Urr
28
10
“Heroi klasikoek, ispilu konkaboetan islaturik, Esperpentoa ematen dute”, esaten dio Max Estrellak Don Latinori; “Espainiako bizitzaren zentzu tragikoa, sistematikoki desitxuratutako estetikaz bakarrik eman daiteke”. Pobrezia, politikoen ustelkeria, langileriaren grebak… orduko giroaren erretratu bat osatu zuen Ramon Valle-Inclan idazleak Buhame-argiak antzezlanean. Duela 90 urte argitaratu zen España astekarian, zatika, 1920ko uztailaren 31n hasi eta urriaren 23ra bitartean; baina 1970era arte ez zen oholtza gainean jokatuko. “Europako zibilizazioaren desitxuratze grotesko bat besterik ez da Espainia”, gaztigatzen digu Max poeta itsuak.
Urr
27
10
Eider Rodriguezen Katu jendea ipuin liburua aztertuko dute urriaren 27an (asteazkena) 19:00etan Bediako liburutegian.
Urr
27
10
Jon Arretxek Sustrai beltzak ipuin liburua aurkeztuko du urriaren 27an (asteazkena) 18:30ean Iruñeko Elkar aretoan
Urr
27
10
Julen Gabiriaren Connemara gure bihotzetan nobela izango dute mintzagai urriaren 27an (asteazkena) 18:30ean Zarauzko Sanz Enea liburutegian. Gidatzailea: Ane Mayoz.
Urr
27
10
Victor Hugoren Kondenatu baten azken egunak nobela aurkeztuko du Juan Mari Agirreurretak urriaren 27an (asteazkena) 11:00etan Donostiako Elkar dendan.
Urr
26
10
Idatz & Mintz literatur aldizkariaren 50. zenbakia aurkeztuko du Labayruk azaroaren 7an Bilbon, baina aldez aurretik urriaren 26an (asteartea) 19:00etan Euskal Museoan mahai-ingurua antolatu du literatur aldizkariei buruz, non parte hartuko baitute Bernardo Atxagak, Igone Etxebarriak, Lucien Etxezaharretak eta Koldo Izagirrek.
Urr
25
10
Uxue Alberdiren Aulki-jokoa nobelaz arituko dira urriaren 25ean (astelehena) 18:30ean Arrasateko Kultur Ate liburutegian. Gidatzailea: Mikel Ayerbe.
Urr
23
10
Ibai Atutxak eta Maria Colerak Joxe Azurmendiren Manifestu atzeratua hitzaldia egingo dute urriaren 23an (larunbata) 10:00etan Bilbon, Nabarra aldizkariaren egoitzan, Literatura Eskolaren egitarau berriari hasiera emateko.
Urr
22
10
Pablo Sastrek Gizajendearen ahitzea saiakera aurkeztuko du urriaren 22an (ostirala) 11:00etan Donostiako Elkar aretoan.
Urr
21
10
Oier Guillan eta Asier Sarasolak Eskuen sustraiak errezitaldia egingo dute urriaren 21ean (osteguna) 20:30ean Bilboko Zazpi Kaleetako 7 Katu gaztetxean.
Urr
21
10
Lander Garroren Kontrarioa nobelaz jardungo dute urriaren 21ean (osteguna) 20:00etan Larrabetzuko Angulerin.
Urr
20
10
Harkaitz Canok eta Xabi San Sebastianek Ahotsetan errezitaldia egin dute urriaren 20an (asteazkena) 20:00etan Bilboko Arriagan.
Urr
19
10
Kontakizun ederrik irakurri nahi baduzu, hementxe duzu Katua eta sagua, 1961ean Günter Grassek idatzia, eta Latorrizko danborra (1959) eta Zakur urteak (1963) eleberriekin batera Danzigeko Trilogia osatzen duena. Bigarren Mundu Gerra amaitu ostean kontalariak gogoratzen dituen gaztetako bizipen batzuekin abiatzen da Katua eta sagua, Czaika dragamina hondoratu baten inguruan uda osoa murgil eta igeri jolasetan igarotzen duen gazte talde baten istorioa, gerra hasi berritan; bihurkinak baliaturik, itsasontziko piezak askatu eta altxor bitxien jabe egingo dira. Hansjürgen Pohland-ek film bilakatu zuen 1966an, eta Lars eta Peter Brandt anaiek (Willy Brandt politikariaren anaiek) Joachim Mahlke pertsonaiaren paperak jokatu zituzten.
Urr
18
10
Kepa Altonagaren Darwin gurean saiakerari buruz jardungo dute urriaren 18an (astelehena) 19:30ean Donostiako literatur solasaldietan, Udal Liburutegiko sotoan. Gidatzailea: Iñigo Aranbarri.
Urr
18
10
Asier Serranok Hiri gorritik poema liburua aurkeztuko du urriaren 18an (astelehena) 11:00etan Donostiako Elkar aretoan.
