Abe 01 11
Zamaontzia Tolosan
Iñigo Aranbarriren Zamaontzia nobela aztertuko dute abenduaren 1ean (osteguna) 19:30ean Tolosako kultur etxean.
Abe 01 11
Bitsa eskuetan Donostian
Miren Agur Meaberen Bitsa eskuetan poema liburuaz solasaldia izango da abenduaren 1ean (osteguna) 19:00etan Donostiako Udal Liburutegiko sotoan.
Abe 01 11
3 Mariak Basaurin
Arantxa Urretabizkaiaren 3 Mariak nobelaz hitz egingo dute abenduaren 1ean (osteguna) 19:00etan Basauriko Pozokoetxe kultur etxean.
Abe 01 11
Xabier Leteren (auto)biografia bat
Inazio Mujikak Xabier Leteren (auto)biografia bat liburua aurkeztuko du abenduaren 1ean (osteguna) 12:00etan Donostiako Udal Liburutegiko sotoan. Argitaldaria: Alberdania.
Abe 01 11
Twist, Harkaitz Cano
Harkaitz Canok Twist nobela berria aurkeztuko du abenduaren 1ean (osteguna) 11:00etan Donostiako Udal Liburutegiko sotoan. Argitaldaria: Susa.
Abe 01 11
Jakobian eraikina, El Aswani
Andrea Camilleriren Hilabete bat Montalbanorekin eta Alaa El Aswaniren Jakobian eraikina liburuak aurkeztuko ditu Igela argitaletxeak abenduaren 1ean (osteguna) 10:30ean Donostiako Udal Liburutegiko sotoan.
Abe 01 11
Twist, Harkaitz Cano
Soto eta Zeberio bahitu, torturatu, hil eta desagerrarazi egin zituzten. Diego Lazkano idazleak gogoan betiko txertaturik daramatza bi lagunak, ezin ditu oroimenetik uxatu, bi itzal haietatik elikatzen ari da hogeitaka urtetan. Errua, maitasuna, traizioa, sexua, indarkeria, lotsa, justizia, erredentzioa, antzezpena… asko dira Harkaitz Canoren Twist nobelaren hariak, baina denen gainetik nagusitzen da adiskidetasunari egindako kantua. Eleberria osorik eskaintzen dizugu sarean, abenduaren 1ean aurkeztu aurretik.
Aza 30 11
Biodiskografiak Gasteizen
Iban Zalduak Biodiskografiak ipuin liburua ardatz hartuta irakurraldia egingo du azaroaren 30ean (asteazkena) 19:00etan Gasteizko EHUren Kanpuseko Pabilioian. Musika: Xabier Montoia eta Ibon Rodriguez.
Aza 30 11
Egarri egunak portualdean, Koldo Izagirre
Koldo Izagirrek Egarri egunak portualdean nobela berria aurkeztuko du azaroaren 30ean (asteazkena) 11:00etan Donostiako Udal Liburutegiko sotoan. Argitaldaria: Susa.
Aza 29 11
Autopsiarako frogak Zumaian
Autopsiarako frogak saiakeran oinarrituta, Koldo Izagirrek Artseniko aztarnak gure hizkuntzan hitzaldia egingo du azaroaren 29an (asteartea) 19:00etan Zumaiako Alondegian.
Aza 28 11
PostKronikak Donostian
Alberto Barandiaranen PostKronikak liburuaz jardungo dute azaroaren 28an (astelehena) 19:30ean Donostiako Udal Liburutegiko sotoan. Gidatzailea: Iñigo Aranbarri.
Aza 28 11
Errauts, Eneko Aizpurua
Erein argitaletxeak hiru liburu aurkeztuko ditu azaroaren 28an (astelehena) 11:00etan Donostiako Udal Liburutegiko sotoan. Amaia Iturbideren Eszenatokietako aztarnak hasten direnean poema liburua, Eneko Aizpuruaren Errauts nobela eta Modesto Arrietaren Izen bereziak ipuin liburua.
Aza 28 11
Koldo Izagirreren
nobela berria
Egarri egunak portualdean nobela aurkeztuko du Koldo Izagirrek azaroaren 30ean. Egarri egunak, bai, 1977ko uda hartakoak: asean gozatu nahi ditu gazteria matxinatu batek askatasuna, maitasuna, berdintasuna, edertasuna. Egarri anitz honek gatazkan murgilduko du heziketa sozial eta sentimentalean aurreneko pausoak ematen ari den protagonista, hats kolektiboaren eta indibidualismoaren artean bere ezintasun, ahuldade eta ametsekin. Liburua Durangoko Azokara iritsi baino lehen eskaintzen dizugu sarean.
Aza 25 11
Marta maitea Iruñean
Miquel Marti i Polen Marta maitea poema liburuan oinarritutako errezitaldia eginen dute azaroaren 25ean (ostirala) 19:30ean Iruñeko Auzolan dendan.
Aza 25 11
Ataramiñe berria
Ataramiñe literatura koaderno berria eta Ibon Muñoaren Ametsen txokoan bizi naiz liburua aurkeztuko dituzte azaroaren 25ean (ostirala) 11:00etan Bilboko Kalderapekon.