Aza 25 09
Suminez Arrasaten
Philip Rothen Suminez nobelaz jardungo dute azaroaren 25ean (asteazkena) 18:30ean Arrasateko Kulturaten. Gidaria: Mikel Ayerbe.
Aza 25 09
Iratzeen esporak, Igor Estankona
Igor Estankonak Iratzeen esporak poema liburu berria aurkeztuko du azaroaren 25ean (asteazkena) 11:30ean Bilboko Elkar aretoan (Pozas kalea). Argitaldaria: Susa.
Aza 24 09
Bi marra arrosa, Jasone Osoro
Jasone Osorok Bi marra arrosa liburua aurkeztuko du azaroaren 24an (asteartea) 12:00etan Elkar aretoan. Argitaldaria: Txalaparta.
Aza 24 09
Zureak egin du, Iñaki Friera
Iñaki Frierak Zureak egin du nobela berria aurkeztuko du azaroaren 24an (asteartea) 11:00etan Donostiako Udal Liburutegiko sotoan. Argitaldaria: Susa.
Aza 24 09
Zureak egin du, Iñaki Frieraren nobela berria
Iñaki Frieraren Zureak egin du nobelak premiazko amarru baten istorioa kontatzen du, thriller gisako matazan endredatu den kazetari baten ikerketak aletuz. Zenbat eta sakonago arakatu, orduan eta bihurriago korapiloak, askatu ordez trinkotu egingo balira bezala. Kazetariari gutun anonimoa heldu zaio erredakziora, emakumeen aurkako indarkeriari buruzko erreportajea idazteko enkargua hartu eta segituan; eta gutun anonimoan bideo-irudi hauek: gizonezko batek kotxe baten atea zabaldu, barruko andrea bortizki atera, ileetatik tiratuz lurrera bota du eta ostikoka hasi zaio. Isilgordeko mezu honen argudioak zein diren argitzeko gutizia piztu zaio kazetariari. Irentsi du amua!
Aza 23 09
Gaueko gezurrak Donostian
Gesualdo Bufalinoren Gaueko gezurrak liburuari buruz jardungo dute azaroaren 23an (astelehena) 19:30ean Donostiako literatur solasaldietan, Udal Liburutegiko sotoan. Gidaria: Juan Luis Zabala.
Aza 23 09
Mendiko behatokia, Pello Zabala
Pello Zabalak Mendiko behatokia saiakera aurkeztuko du azaroaren 23an (astelehena) 12:30ean Udal Liburutegiko sotoan. Argitaldaria: Alberdania.
Aza 20 09
Xahmaran, Jon Arretxe
Jon Arretxek Xahmaran liburua aurkeztuko du azaroaren 20an (ostirala) 12:00etan Donostiako Udal Liburutegiko sotoan. Argitaldaria: Erein.
Aza 19 09
Mahai-ingurua Hazparnen
Gaurko literaturaz mahai-inguruan mintzatuko dira Eñaut Etxamendi, Nora Arbelbide, Marikita Tambourin eta Piarres Aintziart azaroaren 19an (osteguna) 20:30etan Hazparneko Elgar aretoan. Gidaria: Luzien Etxezaharreta.
Aza 18 09
Igor Estankonaren poema berriak: Iratzeen esporak
Laugarren poema bilduma aurkeztuko du Igor Estankonak azaroaren 25ean (asteazkena) 11:30ean Bilboko Elkar aretoan (Poza kalean). Istorio gehienak gauza zirraragarriekin hasten diren bezala, halaxe hasten da liburu berria: bat-batean airean hedatu diren iratzeen esporekin. Ikusten ez dena baina izan badena deskribatzen du Estankonak, eta pentsamenduak maiz ezkutatu egiten duena esan. Zoriona, zalantzak, errepresioa, maitasuna… lerro bakoitza, behin eta berriro landua, grinen eta hotzikaren ispilu da. Emeki idatzita dago Iratzeen esporak, irakurketa izan dadin azkarra eta erabatekoa. Liburuko zazpi poema eskaintzen dizkizugu aurrerapen gisa, eta baita bideozko animazio bat ere, Maite Yurrebasoren irudiez eta Borja Estankonaren musikaz.
Aza 16 09
Hontzaren eguna,
Leonardo Sciascia
Leonardo Sciascia idazle deserosoa izan zen italiarrentzat, zokorik ilunenak arakatu eta kontzientzia kritikoa izatera iritsi baitzen, botereaz baliaturik errurik gabeko jendea zapaltzen duen edozeinen aurkakoa. Il contesto (1971) da ziur aski Sciasciaren nobela bikainena, bost urte geroago Francesco Rosik zinemarako moldatua (Cadaveri eccellenti izenburuarekin). Baina Hontzaren eguna (1961) da nobela ezagunena, hain zuzen ere euskaraz daukagun bakarra, Koldo Bigurik 1991n itzulia, Bellodi polizia eta Don Mariano mafiosoa aurrez aurre jartzen dituena. Eleberri hau ere zinemara eramana izan zen, Damiano Damianik 1968an.
Aza 14 09
Larzabalen antzerkigintzaz Baionan
Piarres Larzabalen antzerkigintzaz hitzaldia egingo du Ixabel Etxeberriak azaroaren 14an (larunbata) 10:00etan Literatura Eskolan, Baionako Kalostrapen (Marengo kalea 22).
Aza 13 09
Izan bainintzen Nafarroako errege, Aingeru Epaltza
Aingeru Epaltzak Izan bainintzen Nafarroako errege eleberria aurkeztuko du azaroaren 13an (ostirala) 11:00etan Iruñeko Elkar aretoan.
Aza 11 09
Zoaz infernura, laztana Donostian
Anjel Lertxundiren Zoaz infernura, laztana nobela eta Uxue Apaolazaren Bueltak narrazioa aztertuko dituzte azaroaren 11n (asteazkena) 19:00etan Donostiako Artelekuko liburutegian. Gidaria: Iratxe Retolaza.
Aza 10 09
Sakiren ipuinak
Myanmar kolonia britainiarreko polizia-buru baten semea zen Hector Hugh Munro (1870-1916). Idazle izentzat Saki hartu zuen, eta ipuin laburren maisuetarik bat izan zen. Leiho irekia da Sakiren narrazio ezagunenetakoa, hamabost urteko neskatxa batek gidatua, eta Jon Mirandek 1960an Egan aldizkariarentzat euskaratua. Mirandek Ipuin kontatzailea ere itzulia zuen lehenago, 1956an (hogeita hamar urte geroago Mikel Azurmendik Porrot aldizkarirako moldatuko zuena). Luigi Anselmik bi istorio ekarri zituen Pamiela aldizkarira 1985ean: Infernutar parlamentua eta Katuaren lorpenak; eta urte berean Joseba Sarrionandiak eta Mitxel Sarasketak Gonbidatuak narrazioa Hamahiru ate liburuan. Zortzi ipuineko bilduma liburu bakarrean Rosa Miren Artolak atondu zuen, orain osorik eskaintzen dizugun hauxe: Ipuin hautatuak (1987an Baroja etxean argitaratua).