Urr 24 09
Sarrionandiaren saiakeraz Larrabetzun
Joseba Sarrionandiaren saiakera lanez jardungo du Iñigo Aranbarrik urriaren 24an (larunbata) 10:00etan Literatura Eskolan, Larrabetzuko Anguleri kultur etxean.
Urr 23 09
Musika airean, Karmele Jaio
Karmele Jaiok Musika airean eleberria aurkeztuko du urriaren 23an (ostirala) 11:00etan Donostiako Elkar dendan.
Urr 22 09
Mahai-ingurua Iruñean
Literaturaren bideak etorkizunean mahai-inguruan mintzatuko dira Aingeru Epaltza, Juanjo Olasagarre eta Patziku Perurena idazleak urriaren 22an (osteguna) 19:00etan Iruñeko Elkar aretoan. Moderatzailea: Patxi Gaztelumendi. Antolatzailea: 111 Akademia.
Urr 22 09
Huntza hezur berritan, Juan Ramon Makuso
Juan Ramon Makusok Huntza hezur berritan poema liburua aurkeztuko du urriaren 22an (osteguna) 11:00etan Donostiako Udal Lioburutegiko sotoan. Argitaldaria: Erein.
Urr 21 09
Gotzon Garateri buruz Elgoibarren
Gotzon Garateren literatur obraz hitzaldia egingo du Miel Anjel Elustondok urriaren 21ean (astelehena) 19:00etan Elgoibarko kultur etxean.
Urr 20 09
Eroriaren logika Bilbon
Juanra Madariagak Eroriaren logika poema liburuan oinarrituta errezitaldia egingo du urriaren 20an (asteartea) 19:00etan Bilboko Zabalkunde Eraikuntzako atrioan. Musika: Eneka Albizu.
Urr 19 09
Ihes ederra, Iruñean
Hedoi Etxartek eta Alain M. Urrutiak Ihes ederra irudizko eleberria aurkeztuko dute urriaren 19an (astelehena) 19:00etan Iruñeko La Hormiga Atomican; urriaren 20an (asteartea) 19:00etan Gasteizko Zuloan; eta urriaren 21ean (asteazkena) 11:30ean Bilboko Kafe Antzokian. Argitaldaria: Alberdania.
Urr 17 09
Bar Puerto Bilbon
Kirmen Uribe eta Mikel Urdangarinek Bar Puerto errezitaldia egingo dute urriaren 17an (larunbata) 20:00etan Bilboko Bidebarrietan.
Urr 16 09
Euzkadi merezi zuten
Koldo Izagirreren lehendabiziko nobela da Euzkadi merezi zuten, duela 25 urte argitaratua, eta hala ere gaur egun idatzia balitz bezalako perfekzioz iraun duena denboraren higaturik sufritu gabe, harrigarri moderno estiloaren indarrez. Monarkiatik Errepublikara, altxamendu militarretik gerrara, 20 eta 30eko hamarraldien testigu den mutil baten ahotsaren arrastoan kontatzen dira, sekuentziaka kateatuta, eleberriko gertakariak. Epoka bati buruzko murala konposatzen du narratzaileak, umore eta ironia eztiz eguneroko bizimodua arakatzean, pasadizo krudel eta bortitzetan hunkigarri. Ahoz, bestek kontaturik ezagutu duen mundu erdi rural erdi industriala dakarkigu Izagirrek ikuspegi kritiko bezain maitekorrez: giro katoliko itoa, langileen neke gorriak, garai hobeen esperantza zapuztua. Susa argitaletxeak Euzkadi merezi zuten nobelaren edizio berria plazaratu du.
Urr 15 09
Londres kartoizkoa da Larrabetzun
Unai Elorriagak Londres kartoizkoa da nobela aurkeztuko du urriaren 15ean (osteguna) 20:00etan Larrabetzuko Literaturaz Berbetan irakurleen bilgunean (Anguleri kultur etxea).
Urr 15 09
Herioa eta Dontzeila Donostian
Ariel Dorfman-en Herioa eta Dontzeila antzezlanaren irakurketa dramatizatua egingo dute Ramon Agirrek, Itziar Ituñok eta Asier Sotak urriaren 15ean (osteguna) 19:30ean Donostiako Dokan. Testuaren euskaratzailea: Fito Rodriguez.
Urr 15 09
Mahai-ingurua Gasteizen
Literaturaren bideak etorkizunean mahai-inguruan parte hartuko dute Katixa Agirre, Iban Zaldua eta Patxi Zubizarreta idazleek urriaren 15ean (osteguna) 19:00etan Gasteizko Elkar aretoan. Moderatzailea: Ibon Egaña. Antolatzailea: 111 Akademia.
Urr 15 09
Ihes ederra, Etxarte/Urrutia
Hedoi Etxartek eta Alain M. Urrutiak Ihes ederra irudizko eleberria aurkeztuko dute urriaren 15ean (osteguna) 11:00etan Donostiako Bukowski tabernan.
Urr 15 09
Zaindu zeure burua, Gulliver
Jonathan Swiftek Lemuel Gulliver goitizenez argitaratu zuen Gulliver-en bidaiak nobela satirikoa 1726ko urriaren 26an, Travels into Several Remote Nations of the World izenburuarekin. Gulliver sendagileak, gero itsasontzi kapitain bilakatuko zenak, lau bidaia kontatzen ditu: Lilliputera aurrena (1699-1702), Brobdingnagera bigarrena (1702-1706), hirugarrena Laputara (1706-1710), azkenik Houyhnhnmera (1710-1715). Literatura Unibertsala bildumako lehen zenbakia izan zen Gulliver-en bidaiak (Ibaizabal, 1990eko abendua), Iñaki Mendigurenek itzulia. Inoizko eleberririk ezagunenetakoa da, zinemara sarritan eramana: Georges Melies, Aleksandr Ptuxko, Dave Fleischer, Jack Sher, Hanna-Barbera, Peter R. Hunt… eta datorren urtean estreinatuko dute Rob Lettermanek errodatutako berria. Nobela honi erreferentzia egiten dioten bi poema liburu badira gure literaturan: Joseba Sarrionandiaren Hnuy illa nyha majah Yahoo (adiozko “Zaindu zeure burua, yahoo jator hori” esan nahi duena euskaraz) eta Xabi Bordak oraintxe plazaratua bestea: Gulliverren lokarriak
Urr 14 09
Urperatze handia, Karlos Linazasoro
Karlos Linazasorok Urperatze handia eta Alberto Ladron Aranak Ahaztuen mendekua eleberriak aurkeztuko dituzte urriaren 14an (asteazkena) 11:00etan Donostiako Elkar dendan.