maiatzaren 16an (ostirala) 11:00etan Donostiako Elkar liburudendan. Argitaldaria: Elkar.
maiatza 15 08
Ertzetako komunukazioak, Gorka Setien
Gorka Setienek Ertzetako komunukazioak poema liburua aurkeztuko du maiatzaren 15ean (osteguna) 19:30ean Oreretako Mikelazulo elkartean.
maiatza 15 08
Luigi Anselmiren poesia kaiera
Zoo ilogikoa (1985, Pamiela) liburuarekin abiatu zuen bere mundu poetikoa Luigi Anselmik. Piztiak ziren protagonista: lipuek hiria setiatzen dute, ihes egiten dute hegaztiek, izar bat da armiarma… Hurrengo poema batzuetan ardoa maila liriko batean kokatu zigun: egarria asetzeko edaten du eta, hala ere, berriz edatera behartua da; poetaren egarria, hau da, maitasun premia eta edertasun nahia ase-ezina delako. Ardoak gure oinazea eztitu du, kontsolagarri izan zaigu, eta idazlea edan-urrien aurka mintzatuko da, uler bedi zuhurtzia burgesaren kritikan. Koldo Izagirrek Anselmiren obraren antologia bat apailatu zuen 2002an XX. mendeko poesia kaierak bilduman, eta huraxe duzu asteon osorik sarean emana.
maiatza 14 08
Erlojuen mekanika Oreretan
Jose Luis Otamendik Erlojuen mekanika poema liburuan oinarritutako errezitaldia egingo du maiatzaren 14an (asteazkena) 19:30ean Oreretako Mikelazulo elkartean.
maiatza 14 08
Zulo bat uretan Donostian
Iñigo Aranbarri Zulo bat uretan nobelaz mintzatuko da maiatzaren 14an (asteazkena) 19:00etan Donostiako FNACen.
maiatza 13 08
Kilkerren hotsak nobelaren
lau kapitulu italieraz
Edorta Jimenezen Kilkerren hotsak (2003) nobelaren 7-8-9-10 kapituluak italierara itzulirik bidali dizkigu Roberta Gozzik: Il canto dei grilli. Duela urte batzuk Jimenezen bi nobela plazaratu zituen Tranchida argitaletxeak Milanon: L’ultimo fucile 2004an (Azken fusila, 1993) eta La voce delle balene 2003an (Baleen berbaroa, 1999).
maiatza 12 08
Literatur Astea Zarautzen
Zarauzko Azken Portu auzuneko ekitaldi aretoan Literatur Astea egingo dute datorren astean, maiatzaren 19tik 22ra bitartean, egunero 20:00etan. Astelehenean Hasier Etxeberriak Anjel Lertxundi elkarrizketatuko du; asteartean Harkaitz Canoren Arraroagoa da idazten ez duen jendea hitzaldia; asteazkenean Koldo Izagirreren Greenwichekoa ez da meridiano bakarra hitzaldia; eta ostegunean Jose Luis Otamendiren poema liburu berrian oinarritutako errezitaldia: Erlojuen mekanika.
maiatza 09 08
Jeans-ak hozkailuan Iruñean
Patxi Zubizarretaren Jeans-ak hozkailuan nobelaz jardungo dute maiatzaren 9an (ostirala) 20:00etan Iruñeko irakurle taldean (Zaldiko Maldiko).
maiatza 07 08
Zubigilea Deustuan
Lutxo Egiaren Zubigilea nobela mintzagai izango dute maiatzaren 7an (asteazkena) 20:00etan Berbaizu euskara elkartearen irakurle klubean.
maiatza 07 08
Altzateko Jaun-en kontu zaharra, Pio Baroja
1922an argitaratu zuen Pio Barojak La Leyenda de Jaun de Alzate antzerki-lan edo eleberri dialogatu kontsidera genezakeena. Gai historiko-mitologikoa lantzen duena, iragan erdiarotar batean Altzateko Jauna du protagonista, Bidasoa inguruan bere dorretxean bizi den heroia, gerlaria, naturarekin bat eginez bizi den gizarte batean. Kontrakarrean kristautasunaren presioa duen gizartea. Altzateko Jaunaren elezaharra asmatu zuen Barojak, mundu pagano eta kristaua talkan jarriz. Pertsonaia estandarragoen aldamenean, Xagit eta Basurdi bezalakoek xarma eransten diote inspirazio poetikoa ere baduen lan honi —kantuak, jainko paganoen aipamenak…—. Baroja argitaletxeak 1986an plazaratu zuen, Altzateko Jaun-en kontu zaharra, Patxi Apalategik euskaratua, orain osorik eskaintzen dizuguna. Ez zen izan, hala ere, Barojaren lana euskaraz jarri zen lehen aldia. XV. atala Euzko Gogoak kaleratu zuen, 1955eko zenbakian, Antonio Iturriotz eibartarrak euskaratua. Eta 1979ko abenduaren 21ean Donostiako Antzoki Zaharrean jokatu zen Altzateko Jauna obra, Maria Dolores Agirrek eta Felipe Jurramendik Barojarenetik euskaratu eta moldatua. Obra hau on-line jarri genuen Armiarman, Maria Dolores Agirreren jaiotzaren mendeurrena zela-eta hari eskainitako artikuluan, 2003ko abenduaren 12an.
Api 30 08
Haragia Bilbon
Eider Rodriguezen Haragia narrazio liburuaz solasaldia izango da apirilaren 30ean (asteazkena) 20:00etan Txurdinagan (AEKren euskaltegian) Asapala irakurle tartean.
Api 30 08
Mugarri estaliak Donostian
Castillo Suarezen Mugarri estaliak poema liburuan oinarritutako ikuskizuna eskainiko dute apirilaren 30ean (asteazkena) 19:30ean Donostiako Koldo Mitxelena kulturunean. Antolatzailea: Euskal Idazleen Elkartea.
Api 30 08
Errotarria, Jokin Urainen kronika bilduma
La Moraleja presondegian, Mario Artolaren laguntzaz Jokin Urainek idatzitako Errotarria kronika bilduma argitaratu zuen Susak 2006ko udazkenean. Errepresioaz, kartzelaz eta deserriaz diharduen liburu hura orain osorik eskaintzen dizugu sarean. Ahots ugarik, gertaera anitzek, pertsona askoren testigantzek bat egin dute hari bakarrean. Aldizkarietatik, liburuetatik, gutunetatik, argazkietatik, espetxeko bisitetatik mintzo zaizkio Uraini, 1936ko gerrako iheslarien eta kondenatuen kontakizunekin abiatu eta gaur arterainokoak.
Api 29 08
8. Poesia Astea Mikelazulon
Mikelazulo elkarteak 8. Poesia Astea antolatu du maiatzaren 9tik 18ra bitartean. Bideo emanaldiak, dokumentalak, arte plastikoa, musika, dantza eta poesia errezitaldiak uztartuko dituzte Oreretako Mikelazulon (Beheko kalea 4). Maiatzaren 9an (ostirala) Periferike dokumentalak; maiatzaren 13an (asteartea) Garabi; maiatzaren 14an (asteazkena) Jose Luis Otamendiren Erlojuen mekanika; maiatzaren 15ean (osteguna) Gorka Setienen Ertzetako komunukazioak liburuaren aurkezpena; maiatzaren 16an (ostirala) Auxtin Zamoraren eta Lorentxo Garmendiaren bideoak eta (H)abiapuntuak errezitaldi kolektiboa; maiatzaren 18an (igandea) 19:00etan Lezoko Gezala auditorioan bi ikuskizun: Metro koadro bat eta Ezeraiketak.
Api 29 08
Zakur kale Arrasaten
Harkaitz Zubiriren Zakur kale narrazio liburuaz ariko dira apirilaren 29an (asteartea) 18:30ean Arrasateko literatur solasaldietan (udal liburutegian).