maiatza 28 11
Bustilehorreko poemak Oreretan
Jose Luis Otamendik Bustilehorreko poemak errezitaldia egingo du maiatzaren 28an (larunbata) 18:00etan Oreretako Mikelazulo elkartean. Musika: Juan Azpillaga.
maiatza 27 11
Poesia arabiarra Oreretan
Duintasunaren eta askatasunaren koloreak, herrialde arabiarretako poesian oinarritutako errezitaldia izango dute maiatzaren 27an (ostirala) 20:30ean Oreretako Mikelazulo elkartean.
maiatza 27 11
Moroak gara behelaino artean? Ean
Joseba Sarrionandiaren Moroak gara behelaino artean? saiakeraz ariko dira maiatzaren 27an (ostirala) 19:30ean Eako Zakili elkartean.
maiatza 27 11
Tangerko ametsak, Jon Arretxe
Jon Arretxek Tangerko ametsak nobela aurkeztuko du maiatzaren 27an (ostirala)12:00etan Donostiako Udal Liburutegiko sotoan. Argitaldaria: Erein.
maiatza 26 11
Huntza hezur berritan Oreretan
Juan Ramon Makusok Huntza hezur berritan errezitaldia egingo du maiatzaren 26an (osteguna) 20:00etan Oreretako Mikelazulo elkartean.
maiatza 26 11
Joan da negua, Mikel Ibargurenen liburu berria
Mikel Ibargurenen lehen poema bildumak kartzela zuen herstura, bigarrenak deserria zuen mindura. Joan da negua du izenburua poema liburu argitaratu berriak, laugarrenak, eta heriotzaren eta bizitzaren arteko gatazka du gai nagusia. Hurbilekoen arteko gertakari lazgarriek eta minbiziaren erasoak bizipen larrietara eraman zuten Ibarguren:”heriotzaren irudia pixkanaka errebelatzen doan argazki baten antzekoa da, gero eta gardenago ikusten joan naizena”. Garai ilunetan argitasun bila, goibeltasunetik bozkariorainoko bidea urratzen duen ahotsa da Ibargurenena.
maiatza 25 11
Zazpi orduak Baztanen
Miren Agur Meaberen Zazpi orduak liburuaz solas egingo dute maiatzaren 25ean (asteazkena) 18:30ean Baztanen, Berroetako elkartean.
maiatza 25 11
SPrako tranbia Zarautzen
Unai Elorriagaren SPrako tranbia nobelaz jardungo dute maiatzaren 25ean (asteazkena) 18:00etan Zarauzko Sanz Enea liburutegian.
maiatza 25 11
Zazpi liburu berri Literaturian
Ekainaren 3, 4 eta 5ean egingo da Literaturiaren hirugarren edizioa Larrabetzun, eta aldez aurretik inon agertu gabeko zazpi liburu berri aurkeztuko dituzte azokan: Iñigo Aranbarri, Karmele Igartua, Alberto Ladron Arana, Goizalde Landabaso, Xabier Soubelet eta Joseba Tobar Arbuluk idatziak. Errezitaldiak egingo dituzte: Jon Benito, Antonio Casado da Rocha, Miren Agur Meabe, Paddy Rekalde eta Asier Serranok. Solasaldietan parte hartuko dute: Jon Arretxe, Yolanda Arrieta, Josi Basterretxea, Lutxo Egia, Unai Elorriaga, Mikel Etxaburu, Mikel Garcia, Jon Kortazar, Xabier Mendiguren, JM Odriozola, Beñat Sarasola, Pako Sudupe, Iban Zaldua eta irakurle klubetako hainbat lagunek. Ipuin kontaketan jardungo du Mikel Martinezek eta Erlea aldizkariaren ale berria aurkeztuko du Bernardo Atxagak. Musika emanaldiak: Ruper Ordorika, Hudaltzainak, Anari, Napoka Iria, Jon Miner. Eta antzerkia: Hura ez da lekua.
maiatza 24 11
Eskuen sustraiak Basaurin
Oier Guillan eta Asier Sarasolak Eskuen sustraiak errezitaldia egingo dute maiatzaren 24an (asteartea) 19:00etan Basauriko Pozokoetxe kultur etxean. Musika: Ander Fernandez. Pintura: Idoia Beratarbide.
maiatza 24 11
Autopsiarako frogak Arrasaten
Autopsiarako frogak hitzaldia egingo du Koldo Izagirrek maiatzaren 24an (asteartea) 18:30ean Arrasateko Kulturaten.
maiatza 21 11
Leteren poesigintzaz Iruñean
Literatura Eskolan Xabier Leteren poesigintzaz hitzaldia egingo du Jose Angel Irigarayk maiatzaren 21ean (larunbata) 10:00etan Iruñeko Euskaldunon Biltokian.
maiatza 20 11
Etxeko hautsa, Anjel Lertxundi
Anjel Lertxundik Etxeko hautsa nobela aurkeztuko du maiatzaren 20an (ostirala) 11:00etan Donostiako Udal Liburutegiko Sotoan. Argitaldaria: Alberdania.
maiatza 19 11
Bitsa eskuetan Larrabetzun
Miren Agur Meaberen Bitsa eskuetan poema liburua izango dute hizpide maiatzaren 19an (osteguna) 20:00etan Larrabetzuko Hori Bai gaztetxean.
maiatza 19 11
Fito Rodriguezen hitzaldia Donostian
Fito Rodrigezek Euskal literaturaren sustapenerako proposamenak hitzaldia egingo du maiatzaren 19an (osteguna) 19:30ean Donostiako Koldo Mitxelena kulturunean.