Urr 16 10
Haragizkoa Bilbon
Haragizko amoreak liburuan oinarrituta, Haragizkoa musika eta poesia emanaldia egingo dute Edorta Jimenezek eta Rafa Ruedak urriaren 16an (larunbata) 21:00etan Bilboko Bidebarrieta liburutegian.
Urr 15 10
Azukre xehea, gatz larria, Mikel Hz Abaitua
Mikel Hernandez Abaituak Azukre xehea, gatz larria liburua aurkeztuko du urriaren 15ean (ostirala) 12:00etan Donostiako Udal Liburutegiko sotoan. Argitaldaria: Alberdania.
Urr 14 10
Arestiren poesiaz Bilbon
Gabriel Arestiren poesiaz jardungo du Jon Kortazarrek eta Juan Kruz Gurrutxagak poemak errezitatuko ditu urriaren 14an (osteguna) 19:30ean Bilboko Bidebarrieta liburutegian.
Urr 14 10
Bitsa eskuetan, Miren Agur Meabe
Miren Agur Meabek Bitsa eskuetan poema liburu berria aurkeztuko du urriaren 14an (osteguna) 11:00etan Donostiako Udal Liburutegiko sotoan. Argitaldaria: Susa.
Urr 13 10
Miren Agur Meaberen poema liburu berria: Bitsa eskuetan
Hamar urte dira Miren Agur Meabek Azalaren kodea argitaratu zuela. Urriaren 14an Bitsa eskuetan poema liburu berria aurkeztuko du Susa argitaletxearekin. Paradoxa bat da bitsa: ugaritasunaren eta ezerezaren sinboloa, hedonismoarena eta iragankortasunarena. Desioa, amodioa eta heriotza dira liburuko gai nagusiak, baina funtsean galerei buruzkoa da Bitsa eskuetan, bizitzak eman eta kentzen dizkigun horiei buruzkoa.
Urr 10 10
Komuneko paperean Arrasaten
Komuneko paperean errezitaldia egingo dute Imanol Epeldek eta Mattin Epeldek urriaren 10ean (igandea) 19:00etan Arrasateko gaztetxean.
Urr 07 10
Mahai-ingurua Gasteizen
Balio al du ezertarako (euskal) literatur kritikak? mahai-inguruan parte hartuko dute Gorka Bereziartua, Ibon Egaña, Manu Lopez, Mari Jose Olaziregi eta Mikel Aierbek urriaren 7an (osteguna) 20:00etan Gasteizko Hikaateneoan.
Urr 07 10
Ospitalekoak Tolosan
Mikel Antzaren Ospitalekoak nobelari buruz arituko dira urriaren 7an (osteguna) 19:30ean Tolosako kultur etxean.
Urr 07 10
Mahai-ingurua Bilbon
Bilbo, hiriak eta horietako idazleak jardunaldietan mahai-inguruan parte hartuko dute Jon Arretxek, Txuma Murugarrenek, Aizpea Goenagak eta Jon Kortazarrek urriaren 7an (osteguna) 19:00etan Bilboko Alhondigan.
Urr 07 10
Nor bere bidean, Joan Mari Irigoien
Joan Mari Irigoienek Nor bere bidean nobela aurkeztuko du urriaren 7an (osteguna) 11:00etan Donostiako Elkar aretoan.
Urr 06 10
Haragiaren gauak eta egunak Urretxun
Joan Mari Irigoienen Haragiaren gauak eta egunak eleberriari buruz jardungo dute urriaren 6an (asteazkena) 19:00etan Urretxuko Aizpurunea kultur etxea. Gidatzailea: Gorka Azkarate
Urr 06 10
Gabriel Arestiren lau antzezlan
Gabriel Arestik idatzi izan zituen sei antzezlanetatik lau Egan aldizkarian plazaratu ziren, orain teatro-testuak.com gunean jaso ditugunak. Mugaldeko herrian eginikako tobera obrak Toribio Altzaga Saria jaso zuen 1961ean eta urte berean argitaratu zen. Berehala idatzi zuen beste bat: Etxe aberatseko seme galdua eta Maria Madalenaren seme santua (1962). Ondoren Arantzazuko fraideen enkarguz egin zuen …eta gure heriotzeko orduan (1964) Aste Santuan taularatzeko, baina azkenean ez zitzaion onartu. 1965ean idatzi zuen Justizia txistulari (1967an argitaratuko zena), azken moldaketa lana egiteko Xabier Leteren esku utzia.
Urr 03 10
Poesia eta kantua Donostian
Donostiako Koldo Mitxelena Kulturuneak antolatutako Poesia eta Kantua egitarauan hiru emanaldi izango dira: urriaren 4an (astelehena) 19:30ean Juan Kruz Igerabide eta Iñaki Telleria; ordu berean baina urriaren 5ean (asteartea) Itxaro Borda eta Pierre Paul Berzaitz; eta urriaren 6an Harkaitz Cano eta Xabi San Sebastian.
Urr 02 10
Komuneko paperean Hernanin
Komuneko paperean errezitaldia egingo dute Imanol Epeldek eta Mattin Epeldek urriaren 2an (larunbata) 16:00etan Hernaniko Tilosetan.
Urr 01 10
Komuneko paperean Ordizian
Komuneko paperean errezitaldia egingo dute Imanol Epeldek eta Mattin Epeldek urriaren 1ean (ostirala) 22:00etan Ordiziako Delikatuzen.