Urt 14 14
Hobe isilik Zumaian
Garbiñe Ubedaren Hobe isilik nobela aztertuko dute urtarrilaren 14an (asteartea) 18:00etan Zumaiako Alondegian.
Urt 13 14
Orbanak Igorren
Pello Lizarralderen Orbanak nobelaz ariko dira urtarrilaren 13an (astelehena) 17:00etan Igorreko kultur etxean.
Urt 10 14
Ispiluak Pasai Donibanen
Eduardo Galeanoren Ispiluak liburuan oinarritutako irakurraldia egingo dute urtarrilaren 10ean (ostirala) 19:30ean Pasai Donibaneko zineman.
Urt 10 14
Koaderno gorria Iruñean
Arantxa Urretabizkaiaren Koaderno gorria nobelaz solas egingo dute urtarrilaren 10ean (ostirala) 19:00etan Iruñean, Txantreako Biltoki elkartean.
Urt 09 14
Twist Basaurin
Harkaitz Canoren Twist nobelaz berba egingo dute urtarrilaren 9an (osteguna) 19:00etan Basauriko Pozokoetxe kultur etxean.
Urt 09 14
Ipuin irakurraldia Leioan
Harkaitz Canok, Izarne Cardabak, Jokin Gorozikak, Edu Lartzangurenek, Mikel Martinezek eta Ana I. Moralesek ipuin irakurraldia egingo dute urtarrilaren 9an (osteguna) 18:30etan Leioako liburutegian, Xerezaderen Artxiboa jaian.
Urt 09 14
Panpina-etxea,
Katherine Mansfield
Oparitan emandako jostailu batek abiatzen du Panpina-etxea ipuina (The Doll’s House), Katherine Mansfieldek 1922ko otsailaren 4an The Nation astekarian argitaratua eta hurrengo urtean The Dove’s Nest bilduman jasoa. Klase diskriminazioari buruzko kontakizuna duzu, Iñigo Roquek euskaraturik oparitzat bidali diguna, Katherine Mansfield idazlearen heriotza egunarekin bat eginez. Nahi izatera, beste hamabost ipuin ere badituzu Lorategiko festa liburuan.
Urt 02 14
Parisen bizi naiz Larrabetzun
Koldo Izagirrek Parisen bizi naiz errezitaldia egingo du urtarrilaren 2an (osteguna) 18:30ean Larrabetzuko Anguleri kultur etxean.
Urt 02 14
Pepe Artola gogoan
Urtarrilaren 4an 150 urte izango dira Pepe Artola idazlea Donostian jaio zela. Lanbidez etxe apaintzailea zen: ispiluak eta kristalak ipini, paretak pintatu edo papera jarri. Baina kultur zale amorratua ere bazen; hemezortzi urte zituenetik hasi zen idazten eta argitaratzen: ipuinak, bertsoak, antzerkia; aktore aritu zen Marzelino Soroarekin hasita, eta kantari ere bai Orfeoi Donostiarrean. Garai hartako musikariei lagundu zien letrak idazten, adibidez Jose Maria Usandizagari Mendi-mendiyan operan. Euskaraz.net gunean dituzu Artolaren lanak, baita ere Bertso eta Olerkien Hemerotekan. Emeterio Arresek 1898an Aiton baten eriotza bakarrizketa idatzi zuen bertsotan Artolarentzat, Euskalzale aldizkarian.
Abe 29 13
Baita hondakinak ere Azkoitian
Iñigo Astizek eta Mikel Ayerbek Baita hondakinak ere poema liburuan oinarritutako errezitaldia egingo dute abenduaren 29an (igandea) 19:00etan Azkoitiko Mataderoan.
Abe 27 13
Parisen bizi naiz Gernikan
Koldo Izagirrek Parisen bizi naiz errezitaldia egingo du abenduaren 27an (ostirala) 19:00etan Gernikako Astran.
Abe 26 13
(Des)amodio errezitaldia Durangon
Gotzon Barandiaranek eta Jon Benitok (Des)amodio errezitaldia egingo dute abenduaren 26an (osteguna) 19:00etan Durangoko Hitz liburu-dendan. Musika: Itziar Castrillo.
Abe 25 13
Tzara hil zen duela 50 urte
Parisen 1963ko abenduaren 25ean hil zen Tristan Tzara idazlea, Dada mugimenduaren sortzaileetarik bat. Hogeita bi urte zituela, Zuricheko Meise aretoan Dada manifestua eta beste zenbait testuren irakurraldia egin zuen Tristan Tzarak 1918ko uztailaren 23ko arratsaldean, Marcel Janco pintorearen afixa batez iragarrita. Manifestu hura Dada aldizkariaren hirugarren zenbakian argitaratu zen 1918ko abenduan, honela abiaturik: “Manifestu bat azaltzeko, A.B.C. nahi izan behar da. Tximista jo 1.2.3.aren kontra. (…) Norberaren A.B.C.a inposatzea gauza naturala da, alegia, deitoragarria”. Dada manifestua euskaraturik bidali digu Koldo Izagirrek.
Abe 20 13
Venusen delta Iruñean
Anais Ninen Venusen delta liburua aztertuko dute abenduaren 20an (ostirala) 20:00etan Iruñeko La Hormiga Atomican.
Abe 20 13
Itzalen itzal Gasteizen
Juan Garziaren Itzalen itzal liburuaz ariko dira abenduaren 20an (osteguna) 20:00etan Gasteizko Floridako kultur etxean.
