Mar 30 11
Eta emakumeari sugeak esan zion Zarautzen
Lourdes Oñederraren Eta emakumeari sugeak esan zion nobela aztertuko dute martxoaren 30ean (asteazkena) 18:30ean Zarauzko Sanz Enea liburutegian.
Mar 29 11
Poto Urruñan
Pantzo Hirigaraik Poto nobela aurkeztuko du martxoaren 29an (astelehena) 19:00etan Urruñako Xaia ostatuan.
Mar 29 11
Orain 100 urte jaio zen Atxukale
Jose Antonio Arkotxa, izengoitiz Atxukale, orain mendebete jaio zen Mutrikun, 1911ko martxoaren 29an. Argia, El Dia eta Euzkadi agerkarietan plazaratu zituen bere lehen idazkiak. Gerra garaian preso hartu zuten, baina heriotzara zigortua izan arren, azken uneko indultuari esker etxeratu zen. Ondoren Ondarroan bizi izan zen berrogei urtez; Kresala elkarteko bultzagile eta antzezle jardun zuen, 16 obra idazteaz gainera. Egan aldizkarian 1957an argitaratutako Gabon-gabontzeta duzu haietako bat, Atxukaleren omenez orain teatro-testuak webgunean paratu duguna.
Mar 28 11
Koaderno handia Donostian
Agota Kristofen Koaderno handia nobelaz ariko dira martxoaren 28an (astelehena) 19:30ean Donostiako literatur solasaldietan, Udal Liburutegiko sotoan. Gidatzailea: Iñigo Aranbarri.
Mar 26 11
Ospitalekoak Miarritzen
Mikel Antzaren Ospitalekoak nobelaz ariko dira martxoaren 26an (larunbata) 14:30ean Miarritzeko Mediatekan.
Mar 25 11
Hutseaniko hazkurria Iruñean
Joxemiel Bidadorren Hutseaniko hazkurria poema liburuan oinarritutako errezitaldia egingo dute martxoaren 25ean (ostirala) 20:00etan Iruñeko Planetarioan.
Mar 25 11
Autopsiarako frogak Ean
Koldo Izagirreren Autopsiarako frogak saiakera liburua aztertuko dute martxoaren 25ean (ostirala) 20:00etan Eako Zakili elkartean.
Mar 24 11
Gabriel Arestiri buruz Algortan
Gabriel Arestiri buruz solasean jardungo dute Meli Estebanek, Natxo de Felipek, Xabier Kintanak, Jon Kortazarrek, Karmelo Landak eta Anjel Zelaietak martxoaren 24an (osteguna) 20:00etan Algortako Villamonte kultur etxean.
Mar 24 11
Errotik Derion
Gotzon Barandiaranen Errotik nobelaz berbetan jardungo dute martxoaren 24an (osteguna) 19:00etan Derioko Gurea aretoan.
Mar 24 11
Koldo Izagirreren hitzaldia Andoainen
Koldo Izagirrek Zuria naiz eta speak white esaten didate hitzaldia egingo du martxoaren 24an (osteguna) 19:00etan Andoainen, Martin Ugalde Foroan.
Mar 24 11
Bitsa eskuetan Durangon
Miren Agur Meabek Zazpi orduak eta Bitsa eskuetan liburuez berba egingo du martxoaren 24an (osteguna) 17:00etan Durangoko Pinondo etxean. Gidaria: Josuñe Muñoz.
Mar 24 11
Artzapezpikuaren bisita, Adam Bodor
Adam Bodor-en Artzapezpikuaren bisita liburua aurkeztuko du Unai Elorriagak martxoaren 24an (osteguna) 11:00etan Donostiako Elkar aretoan.
Mar 24 11
Marinel zaharraren balada
Marinel zahar batek eztei-festa batean kontatutako istorioa da Samuel Taylor Coleridge idazle ingelesaren Marinel zaharraren balada. Behinola hegoalderantz abiatu zelarik ontzi batean, galarren gupidagabe bat heldu zitzaien. Indar suntsitzaile haren erdian, hala ere, patu onaren txori albatrosa agertu zen eta berarekin hego haize lasaigarria ekarri zuen popa aldetik. Egun batzuk geroago ordea, zorte txarrez, marinelak hegaztia hil egin zuen balezta-geziz, eta harrezkero suertatutako atsekabeak jakingo ditugu. Balada hau 1798an argitaratu zen lehen aldiz Lyrical Ballads bilduman, Joseba Sarrionandiak euskaratu zuen 1995ean.
Mar 23 11
Zazpi orduak Urretxun
Miren Agur Meaberen Zazpi orduak liburua izango dute mintzagai martxoaren 23an (asteazkena) 19:00etan Urretxuko liburutegian.
Mar 23 11
Ogi hutsa Arrasaten
Mohamed Xukriren Ogi hutsa nobela aztertuko dute martxoaren 23an (asteazkena) 18:30ean Arrasateko Kultur Ateko literatur solasaldietan. Gidatzailea: Mikel Ayerbe.