Ira 24 12
Aulki jokoa Zarautzen
Uxue Alberdiren Aulki jokoa nobela aztertuko dute irailaren 24an (astelehena) 18:30ean Zarauzko udal liburutegian.
Ira 21 12
Sacamantecas nuen aita Iruñean
Aitor Aranaren Sacamantecas nuen aita nobelaz solas egingo dute irailaren 21ean (ostirala) 20:00etan Iruñeko Zaldiko Maldiko elkartean.
Ira 21 12
Boga boga Donapaleun
Itxaro Borda Postmortem scripta volant eta Boga boga nobelez mintzatuko da irailaren 21ean (ostirala) 17:00etan Donapaleuko Mediatekan.
Ira 20 12
Zorion handiegia, Alice Munro
Alice Munroren Zorion handiegia ipuin liburua aurkeztuko du Nagore Tolosak irailaren 20an (osteguna) 11:00etan Donostiako Elkar dendan. Argitaletxea: Meettok.
Ira 20 12
4.000 obra eta 4.000 kritika
Literaturaren Zubitegia euskal literaturaren entziklopedia baten neurria hartzen ari da apurka. Astero berritzearen eta elikatzearen poderioz iritsi da dagoeneko 4.000 lan bibliografikoren zerrenda osatzera eta literatur liburuei egindako 4.000 kritika batzera. Eta gainera 6.000 esteka eskainiz, webgune batetik bestera gidatuko zaituen hipertestu bat moldatua du, idazleen inguruko edukietara ahalik eta bizkorren heldu ahal izateko.
Ira 19 12
Koldo Almandozen ezpota
Ez dizu onik egingo leloarekin olgetazko spot batzuk egin ziren Susaren webgunean duela 6 urte, ezpotak deiturarekin. Koldo Almandoz zinegileak asmo hari segida eman nahi izan dio orain, eta literatur liburuek onik egingo ez diguten ustea zalantzan jartzen du Edo bai… izenburua duen iragarki honekin. Spotak egin zalea baldin bazara, bidali egiguzu zeure proposamena.
Ira 18 12
Sarrionandiaren poemak Bilbon
Joseba Sarrionandiaren poemak irakurriko dituzte Bernardo Atxagak, Eñaut Elorrietak eta Mikel Inunziagak irailaren 18an (asteartea) 20:00etan Bilboko BBK aretoan.
Ira 13 12
Martutene Tolosan
Ramon Saizarbitoriaren Martutene nobela aztertuko dute irailaren 13an (osteguna) 19:30ean Tolosako kultur etxean.
Ira 12 12
Piztiaren begiak, Ladron Arana
Alberto Ladron Aranak Piztiaren begiak nobela aurkeztuko du irailaren 12an (asteazkena) 11:00etan Donostiako Elkar aretoan.
Ira 12 12
Igerilaria, John Cheever
Jasone Larrinagari esker, estreinako aldia da John Cheever idazle amerikarraren kontakizun bat ekarri zaiola euskarari. Igerilaria Cheeverren ipuin onenetako bat dela esan ohi da, 1964an The New Yorker-en argitaratua. Hasiera batean nobela izateko asmoa zuen, 150 orrialde bete ohar idatzita zeuzkan, baina narrazio moldea eman zion azkenean. Hartan oinarrituta, Frank Perryk film bat egin zuen 1968an, Burt Lancaster protagonista zuela. Igerilaria ipuina entzun ere egin dezakezu Xerezaderen Artxiboa-n, Bilbo Hiria irratian grabatua. Aurten 100 urte dira John Cheever jaio zela eta 30 hil zela.
Ira 11 12
Martutene Zumaian
Ramon Saizarbitoriaren Martutene nobelaz solas egingo dute irailaren 11n (asteartea) 18:00etan Zumaiako Foronda kultur etxean.
Ira 05 12
Meaberen lau poema ingelesez
Catherine Phil MacCarthyk Miren Agur Meaberen Bitsa eskuetan liburuko (2010, Susa) lau poemaren ingelesezko itzulpenak bidali dizkigu: Swan Song, Patti Smith Dreams of Rimbaud, Self-Mythology of La Jolie Fille eta Psalm. Lehen ere beste dozena eta erdi ingelesez jarriak badira Azalaren kodea bildumakoak.
Ira 04 12
Ez zaitut abandonatuko Donostian
Jon Benitok eta Bide Ertzean triok “Ez zaitut abandonatuko” errezitaldia egingo dute irailaren 4an (asteartea) 20:00etan Donostiako Victoria Eugenia Clubean.
Ira 04 12
Orain 100 urte jaio zen Erkiaga
Gerra osteko literatura murritzari hiru nobela ekarri zizkion idazletzat daukagu gaur egun Eusebio Erkiaga, nahiz eta genero guztiak probatua izan: gaztetan poesiarekin abiatu eta ondoren antzerkia, ipuina zein itzulpena ere bai. Erkiagaren nobelak etika kristauaren ardatzari estu lotuta sortuak dira; sarean emanak dituzu lehen hirurak: Arranegi (1950ean idatzi eta 1958an argitaratua), Araibar Zalduna (1958an idatzi eta 1962an argitaratua) eta Batetik bestera (1961ean idatzi eta 1962an argitaratua), baita liburu elektronikoz irakurtzeko moldean ere. Aldizkarietan plazaratu zituen poemen zerrenda jasoa dugu, 1931tik hasita. Erkiaga 1912ko irailaren 4an jaio zen Lekeition, duela 100 urte.
Ira 03 12
Katuak eta paradisua Donostian
Bernardo Atxagak eta Jabier Muguruzak “Katuak eta paradisua” emanaldia eskainiko dute irailaren 3an (astelehena) 20:00etan Donostiako Victoria Eugenia Clubean.