Uzt 17 11
Zer egin poema batekin Ean
Zer egin poema batekin kontatuko dute Ramon Agirrek eta Inazio Tolosak uztailaren 17an (igandea) 17:00etan Eako Ermintxo hoteleko belartzan.
Uzt 16 11
Errezitaldia Ean
Poesia errezitaldian pare hartuko dute Jon Benito, Mikel Etxaburu eta Elena Medelek uztailaren 16an (larunbata) 22:00etan Eako frontoi atzean. Musika: The Soul Stompers.
Uzt 16 11
Bitsa eskuetan Ean
Bitsa eskuetan errezitaldia eskainiko du Miren Agur Meabek uztailaren 16an (larunbata) 13:00etan Eako Talaian. Musika: Ibone Ibazeta.
Uzt 16 11
Beñat Sarasolaren hitzaldia Ean
Beñat Sarasolak Harrietatik anfetaminetara, 20 urte euskal poesian hitzaldia egingo du uztailaren 16an (larunbata) 10:30ean Eako udaletxean.
Uzt 15 11
Arestiren Zuzenbide debekatua Ean
Gabriel Arestiren Zuzenbide debekatua obra poetikoaz mahai-inguruan parte hartuko dute Fito Rodriguezek eta Karmelo Landak uztailaren 15ean (ostirala) 19:30ean Eako udaletxean. Errezitatzaileak: Oier Guillan eta Asier Sarasola
Uzt 13 11
Bitsa eskuetan Donostian
Bitsa eskuetan errezitaldia eskainiko du Miren Agur Meabek uztailaren 13an (asteazkena) 19:30ean Donostiako Udal Liburutegiko sotoan. Musika: Ibone Ibazeta.
Uzt 13 11
Ez jauna!
Manuel de Pedrolok 1957an idatzi eta lehen aldiz Bartzelonan 1958an taularatutako antzezlana da Gizonak eta Ez. EZ zaindariak burdinetan giltzapetuta dauzka gela batean gizon-emakume gazte bi eta beste batean beste bi. EZ zaindariak honela esaten die: “Zeuen burugabekerien kontra gordetzen zaituztet”; eta gatibuek arrapostu: “Burdinok gure kolpetatik gordetzen hauten bezala gaitiztek hire kolpetatik gordetzen”. Salbador Garmendiak euskaratu zuen 1969an Egan aldizkarian, eta orain teatro-testuak gunerako digitalizatu dugu.
Uzt 10 11
Biodiskografiak Gernikan
Iban Zalduak Biodiskografiak liburuko pasarteen irakurraldia egingo du uztailaren 10ean (igandea) 19:00etan Gernikako gaztetxean.
Uzt 09 11
Bitsa eskuetan Ean
Miren Agur Meaberen Bitsa eskuetan poema liburuaz solas egingo dute uztailaren 9an (larunbata) 19:30ean Eako Zakili elkartean.
Uzt 08 11
Picauden hitz gozoak
Codex Calixtinusen Donejakue bidearen gida egin zuen Aymeric Picaudek XII. mende erdian, eta Nafarroatik pasa zireneko pasadizoak idaztean (barbaro halakoak gu!) euskarazko hainbat hitz batu zituen. Codex hori Galiziako Santiagoko Katedraletik ebatsi egin dutenez oraintsu, jakin dezazun euskarazko zein hiztegi tipiri buruz ari garen, Klasikoen Gordailuan duzu testua.
Uzt 07 11
Tangerko ametsak Donostian
Jon Arretxeren Tangerko ametsak nobelaz solas egingo dute uztailaren 7an (osteguna) 19:30ean Donostiako Udal Liburutegiko sotoan.
Uzt 07 11
Su ta gar irrigarria
Ez gara musika taldeaz ari, baizik eta 1935eko otsailaren 9an Parisen taularatutako antzerki obra bati buruz: Les assureurs, Gabriel D’Hervilliez eta Claude Rolandek idatzia. Su ta gar izenburuarekin euskaratu zuen Antonio Maria Labaienek eta 1966an argitaratu zen Egan aldizkarian. Lau gizonezkok jokatzeko obra irrigarria duzu, aseguruez diharduena. Teatro-testuak webgunerako digitalizatu dugu.
Uzt 06 11
Eta orain badakit Donostian
Tere Irastortzak Eta orain badakit errezitaldia egingo du uztailaren 6an (asteazkena) 19:30ean Donostiako Udal Liburutegiko sotoan. Musika: Aitor Furundarena, Garikoitz Mendizabal eta Iñaki Telleria.
Uzt 06 11
Eako 8. Poesia Egunak
Gabriel Arestiren Zuzenbide debekatua obra poetikoari buruzko mahai-inguruarekin abiatuko dira Eako Poesia Egunak uztailaren 15ean, ostiral arratsaldean. Biharamunean Beñat Sarasolaren hitzaldia eta Miren Agur Meabe, Mikel Etxaburu eta Jon Benitoren errezitaldiak izango dira. Igandean, uztailaren 17an, Ramon Agirrek eta Inazio Tolosak kontatuko dute Zer egin poema batekin. Asteburuan gainera: Joseba Tapia, The Soul Stompers, Txori mugariak performancea eta Maddi Oihenart.
Uzt 01 11
Mahai-ingurua Bilbon
Hezkuntzaz kanpoko literatur sustatzaileak mahai-inguruan parte hartuko dute Arrate Egañak, Patxi Salaberrik eta Ur Apalategik uztailaren 1ean (ostirala) 18:00etan Bilboko Bidebarrieta liburutegian.