Eka 04 09
Gose jokoak, Suzanne Collins
Koro Navarro itzultzaileak Suzanne Collinsen Gose jokoak aurkeztuko du ekainaren 4an (osteguna) 12:00etan Donostiako Udal Liburutegiko sotoan. Argitaldaria: Alberdania.
Eka 04 09
Urre urdinaren bila, Jurgi Kintana
Jurgi Kintanak Urre urdinaren bila liburua aurkeztuko du ekainaren 4an (osteguna) 11:00etan Donostiako Udal Liburutegiko sotoan. Argitaldaria: Pamiela.
Eka 03 09
Madariagaren poema liburu berria: Eroriaren logika
Erortzea tragedia bihurtzen da, gero berriz zutitzeko modurik batere ez denean. Ez da zorigaitz beltza, ordea, Eroriaren logika poema liburuaren gaia. Bizitzan izan ohi ditugun jausialdi eta altxa uneez dihardu Juanra Madariagak, une horietako bulkadak eta indarrak deskribatzen dizkigu, maluraren eta atseginaren artean oreka zailari eusteko ahaleginean. Eroriaren logika poema liburua asteon Larrabetzuko Literaturian aurkeztu aurretik, osorik eskaintzen dizugu Susaren webgunean.
Eka 02 09
Off-On, Yolanda Arrieta
Yolanda Arrietak Off-On liburua aurkeztuko du ekainaren 2an (asteartea) 12:00etan Donostiako Udal Liburutegiko sotoan. Argitaldaria: Erein.
Eka 01 09
Bederatzi argitaletxe Literaturian
Asteburu honetan Larrabetzun egingo da lehendabiziko Literaturia jardunaldia. Ekainaren 5ean (ostirala) 20:00etan abiatuko da, Hedoi Etxarteren errezitaldiarekin eta Pettiren musika emanaldiarekin. Ekainaren 6an eta 7an euskal literaturaren azoka izango da; aurtengo argitalpen berriak eramango dituzte bederatzi argitaletxe hauek: Alberdania, Elkar, Erein, Igela, Maiatz, Pamiela, Susa, Txalaparta eta Utriusque Vasconiae. Goizetan liburu aurkezpenak egingo dira, hogei bat idazleren parte hartzearekin; arratsaldez hitzaldiak eta mahai-inguruak; gauez antzerki eta musika emanaldiak. Egitarau osoa hementxe daukazu.
maiatza 29 09
Erlojugilea, Asier Serrano
Asier Serranok Erlojugilea nobela aurkeztuko du maiatzaren 29an (ostirala) 12:00etan Donostiako Elkar aretoan (Fermin Calbeton). Argitaldaria: Txalaparta.
maiatza 29 09
Arrain abisalak, Etxeberria anaiak
Martin eta Xabier Etxeberriak Arrain abisalak nobela aurkeztuko dute maiatzaren 29an (ostirala) 11:00etan Donostiako Elkar aretoan (Fermin Calbeton kalea).
maiatza 28 09
Gainbehera dator dena Gasteizen
Chinua Acheberen Gainbehera dator dena nobelari buruz jardungo dute maiatzaren 28an (osteguna) 20:00etan Gasteizko irakurle klubean (Hikaateneoan).
maiatza 28 09
Mila ezker, Garbiñe Ubeda
Garbiñe Ubedak Mila ezker saiakera aurkeztuko du maiatzaren 28an (osteguna) 11:00etan Donostiako Udal Liburutegiko sotoan. Argitaldaria: Susa.
maiatza 27 09
Aulki-jokoa Santutxun
Uxue Alberdiren Aulki-jokoa nobelaz mintzatuko dira maiatzaren 27an (asteazkena) 20:00etan Santutxuko irakurlearen tartean (Arbidea kaleko AEKn).
maiatza 27 09
Jabier Muguruzaren hitzaldia Donostian
Jabier Muguruzak letra eta musikaren arteko harremanaz hitzaldia eskainiko du maiatzaren 27an (asteazkena) 19:30ean Donostiako Udal Liburutegiko sotoan.
maiatza 27 09
Mila ezker, Garbiñe Ubedaren saiakera berria
Ezkerra baldin bazara, zeu protagonistatzat zaituen liburua aurkitu duzu. Artea, musika, literatura, kirola, logika, matematika, fisika, kimika, genetika, neurologia edo psikiatria gaiak arakatuta, ezkerra izateari buruzko saiakera idatzi du Garbiñe Ubedak: Mila ezker. Surrealisten adiskide zen Julian Ajuriagerra sendagilearen kezkak eta azterketak ezagutuko dituzu. Txundituta geratuko zara Goetheren oinekin. Maurice Ravelek konposatutako esku ezkerrarentzako piano kontzertua entzuteko irrika piztuko zaizu. Lee eta Yang fisikarien ikerketek harrituko zaituzte, Wolfgang Pauliren ateraldi honek bezalaxe: “Jainkoa ez da ezkerra”.
maiatza 26 09
Suzko lilia Gasteizen
Hedoi Etxartek Suzko lilia poema liburuan oinarritutako emanaldia egingo du maiatzaren 26an (asteartea) 20:30ean Gasteizko Parral tabernan. Musika: Andoni Arcilla.
maiatza 26 09
Esanen aduanan Basaurin
Esanen aduanan testu-irakurketa egingo dute Yolanda Arrietak, Leire Bilbaok eta Miren Agur Meabek maiatzaren 26an (asteartea) 19:30ean Basauriko Pozokoetxe kultur etxean.
maiatza 25 09
Hamar mezu eta dei bat Zamudion
Patxi Zubizarretak ikuskizuna eskainiko du maiatzaren 25ean (astelehena) 20:00etan Zamudioko Dorretxean. Musika: Txema Garces eta Josetxo Goia-Aribe.